گجرات (جی پی آئی)اولیاء اللہ اوربزگان دین کے مزارات رشد وہدایت کے مراکز ہیں۔ عقیدت مندفیوض و برکات سمیٹنے کیلئے جوق در جوق ان درگاہوں کا رخ کرتے ہیں۔بزرگان دین کی اسلام کی ترویج کیلئے کوششوں کو بھلایا نہیں جا سکتا۔ دنیا میںچہارسواسلا م کاپرچم بزرگان دین کی محنت کاثمرہے۔ان خیالات کا اظہارپیرسید حبیب اللہ شاہ نے مہرآباد شریف بھٹی کے میں شیخ القرآن عبد الغفورہزاروی کے47ویں سالانہ عرس کے موقع پر خطاب کرتے ہوئے کیا۔اس موقع پرمحمدآصف ہزاروی،فخرندیم قاسمی،نوید حسین نقشبندی،پیرسعیداحمدشاہ گجراتی،سید فداحسین شاہ،علا مہ انصر القادری،سراج الدین صدیقی،انتصارالحسن شاہ،صوفی محمدطارق نقشبندی،علامہ نصیراحمداویسی،سیداحمدرضا بخاری،علا مہ مفتی خادم حسین،صاحبزادہ پیررضوان منصوراعوانی،سیدہارون شاہ،فداحسین زنجانی،پیرزاہد شاہ ترمذی،علا مہ توقیر الحسن ،ملک محمدیوسف چاند،الحاج ارشدمحمودسلیمی،حافظ جعفر حسین ہزاروی،قاری سعید احمدارشد،قاری محمداکرم ،محمدیونس بٹ ودیگرنے بھی خطاب کیا۔انہوںنے کہا کہ پیرمحمدعبد الغفور ہزاروی نے جو ملی ،دینی خدمات سرانجام دیںوہ تاریخ کا حصہ بن چکی ہیں۔انہوںنے تحریک پاکستان میںقائد اعظم کے پرچم تلے سامراجی حکمرانوںکوللکارا۔عبد الغفورہزاروی وزیرآباد شہر میںدینی علم کے فروغ کے لئے اپنی زندگی کووقف کیا ہواتھا۔قبل ازیںمزارکوغسل دیا گیااورچادر پوشی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)دربار عالیہ حضرت امیر ملت علی پور سیداں شریف ضلع نارووال پر انجمن خدام الصوفیہ و امیر ملت ٹرسٹ رجسٹرڈ پاکستان /برطانیہ کے زیر اہتمام مرکزی سالانہ عظیم الشان عرس مبارک حضرت امیر ملت پیر سید جماعت علی شاہ محدث علی پوری رحمة اللہ علیہ و عالمی روحانی اجتماع مورخہ11-10مئی 2016ء بروز منگل ۔بدھ کوجانشین امیر ملت مہر الملت پیر سید منور حسین شاہ جماعتی سجادہ نشین دربا عالیہ حضرت امیر ملت علی پور سیداں شریف کی زیر صدارت منعقد ہو گی ۔ جس کی سرپرستی پیر سید خورشید حسین شاہ جماعتی ، قیادت پیر سید مظفرحسین شاہ جماعتی ، سیادت پیر سید ذاکر حسین شاہ جماعتی فرمائیں گے جبکہ مفکر اسلام علامہ سید ریاض حسین شاہ مرکزی ناظم اعلیٰ جماعت اہلسنت پاکستان ،علامہ پیر سید حامد سعید کاظمی سابق وفاقی وزیر مذہبی امور پاکستان، علامہ مفتی محمد اقبال چشتی آف لاہور ، علامہ محمد تبسم بشیر اویسی مرکزی ناظم اعلیٰ تحریک اویسیہ پاکستان، علامہ سید شمس الدین بخاری آف لاہور ، علامہ سید فدا حسین شاہ حافظ آبادی،علامہ صاحبزادہ محمد اکرم رضا بغدادی آف ڈسکہ خطابات فرمائیں گے اور قاری حبیب اللہ چشتی آف سیالکوٹ تلاوت اور پیر سید نعمان حسین شاہ جماعتی آف یو کے ، حافظ نور سلطان صدیقی آف لاہور ، محمد ریحان روقی آف فیصل آباد، محمد شکیل اشرف قادری آف سیالکوٹ ،قاری تنویر اقبال قادری آف یو کے ، سید محمد عبد الرحمن شیرازی ہدیہ عقیدت جبکہ معروف نقیب محمد افتخار احمد رضوی نقابت کے فرائض سر انجام دیں گے ۔عر س مبارک کی روحانی تقاریب 2دن جاری رہیں گے جس میں ملک و بیرون ملک سے عقیدتمندان حضرت امیر ملت لاکھوں کی تعداد میں شرکت کریں گے ۔عرس مبارک کی تقاریب کو برائے راست ARY-Qtvپر نشر کیا جائے گا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ملتان اور حافظ آباد کی مختلف لیبر تنظیموں کے راہنما جناب سید مصور نقوی جنرل سیکریٹری ملتان پاور لومز ورکرز یونین ، ساوتھ پنجاب لیبر فیڈریشن کے صدر جناب دلاور عباس صدیقی ، اور حافظ آباد کے معروف مزدور راہنما اور پاور لومز لیبر یونین رجسٹرڈ ضلع حافظ آبادکے صدر جناب محمد زمان انصاری جنرل سیکریٹری جناب مزمل احمد انصاری گزشتہ روزآل پاکستان فیڈریشن آف یونائٹیٹڈ ٹریڈ یونینز (رجسٹرڈ) کے ہیڈ آفس امتیاز لیبر ھال تشریف لائے اور انہوں نے فیڈریشن کے مرکزی سیکریٹری جنرل پیرزادہ امتیاز سید سے تفصیلی ملاقات کی اور ملک میں پاور لومز انڈسٹری اور دیگر اداروں میں کام کرنے والے محنت کشوں کو درپیش مشکلات پر گفتگو کی ۔ بعد ازاں تینوں تنظیموں کے مزدور راہنماوں نے آل پاکستان فیڈریشن آف یونائٹیڈ ٹریڈ یونینز کی قیادت پر مکمل اعتماد کا اظہار کرتے ہوئے ۔ اپنی مزدور تنظیموں کا الحاق APFUTU کے ساتھ کرنے کا اعلان کرتے ہوئے اپنی تحریری درخواستیں فیڈریشن کے سیکریٹری جنرل پیرزادہ امتیاز سید کو پیش کیں ۔ ملتان کے مزدور راہنماوں نے پیرزادہ کو جنوبی پنجاب کا دورہ کرنے کی دعوت دی جو انہوں نے قبول کر لی اور وہ 11تا 13مئی تک ملتان کا دورہ کریں گے۔ بعد ازاں وہ وھاں سے ہی بلوچستان کے دارالخلافہ کوئٹہ میں انڈسٹریال گلوبل یونین اور نیدر لینڈ کی مزدور تنظیم FNV کی جانب سے منعقد ہونے والی دو روزہ ورکشاپ میں شرکت کرنے کے لئے کوئٹہ چلے جا ئیں گے۔ ملاقات میں مزدور راہنماوں نے اس بات پر زور دیا کہ ضلع حافظ آباد میں محنت کش دن رات پاور لومز، کریسینٹ ٹیکسٹائل باہو مان پنڈی بھٹیاں ، بھٹہ خشت میں کام کرنے والوں اور جلال پور بھٹیاں میں جیوٹ ملز میں کام کرنے والے محنت کشوں کی تعداد ہزاروںمیں ہے۔ مگر حافظ آباد میں سوشل سکیورٹی کا کوئی ہسپتال نہ ہے۔ محنت کشوں کو ایمر جنسی کی صورت میں گوجرانوالہ جانا پڑتا ہے۔ لہذا انہوں نے وزیر اعلی پنجاب میاں شہباز شریف سے مطالبہ کیا کہ اور کچھ نہیں تو کم از کم دس بستروں کا ہی ایک سوشل سکیورٹی کا ہسپتال آئندہ بجٹ بابت سال 2016-17 میں منظور کر دیا جائے ۔ ضلع حافظ آباد کے محنت کش حکومت کو دعائیں دیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)حکومت پنجاب کی ہدایات کے مطابق ضلع بھر میں ماہ رمضا ن المبارک کے دوران شہریوں کو سستے داموں اشیائے خورد و نوش کی فراہمی کے لئے 9سستے رمضان بازار قائم کئے جائیں گے، تینوں تحصیلوں میں مخیر حضرات کے تعاون سے مدنی دسترخوان لگانے کے لئے بھی منصوبہ بندی کی جارہی ہے۔ ان خیالا ت کا اظہار ڈی سی او لیاقت علی چٹھہ نے میڈیا کے نمائندوں سے بات چیت کرتے ہوئے کیا۔ انہوں نے بتایا کہ تحصیل گجرات میں5رمضان بازار قائم کئے جائیں گے ان میں ظہور الہی اسٹیڈیم، پرانی سبزی منڈی شاہ جہانگیر روڈ، ریلوے روڈ ، ماڈل بازار نز د جنرل بس اسٹینڈ اور پگانوالہ پلازہ جلالپور جٹاں شامل ہیں ، تحصیل کھاریاں میں جی ٹی روڈ لالہ موسیٰ ، جی ٹی روڈ کھاریاں اور ڈنگہ جبکہ سرائے عالمگیر میں نزد میرپوری اڈہ، جی ٹی روڈ سرائے عالمگیر میں رمضان بازار قائم کیا جائے گا۔ انہوںنے بتایا کہ رمضان بازاروںکے بہتر انتظامات اور نگرانی کے لئے سینئر افسران کی ڈیوٹی لگائی جائے گی جبکہ شہریوں کو حکومت پنجبا کے رمضان بازاروں کے قیام کے اقدام سے مستفید کرنے کے لئے تاجروں سمیت تمام سٹیک ہولڈرز سے مشاورت کی جائے گی۔ ڈی سی او لیاقت علی چٹھہ نے بتایا کہ گذشتہ سال کی طرح آئندہ ماہ رمضان المبارک میں بھی مدنی دسترخوانوں کے انعقاد کے لئے پلاننگ کی جارہی ہے اور یہ بازار نہ صرف تحصیل ہیڈ کوارٹرز بلکہ دیگر بڑے قصبوں میں بھی لگائے جائیں گے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)انسپکٹر جنرل جیل خانہ جات میاں فاروق نذیر کی ہدایات کے مطابق ریٹائرڈ ڈپٹی سپرنٹنڈنٹ جیل راجہ اللہ داد کو انکی بیٹی کی شادی کے لئے پریژن فنڈ سے 2لاکھ روپے ادا کر دیے گئے ہیں، سپرنٹنڈ نٹ جیل منصور اکبر نے چیک ریٹائرڈ آفیسر کے حوالے کیا، ڈپٹی سپرنٹنڈنٹ ملک بابر بھی اس موقع پر موجود تھے۔ سپرنٹنڈنٹ جیل منصور اکبر نے اس موقع پر راجہ اللہ داد کی دختر کے لئے نیک خواہشات کا بھی اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)گرمی کی شدت میںاضافہ ہوتے ہی بجلی کے ساتھ گیس بھی غائب رہتی ہے عوام پر زندگی تنگ کردی گئی ہے حکمرانوں کے دعوے بیان بازی ہی راہ گئے عوامی اور کاروباری حلقوں کی تشویش میںضافہ احتجاج کے بارے میں صلاح ومشورے بھی جاری ہیں گرمی کی شدت میں اضافے کے ساتھ بجلی کی لوڈ شیڈنگ کا دورانیہ بھی بڑھا دیا گیا ہے اور بجلی کے ساتھ ساتھ گیس بھی بند کر دی جاتی ہے جس کی وجہ سے جہاں خواتین کو کھانا پکانے میں دشواری پیش آتی ہیں وہاں جرنیٹر بھی نہیں چلتے عوام اور معصوم بچے گرمی میں تڑپ رہے ہوتے ہیں اور حکمرانوںکو بدعائیں دینے کی آوازیں بھی کانوں میں پڑتی ہیں عوامی وکاروباری حلقوں نے حکمرانوں سے یہ سلسلہ فوری طور پر ختم کرنے کا مطالبہ کیا بصورت دیگر احتجاج کرنے کی باز گشت بھی سنائی دے رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)گورنمنٹ گرلز اصغر علی ڈگری کالج کھاریاں میں چھٹی کے وقت جی ٹی روڈ پر بدترین ٹریفک ہوجاتی ہے کہ گھنٹوں ٹریفک جام رہتئی ہے مگر موٹروے پولیس کے ڈیوٹی پر موجود افیسران خواب خرگوش کے مزے لے رہے ہوتے ہیںیا چالان کرنے میںمصروف ہوتے ہیں جبکہ عوامی اور طالبات کی مشکل کی کسی کو فکر نہیں ہوتی عوامی حلقوں نے اصلاح احوال کا مطالبہ کیا ہے۔کھاریاں شہر کی اقبال سٹریٹ محلہ مجاہد کالونی میں گذشتہ روز دوپہر کے وقت جب لوگ خصوصاً خواتین گھروں میں آرام کررہے کہ اسی دوران میں4افراد نے لوگوں کے دروازے زور زور سے کھٹکھٹانے شروع کردئیے جس سے خواتین ہراساں ہوگئیں اور خوف ہراس پھیل گیا معلوم کرنے پر پتہ چلا کہ یہ محکمہ انکم ٹیکس کے ملازم تھے اور ٹیکس گوشوارے مکمل کرنے کیلئے دوپہر کے وقت جب لوگ آرام کرر ہے تھے خواتین ہی گھروں تھیں جبکہ مرد اپنی اپنی ڈیوٹی یا کاروباروں پر تھے ان ملازمین نے کہا کہ ہم انکم ٹیکس کے ملازم ہیں اور گوشوارے مکمل کرنے آتے ہیں معلومات چاہیں ملازمین کے اس رویہ پر اہل محلہ سراپا احتجاج ہیں اور ارباب اختیار سے ان ملازمین کیخلاف ایکشن کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)عوام نے ہمیں ووٹ دیگر منتخب کیا ہے ہم عوامی خدمات میں کوئی کسر باقی نہ چھوڑیں گے ہمیں اس لئے فنڈز نہیں ملتے کہ ہمPTIکے ٹکٹ پر کامیاب ہوئے اور عوام کو بھی اسی لئے سزا دی جارہی ہے انشاء اللہ ہم گھبرانے والے نہیں حالات سے ڈٹ کرمقابلہ کریں گے اور اپنی حیثیت کے مطابق خدمت کریں گے کھیلوں کی سرگرمیاں صحت مند معاشرے کی عکاسی ہوتی ہیں ان خیالات کا اظہار چیئرمین یوسی بدر ملک وحید سرور اور وائس چیئرمین چوہدری اجمل پیارا نے مو ضع پیارا میں منعقدہ کرکٹ ٹورنامنٹ کی تقریب سے خطاب کرتے ہوئے کیاٹورنامنٹ کے فائنل میچ پنجوڑیاں کلب نے جیتا جبکہ میزبان پیارا کلب رنر اپ رہا پہلے نمبر پر آنیوالی ٹیم کو مہمانوں نے دس ہزار جبکہ رنر اپ کوپانچ ہزار اور کمیٹی کو دس ہزار روپے انعامات دئیے کمیٹی میں ٹرافیاں اور میڈلز بھی کھلاڑیوں میں تقسیم کیے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)علی ظفر ملک جنرل سیکرٹری سحر ویلفیئر سوسائٹی(رجسٹرڈ) کھاریاں نے کہا کہ انشاء اللہ اپنی سابقہ روایات کو مدنظر رکھتے ہوئے رمضان المبارک میں مستحقین میں راشن تقسیم کیا جائیگا سحر ویلفیئرسوسائٹی کے پلیٹ فارم پر مخیرحضرات کے تعاون اور ایگز یکٹو ممبران سوسائٹی کے اشتراک سے سینکڑوں مستحقین میں راشن تقسیم ہوگا اس کے ساتھ ساتھ تعلیم ،صحت اورعوامی انفرادی،اجتماعی مسائل بھی حل کروائے جارہے ہیں امبرسحر سکول میں بھٹہ مزدوروں کے بچوں کو مفت تعلیم بھی جارہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کھاریاں(جی پی آئی)موضع نصیرہ میں نئی تعمیر ہونیوالی کارپٹ روڈ پر سپیڈ بریکر تعمیر کیے جائیں سٹرک کی تعمیر ہوتے ہی گاڑیوں کی سپیڈ میں اضافہ ہوتا جار ہا ہے جس کی وجہ سے گذشتہ2ہفتوں میں7ٹریفک حادثات پیش آچکے ہیں ان حادثات میں بچے زیادہ شکار ہوئے ہیں اس کے ساتھ ساتھ سٹرک پر متعدد سکو اور ہسپتال قائم ہیں جہاں پر سپیڈ بریکر تعمیر ہونا ضروری ہیںDCOگجرات فوری ایکشن لیں،عوامی مطالبہ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)اولیا ء اللہ اوربزگان دین کے مزارات رشد وہدایت کے مراکز ہیں۔