نئی دہلی (جیوڈیسک) سابق بھارتی سیکریٹری داخلہ آر کے سنگھ نے کہا ہے کہ پٹھانکوٹ حملے کی تحقیقات کیلیے پاکستان کی طرف سے جے آئی ٹی کو بھارت بھجوانا صرف ایک بہانہ تھا، پاکستان اس معاملہ میں کچھ بھی کرنے کو تیار نہیں ہے۔
بھارتی میڈیا کے مطابق سابق ہوم سیکریٹری آر کے سنگھ کا کہنا ہے کہ پٹھانکوٹ حملے کے حوالے سے پاکستان کی طرف سے بھیجی جانیوالی جے آئی ٹی کا حالیہ دورہ بھارت صرف ایک بہانہ ہے اگر میڈیا رپورٹس درست ہیں تو پھر یہ ایک بہت سنگین معاملہ ہے۔
ان کا کہنا تھا کہ یہ بات ہمارے اس شک کو بھی تقویت دیتی ہے کہ پاکستان کچھ بھی نہیں کرے گا کیونکہ جیش محمد ان کی فوج اور خفیہ ایجنسی کیلیے ایک پراکسی ہے۔ آر کے سنگھ کا کہنا تھا کہ وزیراعظم نوازشریف فوج یا اپنی خفیہ ایجنسی کو غلط کہنے کی پوزیشن میں نہیں ہے۔
سعودی عرب میں ٹریفک حادثے میں 6 بچوں سمیت 15 افراد ہلاک
پاناما لیکس کے انکشافات کے بعد آسٹریلیا اور نیوزی لینڈ میں تحقیقات کا آغاز
