ٹیکسلا (ڈاکٹر سید صابر علی )پیپلز پارٹی تحصیل ٹیکسلا کے صدر ملک نجیب الرحمن ارشد نے کہا ہے کہ آج سے 37سال پہلے شہید ذوالفقار علی بھٹو نے اصولوں پر سودے بازی کرنے کی بجاے موت کو ترجیح دی اور جس کی پاداشت میں وہ سولی پر چڑھ گئے، پیپلز پارٹی پر ہر دور میں ظلم کے پہاڑ ڈھائے گئے ، اور پیپلزپارٹی کے ساتھ ہمیشہ امتیازی سلوک روا رکھا گیا، پیپلز پارٹی کا اصل اورعظیم سرمایہ اسکے نظریاتی کارکنان ہیں ، آج ہمیں اصل مشن سے ہٹایا جا رہا ہے کبھی فرقہ واریت اور کبھی لسانیت و علاقائیت کے نام پر ،جب تک ہم اپنے شہید قائد ذوالفقار علی بھٹو کے مشن پر نہیں آئیں گے جمہوری ادارے مضبوط نہیں ہونگے اور عوامی مسائل بھی حل نہیں ہو نگے،ان خیالات کا اظہار انھوں نے ڈھوک وجن میں سید خادم حسین شاہ کی جانب سے شہید ذولفقار علی بھٹو کی37 ویںبرسی کے سلسلے میں منعقدہ تقریب سے میں خطاب کے دوران کیا ،سید جابر شاہ ایڈووکیٹ، سفیر حسین سفیر، ثنا خوان مصطفیٰ ۖ اسد علی حیدری،بلاول حیدر نقوی،دانش حیدر ی نے بھی خطاب کیاجبکہ تقریب میں (ر) کرنل کاظم رضا، راجہ مشتاق احمد، ملک آصف محمود، یاسر قریشی، اختر علی نقوی، رفیق بٹ،سید جابر شاہ ایڈووکیٹ، مسعود خٹک، شاکر علی شاکر ،سردار عباس شاہ، واجد حسین، ریاض شاہ، حاجی شریف، سید شاہ حسین، بلاول بھٹو فورس کے راہنما سید زاہد الحسن زیدی سمیت دیگر کارکنان پیپلز پارٹی نے کثیر تعداد میں شرکت کی،مقررین نے شاندار انداز میں عقیدت و احترم کے ساتھ شہید ذوالفقار علی بھٹو کی ملک و قوم کے لئے کی گئی کاوشوں اور گراں قدر خدمات پر خراج عقیدت پیش کیا،اور کہا کہ ایک منظم سازش کے تحت ہمیں اپنے اصل مشن سے ہٹایا جاتا ہے مقررین کا کہنا تھا کہ پیپلز پارٹی کو بلاول بھٹو کی صورت میں ایک ایسا قائد مل چکا ہے جسکی اٹھان شہید ذوالفقار علی بھٹو اور طرز عمل بے نظیر بھٹو جیسا ہے اگر قوم نے اعتماد کیا تو بلاول بھٹو اپنے ناناکی طرح اس ملک کوایشیاء کا ٹائیگر اور قوم کے لئے انقلابی پروگرام لائے گا، انھوں نے کہا کہ پیپلز پارٹی کے دور میں نہ صرف محنت کشوں کے خلاف بننے والا کالا قانون مزدور ایکٹ ختم کیا گیا بلکہ جمہوریت کی مضبوطی کے لئے اس وقت کے صدر آصف علی زرداری نے اپنے اختیارات کم کر کے وزیراعظم کو سونپ دئیے محنت کشوں کی تنخواہوں میں خاطر خواہ اضافہ کیا گیا جسکی مثال پاکستان کی تاریخ میں نہیں ملتی،قبل ازیں شہید ذوالفقار علی بھٹو کے ایصال ثواب کے لئے قرآن خوانی کا اہتمام کیا گیا اور آخر میں بھٹو لنگر تقسیم کیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا(ڈاکٹر سید صابر علی )دی فاؤنڈرز گرلز سکینڈری سکول فاروقیہ روڈ احاطہ ٹیکسلا کا پرائمری اور مڈل سٹینڈرڈ امتحان کا نتیجہ 100 فیصد رہا ۔ ہونہار طالبہ طےّبہ رفیق نے علاقہ بھر کی درسگاہوں میں پہلی پوزیشن حاصل کی ۔ شاندار کامیابی پر والدین نے سکول کے اساتذہ کو مبارکباد ،دی فاؤنڈرز گرلز سکینڈری سکول فاروقیہ روڈ احاطہ ٹیکسلا کا پرائمری اور مڈل سٹینڈرڈ پنجاب ایگزامینیشن کمیشن لاہور کے تحت منعقدہ امتحان پرائمری اور مڈل سٹینڈرڈ 2016 ء امسال بھی 100 فیصد رہا ۔ پرائمری سٹینڈرڈ امتحان میں ادارہ کی طالبہ زینب الیاس نے 438 نمبر حاصل کر کے درسگاہ میں پہلی پوزیشن حاصل کی جبکہ صباحت جاوید عزیز مغل اور زینب بی بی نے دوسری اور تیسری پوزیشنز حاصل کیں جبکہ مڈل سٹینڈرڈ کے امتحان میں ادارہ کی ہونہار طالبہ طیبّہ رفیق نے 425 نمبر لے کر نہ صرف سکول میں پہلی پوزیشن حاصل کی بلکہ قرب و جوار کے تمام تعلیمی اداروں کی طالبات میں بھی نمایاں رہی، کائنات بی بی اور فاطمہ خان بالترتیب دوسرے اور تیسرے نمبر پر رہیں،پرائمری اور مڈل کے 100 فیصد رزلٹ دکھانے پر والدین بالخصوص خادم حسین ایڈووکیٹ (عثمان کھٹڑ) ، راجہ افتخار احمد (شادی ) ، زاہد محمود (سالار گاہ ) اور محمد رشید (عثمان کھٹڑ) نے درسگاہ کے اساتذہ کو مبارکباد دی ہے جن کی انتھک محنت کے ثمرات کمیونٹی کے سامنے ہیں ۔ سربراہ ادارہ عطا ء ُ الرحمن چوہدری نے کامیاب طالبات کے والدین کو مبارکباد پیش کیں ہیں اور اس امر کا اعادہ کیا ہے کہ انشا ء َ اللہ خوب سے خوب تر کی جستجو جاری رہے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا(ڈاکٹر سید صابر علی )مسلم لیگ (ن) کے راہنما سابق امیدوار برائے چئیرمین چوہدری واجد ایوب نے کہا ہے کہ کسی بھی معاشرے کی تعمیروترقی کا انحصار تعلیم پر ہوتا ہے جو قومیں تعلیم میں سب سے آگے ہوتی ہیں وہ ترقی کی منزلیں بھی جلد طے کرتی ہیں، آج کے طالب علم کل کے معمار وطن ہونگے،موجودہ حکومت تعلیم کے شعبے پرخصوصی توجہ دے رہی ہے، عصر حاضر کے تقاضوں کو مد نظر رکھتے ہوئے تعلیم و تربیت کو فروغ دینا اشد ضروری ہے،نوجوانوں کو جدید تعلیم سے آراستہ کرنا وقت کا عین تقاضا ہے،ان خیالات کا اظہار انھوں نے بوائز ماڈل سکول میں یوم تقسیم انعامات و یوم والدین کی تقریب سے خطاب کے دوران کیا ،سکول کے پرنسپل نے کہا کہ یہ ادارہ اہل علاقہ کے لئے رول ماڈل ہے اور بچوں کو نصابی سرگرمیوں کے ساتھ ساتھ غیر نصابی سرگرمیوں میں بھی شامل کیا جاتا ہے ،چوہدری واجد ایوب نے کہا کہ ملک کے ہر بچے اور ہر بچی کو تعلیم تک رسائی دینا ہم سب کا فریضہ ہے اور اسکے لئے ہمیں ہنگامی بنیادوں پر اپنا کردار ادا کرنا ہوگا،موجودہ حکومت شہروں کے ساتھ ساتھ دیہی علاقہ جات میں بھی تعلیم کے شعبے کو ہم پلہ لا رہی ہے، اسکے لئے انقلابی اقدامات کئے جا رہے ہیں تاکہ ہماری آنے والی نسلوں کو ایک روشن اور محفوظ پاکستان مل سکے انھوں نے کہا کہ تعلیم پر کوئی کمپرومائز نہیں ہوگا ،سکول سرکاری ہوں یا پرائیویٹ بچوں کی تعلیم و تربیت نیک نیتی سے ہونی چاہئے تاکہ آج کے یہ طالب علم کل کے بہترین معمار وطن ثابت ہوںسکیں ،آخر میں انھوں نے پوزیشن