عقیدت مندفیوض وبرکات سمیٹنے کیلئے جوق در جوق ان درگاہوں کا رخ کرتے ہیں۔بزرگان دین کی اسلا م کی ترویج کیلئے کوششوں کو بھلایا نہیں جا سکتا۔ دنیا میںچہارسواسلا م کاپرچم بزرگان دین کی محنت کاثمرہے۔ان خیالات کا اظہارپیرسید حبیب اللہ شاہ نے مہرآباد شریف بھٹی کے میں شیخ القرآن عبد الغفورہزاروی کے47ویں سالانہ عرس کے موقع پرخطاب کرتے ہوئے کیا۔اس موقع پرمحمدآصف ہزاروی،فخرندیم قاسمی،نوید حسین نقشبندی،پیرسعیداحمدشاہ گجراتی،سید فداحسین شاہ،علا مہ انصر القادری،سراج الدین صدیقی،انتصارالحسن شاہ،صوفی محمدطارق نقشبندی،علامہ نصیراحمداویسی،سیداحمدرضا بخاری،علا مہ مفتی خادم حسین،صاحبزادہ پیررضوان منصوراعوانی،سیدہارون شاہ،فداحسین زنجانی،پیرزاہد شاہ ترمذی،علا مہ توقیر الحسن ،ملک محمدیوسف چاند،الحاج ارشدمحمودسلیمی،حافظ جعفر حسین ہزاروی،قاری سعید احمدارشد،قاری محمداکرم ،محمدیونس بٹ ودیگرنے بھی خطاب کیا۔انہوںنے کہا کہ پیرمحمدعبد الغفور ہزاروی نے جو ملی ،دینی خدمات سرانجام دیںوہ تاریخ کاحصہ بن چکی ہیں۔انہوںنے تحریک پاکستان میںقائد اعظم کے پرچم تلے سامراجی حکمرانوںکوللکارا۔عبد الغفورہزاروی وزیرآبادشہرمیںدینی علم کے فروغ کے لئے اپنی زندگی کووقف کیا ہواتھا۔قبل ازیںمزارکوغسل دیا گیااورچادر پوشی کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)قوم کے نونہالوںکوملک کے مستقبل کوتابناک بناے کے لئے تعلیم کے زیورسے آراستہ کرنابہت ضروری ہے۔تعلیم کے بغیرقوموںکی ترقی ناممکن ہے۔علم وہ دولت ہے جوخرچ کرنے سے بڑھتی جاتی ہے۔علم اورتعلیم کوعام کرنے سے خواندگی میںاضافہ بھی ہوگااورمعاشرے سے جہالت کے اندھیرے دورہوںگے ۔ان خیالات کا اظہارمسزرفیق بھٹہ نے قائد اعظم ڈویژنل پبلک سکول میںتقریب تقسیم انعامات کے موقع پرکیا۔اس موقع پرپرنسپل فاطمہ جاوید ڈار،فاطمہ اصغربھٹہ،مومنہ شکیل،جنت شکیل،عبادمصطفی ودیگرنے بھی خطاب کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)شہر اور گردونواح میں کروڑوںروپے مالیت کی غیر قانونی تعمیرات کاسلسلہ جاری، افسران ٹی ایم اے خاموش تماشائی بن گئے ، سیاسی وسماجی حلقوں کا حکام بالا سے نوٹس لینے کا مطالبہ۔ انجمن تحفظ حقوق عوام کے جنرل سیکرٹری محمد عبداللہ وڑائچ نے صحافیوں سے گفتگو کرتے کہا ہے کہ سیالکوٹ روڈ اور جی ٹی روڈ کے مختلف مقامات پر بلا نقشہ منظوری غیر قانونی تعمیرات کا سلسلہ جاری ہے اور بہتی گنگا میں ہاتھ دھونے والے ٹائون میونسپل ایڈمنسٹریشن افسران نے اپنی تجوریاں بھرنے کی خاطر قانون کی دھجیاں اڑانے والوں کو کھلی چھوٹ دے رکھی ہے۔انہوں نے کہاکہ کرپٹ افسران تجاہل عارفانہ سے کام لیتے ہوئے دوکانیں اور پلازے تعمیر کرنے والوں کی طرف جان بوجھ کر آنکھیںبند رکھتے ہیں اور جب لینٹر ڈالنے کے لیے شٹرنگ کیجاتی ہے تو اچانک کام رکوا دیا جاتا ہے جس پر تعمیر کرنے والا مجبوری کے عالم میں ان سے سودے بازی کرتا ہے تب جاکر اسے قانون پامال کرنے کی اجازت مل جاتی ہے ۔جنرل سیکرٹری انجمن تحفظ حقوق عوام محمد عبداللہ وڑائچ نے کمشنر گوجرانوالہ ڈویژن ، ڈی سی او گوجرانوالہ سمیت دیگر اعلیٰ حکام سے مطالبہ کیا ہے کہ غیر قانونی تعمیرات گرا کر بلڈنگ مافیا کے سرپرست بدعنوان افسران کے خلاف سخت تادیبی کاروائی عمل میںلائی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) وزیرآباد و گردونواح میں مٹی کا تیل نایاب ہو گیا۔صارفین کو شدید پریشانی کا سامنا۔سرکاری نرخ کے مطابق مٹی کا تیل کے کم و بیش نرخ50 روپے فی لیٹرہیں جو بلیک مارکیٹ میں80 روپے فی لیٹر فروخت ہو رہا تھا مگر ناجائز منافع خور مافیا نے گراں فروشی کی خاطر مٹی کا تیل کی مصنوعی قلت پیدا کر دی ہے جس کی وجہ سے مٹی کا تیل وزیرآباد میں نایاب ہو گیا ہے مٹی کا تیل نہ ملنے سے غریب گھریلو صارفین کے چولہے ٹھنڈے اورکارخانوں پر تالے پڑنے کی وجہ سے محنت کش طبقہ کو دو وقت کی روٹی کے لالے پڑ گئے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی) پاکستان کا دوسرا بڑا ریلوئے جنکشن چراگاہ میں تبدیل ،ریلوئے حکام خواب غفلت سے بیدار ہونے کو تیار نہیں ،سنگین حادثات رونما ہونے کا خدشہ۔وزیرآباد ریلوے جنکشن ملک کا مصروف ترین اسٹیشن ہے جہاں سے لاہور راولپنڈی ،سیالکوٹ اور فیصل آباد چاروں اطراف روزانہ ہزاروں مسافرٹرین لیکر روانہ ہوتی ہیںدوسری طرف مقامی ریلوے حکام کی نااہلی اور عدم دلچسپی کا یہ عالم ہے کہ ہر وقت سینکڑوں گائیں بھنسیں اور مال مویشی قومی ریلوے ٹریکس پر اپنے پیٹ کی آگ بجھانے میں مشغول نظر آتے ہیں قبل ازیں برق رفتار ٹرین کی ذد میں مویشی آنے کی وجہ سے کئی حادثات پیش آچکے ہیں۔عوامی سماجی حلقوں نے وفاقی وزیر ریلوے خواکجہ سعد رفیق سے نوٹس لیکر بھرپور محکمانہ کاروائی عمل میں لانے کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)سرکاری ہسپتا لوںمیںہرقسم کے ٹیسٹ وایکسرے فری کئے جائیں۔