لیہ (جیوڈیسک) لیہ میں بچے کی پیدائش پر زہریلی مٹھائی کھانے والے مزید چار افراد نشتر ہسپتال میں زندگی کی بازی ہار گئے جس سے جاں بحق افراد کی تعداد 17 ہو گئی ۔
لیہ کی تحصیل کہروڑ لعل عیسن میں بچے کی پیدائش پرزہریلی مٹھائی تقسیم کی گئی جس کو کھاتے ہی پہلے روز دس افراد موت کے منہ میں چلے گئے جبکہ دوسرے روز بھی تین سالہ ارم ، حسیب اور عرفان نشتر ہسپتال میں دم توڑ گئے تھے تاہم آج مزید 4 افراد جن میں سکندر، بلال، عدنان اور خاتون گل شامل ہیں جس سے جاں بحق افراد کی تعداد 17 ہو گئی ہے ۔
ڈاکٹروں کا کہنا ہے کہ 19 اور 8 نمبر وراڈ میں دومریض تاحال زیر علاج ہیں جن کی حالت تشویشناک ہے جس سے جاں بحق افراد کی تعداد مزید بڑھنے کا اندیشہ ہے ۔
اسلام آباد: تحریک انصاف کی ریلی، کپتان کی کارکنوں سے یوم تاسیس میں شرکت کی اپیل
پاکستان سمیت دنیا کے 170 ممالک کے ماحولیاتی تبدیلی کے عالمی معاہدے پر دستخط