ہولڈر بچوں میں انعامات تقسیم کئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا(ڈاکٹر سید صابر علی ) معروف سماجی شخصیت ڈاکٹر ایم رمضان عبداللہ نے کہا ہے کہافواج پاکستان ملک کی سالمیت اور بقا کی جنگ لڑ رہی ہیں، آپریشن ضرب عزب کامیابی سے جاری ہے اور پوری قوم افواج پاکستان کی پشت پر کھڑی ہے، چیف آف آرمی سٹاف جنرل راحیل شریف نے دہشت گردوں کی جڑیں کاٹ کر رکھ دی ہیں جس سے نہ صرف ملک میں امن و امان کی صورت حال بہتر ہوئی ہے بلکہ ملکی معیشت کو بھی استحکام ملا ہے ،ان خیالات کا اظہار انھوں نے اپنے بیان میں کیا،ڈاکٹر عبداللہ نے کہا کہ اس وقت قوم کی نظریں افواج پاکستان پر لگی ہیں اور قوم افواج پاکستان کو اپنانجات دھندہ سمجھتی ہے، قوم کی امیدوں کا محور ومرکزجنرل راحیل شریف ہیں،جس نے ثابت کر دیا کہ ملک کی جغرافیائی و نظریاتی سرحدوں کی حفاظت کس طرح کی جاتی ہے،اس وقت ملک انتہائی نازک دور سے گذر رہا ہے اور افواج پاکستان نے صرف حالت جنگ بلکہ امن کے دنوں میں بھی قوم پر آنے والی مشکلات میں کام آئی ہے خواہ سیلاب ہو، یا زلزلے کی تباہ کاریاں ،الیکشن ہو یا پھر کوئی اور مشکل گھڑی ہو افواج پاکستان نے ہمیشہ اپنا فعال کردار ادا کیا ہے جس پر ہم افواج پاکستان کو خراج تحسین پیش کرتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ٹیکسلا(ڈاکٹر سید صابر علی )پیپلز پارٹی ٹیکسلا کے رہنمائوں میر محمد جاوید اور امجد خان آف گڑھی افغاناں نے اپنے مشترکہ بیان میں کہا ہے کہ کل بھی بھٹو زندہ تھا اور آج بھی بھٹو زندہ ہے ہم مرتے دم تک شہید ذوالفقار علی بھٹو کے مشن پر کاربندرہیں گے، جس پارٹی کو دو آمر ختم نہ کر سکے اسے موجودہ سیاستدان کیسے ختم کر سکتے ہیں،کارکنان پیپلز پارٹی اپنے قائدین کی قیادت میں متحد ہیں، ان خیالات کا اظہار انھوں نے میڈیا سے گفتگو کے دوران کیا ،میر محمد جاوید نے کہا کہ 37سال پہلے ایک منظم سازش کے تحت قائد عوام کو کروڑوں مداحواں سے دور کر دیا گیا مگر آج بھی پیپلز پارٹی کا ہر کارکن اپنے شہید قائد کے مشن پر کاربند ہے، صدر گڑھی افغاناں امجد خان نے کہا کہ سازشیں ہر دور میں ہوتی رہیں مگر کارکنان پیپلز پارٹی جوانمردی سے ان سازشوں کا مقابلہ کرتے رہے انشااللہ آئندہ بھی کامیابی پیپلز پارٹی کا مقدرہوگی یہ صرف سیاسی جماعت ہی نہیں بلکہ ایک تحریک کا نام ہے اسکی جڑیں نہ صرف چاروں صوبوں میں بلکہ کشمیر اور گلگت بلتستان تک پھیلی ہوئی ہیں ،ہم عہد کرتے ہیں کہ اپنے شہداء قائدین کے مشن کو نہ صرف آگے بڑھائیں گے بلکہ بلاول بھٹو جو کہ قوم کی امیدوں کی کرن ہیں ان کے ہاتھ مضبوط کریںگے انکا کہنا تھا کہ پیپلز پارٹی کے کارکنان نہ صرف پر عزم ہیں بلکہ اسکی فعالیت میں مسلسل اپنا کردار ادا کر رہے ہیں،
ویزے کی شرط سے دہشتگردوں کی نقل و حمل میں کمی ہو گی۔ سولنگی اتحاد
ٹیکسلا کی خبروں کی تصویری جھلکیاں