سرکاری ہسپتا لوںمیںغریب لوگ علا ج معالجہ کے لئے جاتے ہیں۔ایسے سفید پوش لوگ بھی سرکاری ہسپتا لوںکارخ کرتے ہیںجوٹیسٹوں،ایکسرے ودیگراخراجات کے متحمل نہیںہوتے۔سیا سی وسما جی حلقوںنے وزیراعلیٰ پنجاب ،ہیلتھ کے ارباب اختیار سے مطا لبہ کیا کہ ہسپتال کی پرچی پرایکسرے وٹیسٹ فری کئے جائیںتاکہ حکومت پنجاب کے صحت عامہ کے پروگرام کوکامیاب بنا یا جا سکے صحت کے لئے حکومتی کاوشوںسے ہرشہری استفادہ حاصل کرسکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(جی پی آئی)ممتازبزرگ مسلم لیگی رہنماحاجی محمدفیروزچیمہ آف ویروکی نے کہا ہے کہ عمران خاں رات کوسوتے ہوئے بھی نوازشریف سے استعفیٰ طلب کرتے ہیں۔وزیراعظم میاںمحمدنوازشریف نے شریف خاندان کواحتساب کے لئے پیش کردیا ہے۔عوام کی دعائوںسے ملک وقوم کی ترقی کی طرف رواںدواںہے۔مسلم لیگ کی حکومت صدق دل سے ملکی مسائل کے حل میںکوشاںہے۔انہوںنے کہا کہ میاںنوازشریف قوم کے دلوںکی دھڑکن ہیںباشعور عوام اپنے پرائے کافرق خوب جانتے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان کے مرکزی صدر پیر اعجاز احمد ہاشمی نے انتہا پسندی کے خلاف سرگرم سماجی رہنما اور صحافی خرم ذکی کے قتل کی شدید مذمت کرتے ہوئے مطالبہ کیا ہے کہ کراچی میں کرفیو لگا کر شہر کو اسلحے سے پاک کیا جائے۔ سندھ کاصوبائی دارالحکومت جرائم پیشہ افراد کی آماجگاہ بن چکا ہے ۔ پاکستان کی معاشی شہ رگ اور سب سے بڑے شہرمیںاسی طرح قتل ہوتے رہے تو ملک میں امن کیسے قائم ہوگا۔کارکنوں سے گفتگو کرتے ہوئے انہوں نے کہا کہ کراچی اسلحے سے پاک نہ کیا گیا تو قتل و غارت گری جاری رہنے کا اندیشہ ہے۔ ان کا کہنا تھا کہ رینجرز اور پولیس کی موجودگی کے باوجود دہشت گردی اور ٹارگٹ کلنگ کے واقعات کا جاری رہنا ،سکیورٹی اداروں کی ناقص کارکردگی کا ثبوت ہے۔ پیر اعجاز ہاشمی نے کہا کہ لیاری کے عزیر بلوچ کے انکشافات کی روشنی میں کرپٹ افراد کو گرفتار نہ کرنا قابل مذمت ہے، انہوں نے کہا کہ دھوکہ دہی اور ہیڈلائنز کا حصہ بننے کے شوق نے سکیورٹی اداروں کو بھی بدنام کردیا ہے۔ ہوتا یہ ہے کہ مجرموں کے انکشافات میڈیا کی زینت بنتے ہیں مگر ان پر تحقیقات آگے نہیں بڑھتیں ،جس سے لگتا ہے کہ انہیں دلچسپی صرف انکشافات سے ہوتی ہے ،دہشت گردی کے خاتمے سے نہیں۔ جے یو پی کے سربراہ نے مطالبہ کیا کہ عزیر بلوچ اور ان جیسے دیگر جرائم پیشہ افراد کا فوجی عدالتوں میں ٹرائیل کرکے انہیں کیفر کردار تک پہنچایا جائے۔ تاکہ دوسروں کے لئے عبرت کا نشان بن جائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) شیعہ علما کونسل کے مرکزی نائب صدر اور مسئول شعبہ حج و زیارات علامہ مظہر عباس علوی نے ایران عراق کے مقدس مقامات کی زیارت کے بعد زائرین سے نفتان بارڈر پر ہونے والی بدسلوکی اور انہیں سکیورٹی کے نام پر دسیوں دن روکے رکھنے پر تشویش کا اظہا رکرتے ہوئے حکومت سے ایران اور پاکستان کے درمیان بارڈر پر ڈسپنسری اور ایمبولینس کی سہولیات کی فراہمی کویقینی بنانے کا مطالبہ کیا ہے۔ زائرین کے رشتہ داروں سے گفتگو کرتے ہوئے علامہ مظہر عباس علوی نے کہا کہ وفاقی اور بلوچستان حکومتیں اپنی بنیادی ذمہ داریوں کو پورا کرنے میں ناکام ہیں۔ انہوں نے کہا کہ نجف اشرف، کربلا اور مشہدمقدس کی زیارات سے واپسی پر زائرین کو بلاوجہ روکے رکھنا اور بنیادی سہولیات فراہم نہ کرنا حکومت کا معمول بنتا جارہا ہے۔ جس پر عوام میں تشویش پائی جاتی ہے۔ ان کا کہنا تھا کہ 3۔ مئی کو تفتان بارڈر پر نوتک ضلع بھکر سے تعلق رکھنے والی نذیراں بی بی دختر امیر حسین شدید گرمی میںپانی کی عدم دستیابی اور بروقت طبی امداد نہ ملنے کے باعث جاں بحق ہوگئیں۔ ان کا جسد خاکی آبائی گھر پہنچانے کے لئے ایمبولینس میسر تھی اور نہ ہی انہیں بروقت علاج معالجے کی سہولیات فراہم کرنے کے لئے کوئی ڈاکٹر موجود تھا۔ ان کا کہنا تھا کہ سکردو سے کراچی تک کے عوام زیارات کے لئے روزانہ کی بنیاد پر ایران عراق جاتے ہیں۔ انہیں واپسی پر جن مشکلات کا سامنا ہے، اس طرف حکومتی ادارے اور میڈیا کی توجہ نہیںہے ، جوکہ افسوسناک ہے۔ علامہ مظہر عباس علوی نے کہا کہ آنے والے دنوں میں گرمی کی شدت کے باعث زائرین کے لئے مسائل مزید بڑھیں گے، اس لئے حکومت پہلے سے ان کی گھروں کو باحفاظت واپسی کے لئے انتظامات کرنے اور تفتان بارڈر پر ضروریات زندگی کی بنیادی سہولیات فراہم کرے۔ ڈسپنسری کا قیام اور ایمبولینس کی سہولت کے ساتھ رہائش کا بندوبست از حد ضروری ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) جمعیت علما پاکستان نیازی کے سربراہ قائد اہل سنت پیر سید محمدمعصوم حسین نقوی نے کراچی میں سول سوسائٹی کے رہنما خرم ذکی کے دہشت گردوں کے ہاتھوں قتل کی شدید مذمت کرتے ہوئے اسے امت اسلامی کے اتحاد اور استحکام پاکستان کے دشمنوںکی کارروائی قراردیا ہے۔ پیر حضرت سید محمد شاہ سرکار کے دربار مجددی انجنیرنگ یونیورسٹی کی تقریب غسل مبارک سے خطاب کرتے ہوئے پیر معصوم نقوی نے کہا کہ برصغیر میں صوفیا کرام کی محبت اور رواداری کے درس کے باعث اسلام کا پیغام پہنچا تو لوگ مسلمان ہوئے۔ انہوں نے افسوس کا اظہار کیا کہ ضیاالحق کے دور میں قیام پاکستان کے مخالف طبقے کی جس طرح سے سرکاری سرپرستی کی گئی ، اس سے فرقہ واریت اور انتہا پسندی نے جنم لیا۔ کفر اور شرک کے فتوے گھڑے گئے، اس وجہ سے پاکستان میں ایسی فضا قائم ہوئی کہ فوج، پولیس اور سول سوسائٹی کو شہادتیں دینا پڑ رہی ہیں۔عید میلادالنبی کے جلسوسں، مساجد اور درگاہوں کو نشانہ بنانے والے دہشت گردوں کے آخری دن قریب ہیں۔ ان کا کہنا تھاکہ خرم ذکی اور ڈیر ہ اسمٰعیل خان میں چار افراد کی ٹارگٹ کلنگ پر اہل سنت اپنے اہل تشیع بھائیوںکے غم میں برابر کے شریک ہیں اور انہیں اپنی ہمدردی کا یقین دلاتے ہوئے واضح کرتے ہیں کہ دونوں مکاتب فکر اپنے فکری اور نظریاتی اختلافات کے باوجود باہمی رواداری اور عدم تشدد پر یقین رکھتے ہیں۔شخصی نظریات پر فساد پھیلانے والے نجدی ٹولے کی سا زشوں کا مل کر مقابلہ کرنا ہوگا۔ پیر معصوم نقوی نے کہا کہ حکومت خود سرکاری طور پر بے گناہ افراد کی قاتل کالعدم تنظیموں کی سرپرستی کررہی ہیں، جس کی وجہ سے عالمی سطح پر امت مسلمہ کا امیج خراب ہورہا ہے۔ انہوں نے کہا کہ عرس مبارک کی تقریبا ت کاآغاز یکم شعبان سے غسل مبارک کی تقریب سے ہو چکا ہے، جو آٹھ شعبان تک جاری رہیں گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)وفاق المدارس الشیعہ پاکستان اور ملی یکجہتی کونسل کے مرکزی نائب صدر علامہ سید نیاز حسین نقوی نے ڈیرہ اسماعیل خان میں دو وکلاء ، دو اساتذہ اور کراچی میں معروف سماجی شخصیت خرم ذکی کی ٹارگٹ کلنگ کی شدید مذمت کرتے ہوئے اسے امن و امان کے ذمہ دار سکیورٹی اداروں کی غفلت کا نتیجہ قرار دیا ہے۔میڈیا سیل کی طرف سے جاری اعلامیہ میں انہوںنے کہا کہ ڈیرہ اسماعیل خان میں گذشتہ چند ماہ میں دہشت گردی کے متعدد سانحات رونما ہوئے جس پر متاثرین اور سماجی حلقوں نے جانے پہچانے دہشت گردوں اور ان کے سرپرستوں کے خلاف کاروائی کا مطالبہ کیا مگرانتظامیہ نے مئوثر کاروائی نہ کی جس سے دہشت گردوں کی حوصلہ افزائی ہوئی۔ان کا کہنا تھاکہ کراچی میں سخت سیکورٹی کے حکومتی دعوئوں کے باوجود خرم ذکی جیسی انتہا پسندی کے خلاف سرگرم اہم شخصیت کا قتل اور وزیراعلیٰ ہائوس کے گھیرائو کے بعدمقدمہ کا اندراج حکومت کے منفی رویے کا ثبوت ہے۔علامہ نیاز نقوی نے کہا کہ مقدمے کانامزد ملزم کالعدم دہشت گرد تنظیم کا عہدیدار ہونے کے باوجود فرقہ وارانہ سرگرمیوں میں ملوث اورایکشن پلان کی گرفت سے آزاد ہے جس کے نتیجہ میں یہ بھیانک سانحہ رونماہواہے۔ رینجرز فی الفور ایسے امن دشمن عناصر کے خلاف سخت کاروائی کرے۔انہوں نے کہا کہ گذشتہ پچیس سالوں میں کراچی اور ڈیرہ اسماعیل خان میں دہشت گردی کے سب سے زیادہ واقعات رونما ہوئے ہیں اور کئی خاندانوں کے تمام افراد کو ایک ایک کر کے شہید کیا گیا ،جن کے قاتلوں ،سہولت کاروںاور سرپرستوں کو مقامی تھانے سے لے کر وفاقی حکومت کے تمام متعلقہ ادارے بخوبی جانتے ہیں مگرنیشنل ایکشن پلان کے نفاذ کے باوجود ان کے خلاف مئوثر کاروائی نہیں کی گئی۔ان کا کہنا تھا جب تک پورے ملک میں مکمل طور پر قومی ایکشن پلان پر عملدرامد نہیں کیا جاتا،دہشت گردی کا خاتمہ ممکن نہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور(جی پی آئی)پاکستان مسلم لیگ ق کے راہنما وسابق جوائینٹ سیکرٹری پاکستان مسلم لیگ لاہور میاں کامران سیف نے اور مسلم لیگ یوتھ ونگ کے مرکزی ایڈیشنل جنرل سیکرٹری طارق سعیدنے اپنے مشترکہ بیان میں کہا ہے کہ غیر ملکی قرضوں کا بوجھ 75.572ارب ڈالر پہنچنا تشویشناک ہے جبکہ ملکی بنکوں اور اداروںسے لیے گئے قرضے اس کے علاوہ ہیں انہوںنے کہا کہ حکومت نے کاروبار زندگی گذارنے کیلئے ریکارڈ نوٹ چھاپنے شروع کردیئے ہیں جس کی وجہ سے ملک کے اندر افراط زر اور مہنگائی میں بھی اضافہ ہورہا ہے ۔میاں کامران سیف و طارق سعید نے کہا کہ حکومت کے بڑھتے ہوئے قرضے ملکی معیشت کے لیے نقصان دہ ہیں۔اب تو یہ صورتحال ہے کہ پاکستان کا ہر پیدا ہونے والا بچہ بھی لاکھوں کا مقروض پیدا ہورہا ہے ۔حکومت نے برسراقتدار آتے ہی غیر ملکی قرضے لینے سے انکار اور کشکول توڑنے کا اعلان کیا تھا لیکن تین سالوں کے دوران کشکول تو نہیں ٹوٹا ہاں اس کا سائز ضرور بڑا ہوگیا ہے اور غیر ملکی قرضوں کا حجم مسلسل بڑھ رہا ہے آئی ایم ایف جیسے اداروں سے قرضوں کے حصول کے لیے ان کی شرائط پر ملک کے اندر اربوں کے نئے ٹیکس عائد کیے جارہے ہیںجس سے عوام مشکلات کا شکار ہیں ۔انہوںنے کہا کہ حکومت اپنے شاہی خرچے اور وزراء کی فوج ظفر موج کم کرے تاکہ ملکی خزانے پر وزراء کا بوجھ کم ہوسکے۔انہوںنے کہاکہ حکمرانوں کی کرپشن کی آئے روز ہوشربا داستانوں سے عوام ان سے متنفر ہوچکے ہیں اور ان سے راہ نجات کیلئے نجات دہندہ کی تلاش میں ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ نارووال(جی پی آئی)دربار عالیہ حضرت امیر ملت علی پور سیداں شریف ضلع نارووال پر انجمن خدام الصوفیہ و امیر ملت ٹرسٹ رجسٹرڈ پاکستان /برطانیہ کے زیر اہتمام مرکزی سالانہ عظیم الشان عرس مبارک حضرت امیر ملت پیر سید جماعت علی شاہ محدث علی پوری رحمة اللہ علیہ و عالمی روحانی اجتماع مورخہ11-10مئی 2016ء بروز منگل ۔بدھ کوجانشین امیر ملت مہر الملت پیر سید منور حسین شاہ جماعتی سجادہ نشین دربا عالیہ حضرت امیر ملت علی پور سیداں شریف کی زیر صدارت منعقد ہو گی ۔ جس کی سرپرستی پیر سید خورشید حسین شاہ جماعتی ، قیادت پیر سید مظفرحسین شاہ جماعتی ، سیادت پیر سید ذاکر حسین شاہ جماعتی فرمائیں گے جبکہ مفکر اسلام علامہ سید ریاض حسین شاہ مرکزی ناظم اعلیٰ جماعت اہلسنت پاکستان ،علامہ پیر سید حامد سعید کاظمی سابق وفاقی وزیر مذہبی امور پاکستان، علامہ مفتی محمد اقبال چشتی آف لاہور ، علامہ محمد تبسم بشیر اویسی مرکزی ناظم اعلیٰ تحریک اویسیہ پاکستان، علامہ سید شمس الدین بخاری آف لاہور ، علامہ سید فدا حسین شاہ حافظ آبادی،علامہ صاحبزادہ محمد اکرم رضا بغدادی آف ڈسکہ خطابات فرمائیں گے اور قاری حبیب اللہ چشتی آف سیالکوٹ تلاوت اور پیر سید نعمان حسین شاہ جماعتی آف یو کے ، حافظ نور سلطان صدیقی آف لاہور ، محمد ریحان روقی آف فیصل آباد، محمد شکیل اشرف قادری آف سیالکوٹ ،قاری تنویر اقبال قادری آف یو کے ، سید محمد عبد الرحمن شیرازی ہدیہ عقیدت جبکہ معروف نقیب محمد افتخار احمد رضوی نقابت کے فرائض سر انجام دیں گے ۔عر س مبارک کی روحانی تقاریب 2دن جاری رہیں گے جس میں ملک و بیرون ملک سے عقیدتمندان حضرت امیر ملت لاکھوں کی تعداد میں شرکت کریں گے ۔عرس مبارک کی تقاریب کو برائے راست ARY-Qtvپر نشر کیا جائے گا ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی(جی پی آئی)پاکستان تحریک انصاف کے رہنما حلیم عادل شیخ نے کہا ہے سندھ پبلک سروس کمیشن میں بھی رشوت لیکر من پسندافراد کو نوازنے کا سلسلہ جاری ہے جس انداز میں نیب بلوچستان نے کارروائی کرتے ہوئے پبلک سروس کمیشن کے سابق چیئرمین کی گرفتاری عمل میں لائے گئی ہے اسی انداز میں سندھ پبلک سروس کمیشن کے اندر بھی کارروائی کی جائے کیونکہ سندھ پبلک سروس کمیشن کے چیئرمین نے بھی اپنی دوران سروس میں اختیارات کا ناجائز استعمال کیئے ہیں ۔ان خیالات کا اظہار انہوں نے عادل ہائوس کراچی میں سندھ پبلک سروس کمیشن کے متاثرہ طالب علموں کے ایک وفد سے ملاقات میں کیا۔حلیم عادل شیخ سے ملاقات میں متاثرین کا کہنا تھا کہ سندھ پبلک سروس کمیشن کے ذریعے بھرتیوں میں ہر قسم کی رشوت لی جاتی ہے ،2013میں ان لوگوں کو پیسے اور سفارشوں سے پاس کروایا گیا جو کہ میرٹ کے معیار پر کسی بھی صورت میں پورا نہیں اترتے تھے اب 2016 میں ایسے ہی جعلسازافسروں کو مسلط کرنے کا رادہ کرکھا ہے ۔حلیم عادل شیخ نے کہا کہ سندھ پبلک سروس کمیشن میں بھی میرٹ کو نظر انداز کرکے میرٹ کی دھجیاں اڑائی جارہی ہیں ،انہوں نے رشوت دینے والوں کے نام ہی کامیاب ہونے والے لوگوں کی فہرست میں ڈالیں ہیں باقی قابل اور پڑھے لکھے نوجوانوں کا مستقبل تاریک کرکے انہیں دھکے کھانے پر مجبور کردیاہے۔لہذا سندھ پبلک سروس کمیشن کے چیئرمین کو بھی ٹیسٹوں میں مبینہ کرپشن اور جعلسازی کی شکایتوں پر انہیں گرفتار کرنا چاہیئے ۔انہوں نے مزید کہا کہ افسران سمیت جعل سازی سے کامیاب ہونے والے امیدوار بھی سزا کے قابل ہیں ، انہوں نے کہا کہ ہم سندھ پبلک سروس کمیشن میں فیل نمائندوں کو پاس کروانے کے خلاف حیدرآباد ٹھنڈی سڑک پر سندھ پبلک سروس کمشین کے دفتر کے باہر متاثرہ طالب علموں کے حقوق کے لیے مظاہرے بھی کیئے ہیں تاکہ غریبوں کے پڑھے لکھے نوجوان بچوں کا مستقبل خراب ہونے سے بچ سکے کیونکہ ہم جانتے ہیں کہ اس ادارے میں صرف حکمرانوں کے رشتے داروں کی کامیابی کے لیے رکھ چھوڑا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ بنوں(جی پی آئی)بل ڈسٹری بیوٹرز اور میٹر ریڈرز کیلئے سروس سٹرکچر بنایا جائے،ان مطالبات کا اظہار واپڈا پیسکو ڈویژن ون اور ٹوکے میٹر ریڈرز ایسوسی ایشن کے عہدیداران نے ہنگامی اجلاس سے خطاب کرتے ہوئے کیا۔تفصیلات کے مطابق گزشتہ روزپیر اشفاق خان کے زیر صدارت پیسکو ڈویژن بنوں نمبر 1 اور پیسکو ڈویژن بنوں نمبر2 کے میٹر ریڈنگ سپر وائیزر، میٹر ریڈر اور بل ڈسٹری بیوٹرز کا اجلاس منعقد ہوا جس میں دونوں ڈویژنوں کیلئے کمیٹیوں کا قیام عمل میں لایا گیا۔ جس میں پیسکو ڈویژن بنوں نمبر1 کیلئے چئیرمین جاوید خان سیکرٹری کیلئے مراد علی شاہ اور انفارمیشن سیکرٹری کیلئے شیر انداز خان کا انتخاب کیا گیا جبکہ پیسکو ڈویژن بنوں نمبر2 کیلے چیئرمین بخت ا للہ خان، سیکرٹری کیلئے عمر علی خان اور انفارمیشن سیکرٹری کیلئے سادات خان کا انتخاب ہوا جبکہ دونوں ڈویژنوں کیلئے چیف آرگنائیزر کیلئے اعجاز علی خان کا انتخاب کیا گیا۔تقریب کا باقاعدہ آغاز مراد علی شاہ نے تلاوت کلام پاک سے کیا ، تقریب سے بخت اللہ خان، سادات خان ، مراد علی شاہ عمر علی خان وغیرہ نے تقاریر کئے اور درج ذیل مطالبات پیش کئے۔1۔ میٹر ریڈر کے کیڈر کا تعین کیا جائے کہ میٹر ریڈر کلرک ہے، ٹیکنیکل ہے یا پھر کمرشل سٹاف سے ہے2۔ بل ڈسٹری بیوٹرز اور میٹر ریڈرز کیلئے سروس سٹرکچر بنایا جائے۔3۔ بل ڈسٹری بیوٹرز کو بنیادی پے سکیل 07 اور میٹر ریڈرزکو بنیا دی پے سکیل 09دیا جائے۔30،40 سال ملازمت کے باوجود میٹر ریڈر کا ایک سکیل میں ہونا اور اسی میں ریٹائیر ہوجانابہت بڑی ناانصافی ہے اور یہ مسئلہ یونین ھذا / کحکمہ کے اعلی افسران کی خصوصی توجہ کا متقاضی ہے۔4۔ درج ذیل ٹائیم سکیل فارمولا کے تحت میٹر ریڈر کے سکیل کو فکس کیا جائے۔ملازمت پانچ سال کو سکیل 9،چھ سے دس سال تک ملازمت کرنیوالوں کو سکیل11،گیارہ سے پندرہ سال تک ملازمت کرنیوالوں کو سکیل 13جبکہ 15سال سے زیادہ ملازمت کرنے والو ں کو سکیل 15دیا جائے۔5۔ بل ڈسٹری بیوٹرز اور میٹر ریڈرز کو 5000/- روپے فیڈ الائونس دیا جائے کیونکہ فیلڈ میںان کو بہت سے مسائیل کا سامنا کرنا پڑتا ہے۔6۔ واپڈا کا میٹر ریڈر کام کی نوعیت کے لحاذ سے محکمہ سوئی گیس کے میٹر ریڈر سے بہت زیادہ محنت اور زیادہ مشکل حالات میں کام کرتا ہے جبکہ ان کی مراعات میں زمین آسمان کا فرق ہے۔7۔ محکمہ ڈاک کے پوسٹ مین کا بنیادی پے سکیل 07 ہوسکتا ہے تو واپڈا کے بل ڈسٹری بیوٹرکابنیادی پے سکیل 07 کیوں نہیں ہو سکتا۔8۔ Yard -Stick کو فوری طور پر Revise کیا جائے اور جتنے بھی اضافی صارفین کے میٹروں کی ریڈنگ اور بجلی کے بلوں کی تقسیم بل ڈسٹری بیوٹرز / میٹر ریڈر کرتے ہیں اس کا جائزحق دے کر معاشی طور پر پسے ہوئے اس طبقہ کو خواہ مخواہ کی پریشانی سے نجات دلائی جائے۔9۔ میٹر ریڈنگ سپر وائیزرگریڈ II کو سکیل نمبر 14 جبکہ میٹر ریڈنگ سپر وائیزرگریڈ فسٹ کو سکیل 16 دیا جائے۔آخر میںصدر جناب پیر اشفاق خان نے تقریر کرتے ہوئیدرج بالا مطالبات کے حل کیلئے اپنی طرف سے قائیدین پاکستان ہائڈرو الیکٹرک ورکر ز سے دلچسپی لینے اور مسائل کے حل کی پرزور استدعا کی۔ اجلاس کے اختتام پر اجتماعی دعا کی گئی جس میں محکمہ کے ترقی کیلئے سپیشل دعا کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈسٹرکٹ پولیس آفیسر (DPO) سوات سلیم خان مروت نے کہا ہے کہ سوات میں جرائم پیشہ افراد کیلئے کوئی جگہ نہیں ہے سوات کو جرائم سے پاک کرنے کیلئے سوات پولیس پر عزم ہیں کسی کو عوام کے جان ومال عزت وابرو سے کھیلنے کی اجازت نہیں دی جائیگی ، سوات کو جرائم سے پاک کرنے اور جرائم پیشہ افراد کی سرکوبی کیلئے عوام اور صحافیوں کی تعائون لازمی جز ہے ۔ سوات پولیس کا مورال بلندہے عوام مشکوک افراد کی فوری طورپر اطلاع دینے کیلئے مقامی پولیس سے رابطہ کریں کوئی بھی قانون سے بالاتر نہیں قانون سب کیلئے برابر ہے ۔ ان خیالات کااظہار انہوں نے سوات پریس کلب یونین آف جرنلسٹس کے کابینہ کے اراکین سے باتیں کرتے ہوئے کیا جنہوں نے پریس کلب ویونین آف جرنلسٹس کے صدور فیاض ظفر اور محبوب علی کی قیادت میں ان سے ان کے دفتر میں ملاقات کی ۔ صحافیوں کے وفد میں سینئرصحافی غفورخان عادل ، سید شہاب الدین ، سعیدالرحمان ، نیازاحمد خان ، انور انجم ، فضل خالق خان ، امجد علی صحاب ، شاہ اسد علی شامل تھے انہوں نے سوات میں جرائم کے خاتمہ اور اس حوالے سے بروقت نشاندہی کرنے پر سوات کے صحافیوں کو خراج تحسین پیش کیا اورکہا کہ صحافیوں اورپولیس کا ایک دوسرے کے ساتھ چولی دامن کا ساتھ ہے ۔ باہمی تعائون کے ذریعے علاقے کو مکمل طورپرجرائم سے پاک کیاجاسکتاہے ۔ تاہم انہوں خبردارکیاکہ سوات میں جرائم پیشہ افراد کیلئے کوئی جگہ نہیں جرائم کی بیخ کنی کے لئے سوات پولیس پر عزم ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی) پختونخوا ملی عوامی پارٹی کے صوبائی ڈپٹی سیکرٹری اورتحصیل کونسلر سیدوشریف ڈاکٹرخالدمحمودخالدگوجرنے کہاہے کہ جتنے بھی لوگ احتساب کے نام پر پکڑے گئے میں حکمران جماعت سے پوچھتاہوں کہ کس کو سزاملی ہے یاکسی سے قومی دولت واپس کیاتھا احتساب کے نام پرلوگوں سے اس ملک میں بارگین ہورہی ہے قومی خزانہ بڑے برے بیوروکریسی سیاست دانوں اورملک کے تمام اداروں نے مالی غنیمت سمجھ کر دونوں ہاتھوں سے لوٹاجارہاہے اس ملک میں قیام پاکستان سے بے رحمانہ اوربلاامتیاز احتساب ہونی چاہئے ایسا احتسابی عمل ہوناچاہئے تاکہ آئندہ نسلیں یادرکھے جائیں گے اورجن لوگوں کوقومی خزانے کے دولتوں کوقرضے معاف کئے تھے یہی لوگوں سے پہلی فرصت میں معافی کے رقم واپس لیکرصاف کرنیوالوں کو عبرتناک سزادی جائیں ڈاکٹرخالدمحمودخادلگوجرنے کہا کہ افسوس اس بات کی ہے کہ سیاست دان سیاست پاکستان میں کررہاہے اوراپنے ناجائیز دولت میں اضافہ کرتے ہوئے باہرکے ممالک اورشور،دھرنوں میں رکھ کر یہاں پرسرمایہ کاری کررہے ہیں اوراپنی ہی ملک کی معیشت اورملک کو تباہی وبربادی کے دہانے پرکھڑاکردیا۔ اورہرایک سیاست دان ، بیوروکریٹ، ایم پی ایز، اوروزراء اوردیگر اداروں کے اہلکاران ایک دوسرے سے ملکی خزانے لوٹنے میں نمبربڑھایاجارہاہے اوراپنی اپنی تجوریاں بھررہی ہیں۔ غریب روزبروز غربت کی زندگی بسرکرنے پرمجبوربن کر دربدرٹھوکریں کھانے پرمجبوربنادئے ہیں اوراس ملک کے سرمایہ دار، جاگیردار، صنعت کار اورخان خوانین اس ملک کے سفید کامالک بن چکے ہیں اگرموجودہ پارلیمنٹ حقیقی معنوں میں احتساب کرنے میں مخلص ہیں توپٹواری سے لیکربڑے بڑے سیاستدانوں تک بے رحمانہ احتساب کیاجائے اوران لوگوں کوعمربھرکیلئے سیاست سے نااہل قراردیاجائے۔اورقومی خزانے سے دولت لوٹنے والے افراد کے ساتھ کس قانون کے تحت بارگین کیاجارہاہے یہ خزانہ ملکی کروڑوں انسانوں کاقومی امانت ہے۔ اوراس میں خیانت کرناملک وقوم کیساتھ غداری ہوگی۔ اوراحتساب ایسالوگوں پرکیاجائے کہ انکادامن صاف ہو۔ بدنیت اورداغ دارلوگ احتساب نہیں کرسکتاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)پاکستان تحریک انصاف این سی ون راجہ اباد یونین کونسل ملوک اباد کے صدر امجد علی اف راجہ اباد نے کہاہے کہ چئیر مین ڈیڈک و ایم پی اے فضل حکیم خان نے مینگورہ سٹی کی خوبصورتی اور دیگر ترقیاتی منصوبے مکمل کروائے ہیں ،جس کے تحت ائندہ بھی پی کے 80کے عوام فضل حکیم خان کو ہی ووٹ دیںگے ان خیالات کا اظہار انہوںنے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ پاکستان تحریک انصاف کی صوبائی حکومت صوبے بھر میں ترقیاتی منصوبوں کا ایسا جال بچھارہی ہے جس کا صوبے کی تاریخ میں کوئی مثال نہیں ملتی انہوںنے کہاکہ مینگورہ شہر میں والی سوات کے بعد سب سے زیادہ کام اگر کسی نے کیا ہے تو وہ پاکستان تحریک انصاف کے ٹکٹ پر منتخب ہونیوالے ایم پی اے فضل حکیم نے کیاہے اور امید ہے کہ ائندہ چند سالوں وہ مزید بھی ترقیاتی کام کریںگے اور انشاء اللہ پی کے 80کو ماڈل حلقہ بنائیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)گورنمٹ گرلز ہائی چیل شگئی کی پرنسپل کو خراج تحسین پیش کرتے ہیں کہ جنہوںنے پرنسپل کا عہد ہ سنبھالتے ہی سکول کا پورا سسٹم ٹھیک کردیا ،پرنسپل صاحبہ خود بھی ڈیوٹی بخوبی سرانجام دیتی ہے اور دوسرے ٹیچرز سے بھی ڈیوٹی لیتی ہے اگر صوبے بھر میں ایسی ہی پرنسپل تعینات کئے جائیں تو امید کی جاسکتی ہے کہ صوبے بھر کی بچیاں زیور تعلیم سے صحیح طریقے سے اراستہ ہوجائیں گی ان خیالات کا اظہار اہلیان علاقہ چیل شگئی نے گزشتہ روز اخباری نمائندوں سے بات چیت کرتے ہوئے کیا انہوںنے کہاکہ تعلیم کے میدان میں ٹیلنٹ کی کوئی کمی نہیں تاہم صوبائی حکومت اگر سیاسی بنیادوں پر تعیناتیاں بند کردیں اور میرٹ کو اپنا شعار بنائے تو وہ دن دور نہیں کہ صوبہ خیبر پختونخواہ تعلیمی لحاظ سے ملک بھر میں ماڈل بن جائے گا یونین کونسل سید وشریف میں ودویہ سکول کے بعد گورنمٹ ہائی سکول چیل شگئی سب سے بہترین سکول بن گیا ہے اہلیان علاقہ نے بتایا کہ بعض عناصر پرنسپل کے راستے رکاوٹ ڈالنے کی کوشش کررہے ہیں تاہم اہلیان علاقہ نے خبردار کیا ہے کہ اگر ایسا کچھ کیا گیا تو ہم سڑکوں پر اجائیںگے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)عوامی نیشنل پارٹی سعودی عرب کے ڈپٹی جنرل سیکرٹری رستم خان نے کہاہے کہ پاکستان تحریک انصاف کی صوبائی حکومت کا اصلی چہرہ عوام کے سامنے اگیا ،خود کو جمہوریت کا علمبردار کہنی والی پارٹی نے جمہوریت کی دھجیاں اڑاتے ہوئے منتخب ضلعی ناظم مردان حمایت اللہ مایا اور نائب ضلعی ناظم کو معطل کردیا جو کہ سراسر زیادتی اور ناانصافی ہے ،پرویز خٹک پر کرپشن کے سنگین الزامات لگے ان کو معطل کیوں نہیں کیا گزشتہ ہفتے خیبر بینک کے ایم ڈی نے صوبائی وزیر خزانہ کے خلاف اشتہار دیا صوبائی وزیر خزانہ کو فارغ کیوں نہیں کیا گیا میں دعوئے سے کہہ سکتا ہوں کہ انکی پوری صوبائی حکومت حمایت اللہ مایا کے برابر ترقیاتی کام نہیں کرسکتی ان خیالا ت کا اظہار انہوںنے گزشتہ روز اخباری نمائندوں سے ٹیلی فونک بات چیت کرتے ہوئے کیا انہوںنے کہاکہ کرپشن کرپشن کرنے والوں کے خود اپنے ہاتھ گندے ہیں تب ہی تو وہ جمہوری اور منتخب نمائندوں کو ذلیل کرنے کے درپے ہیں انہوںنے کہاکہ محض قیاس ارائیوں سے منتخب نمائندوں کو معطل کرنا کہاں کا انصاف اور کہاں کا جمہوریت ہے عمران خان اور انکے بے اختیار وزیر اعلی پر واضح کردینا چاہتے ہیں کہ پاکستان ایک جمہوری ملک ہے جہاں پر اپ لوگوں کی غنڈہ گردی اور بادشاہیت نہیں چلی گی اور انشاء اللہ ائندہ عام انتخابات میں پی ٹی ائی کو منہ چھپانے کیلئے جگہ نہیں ملی گی انہوںنے کہاکہ انکی صوبائی حکومت گزشتہ تین سالوں میں کرپشن اور عیاشیوں کے سواء کچھ نہ کرسکی جبکہ بلدیاتی نمائندے عوامی مسائل کے حل کیلئے جدوجہد کررہے ہیں جس سے خوفزدہ ہوکر یہ لوگ اب اوچھے ہتھکنڈوں پر اتر ائے ہیں لیکن اب ان کا ڈرامہ مزید نہیں چلے گا کیوں کہ یہاں کے عوام نے ان کی اصلیت دیکھ لی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)90دنوں میں تبدیلی لانے والے آخر خاموش کیوں ہے لوگوں کے سامنے منشور پیش کرنے والے تو اپنے منشور کی ایک ہی با ت پر تین سال گزرنے کے باوجود کوئی عمل درآمد نہ کر سکے ہم نے امن کے خاطر وو ٹ حا صل کیا اور منشور میں شامل تما م با توں پر عمل کر کے صوبے کا نام تبدیل صوبائی خود مختاری کا لا باغ ڈیم ایشو کو دفن کرنے درجنوں یونیورسٹیاں، سکول ، کالجز قائم کرنے سمیت NFCایوارڈ جیسے اہم کار نامے سر انجام دیں ہماری دور حکومت میں دہشت گردی تھے بے گنا ہ لو گوں کو ذبح کیا جا رہا تھا سکولوں ، مساجدوں کو بموں سے اُڑیا جا رہا تھا لیکن ANPکے قائدین اور کارکنان نے قربانیاں دے کر امن قائم کرنے میں بھرپور کر دار ادا کیا PK-82کے سابقہ MPA وقار احمد خان واحد ممبر اسمبلی تھا کہ انہوں نے اسمبلی کے فلور پر اسلا م اور شریعت کا آواز بلند کیا 2002میں اسلام کے نام پر ووٹ حا صل کرنے والوں نے سوات کو بارود کے ڈھیر میں تبدیل کر کے قوم کو شدید مشکلات میں مبتلا کر دیا خا ن ازم کے باتیں کرنے والے آکر دیکھیں کہ PK-82سے PTIکا صفایا ہو رہا ہے ان خیالات کا اظہار سابقہ MPAوقار احمد خان ،ابراہیم دیولئی ،آفرین خان ، ضلعی کونسلر عبدالمالک ، ملک احمد خان ، سید ثنا ء اللہ شاہ ، ڈاکٹر فضل غنی اور دیگر نے یونین کونسل ٹا ل میرہ میں شمولیتی تقریب سے خطا ب کے دوران کیا انہوں نے کہا کہ PK82کے عوام کے لئے خون کا آخری قطرہ دینے سے بھی گریز نہیں کرینگے موجودہ MPAاپنے منہ کو لگام دیں اور خا ن ازم کے باتوں سے گریز کریں اگر یہاں خا ن ازم ہو تا تو آج تم MPAنہیں بلکہ چپڑاسی ہو تا کسٹم ایکٹ کے جھوٹے مخالفت کرنے والے اسمبلی کے فلور پر آواز اُٹھائے عوام کو جھوٹے بیانا ت سے گمراہ نہ کریں انہون نے کہا کہ کسٹم ایکٹ کا نفاذ کسی صورت برداشت نہیں ہو گی عوامی نیشنل پارٹی پختون قوم کے نمائندہ جماعت ہے اور ہر فورم پر پختون قوم کے آواز اُٹھا کر کسی بھی قربانی سے دریغ نہیں کرینگے پنجاب اور میاں والے کے سیاست کو پختون قوم نے مسترد کر دیا ہے پنجا ب اور میاں والے کے سیاست کرنے والے پختون قوم کے خیر خواہ نہیں طالبان کے لئے پشاور میں دفتر مانگنے والے اگر اتنی خیر خواہ تو بنی گا لا میں دفتر کھول دیں اس موقع پر PTIسے میاں شیر ، رسول احمد ، عزیز اللہ ، نجیب علی ، سلیمان ، واجد ، رحمان الدین ، شیر شاہ ، سید احمد خان ،عرفان ، شکیل ، انور علی ، زاہد خان ، صفدر علی کے علاوہ دیگر اپنے خاندانوں اور ساتھیوںسمیت پاکستان تحریک انصاف سے مستعفی ہو کر ANPمیں شامل ہو گئے انہوں نے کہا کہ مو جو دہ حکومت تبدیلی کے نام پر نوجوان اور عوام کو گمراہ کرنے کے کوشش کر رہے ہیں ان کے تما م وعدے جھوٹے ہیں 3سال گزرنے کے باجود اب تک کوئی میگا پراجیکٹ نہ کر سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)لیاقت علی ایڈوکیٹ نے کہا ہے کہ تحصیل کبل کے علاقہ غوریجہ ، ڈیلے، مام ڈھیری اور دیگر علاقوں میں آوارا کتوں کا راج ہے اور اس کے خا تمے کیلئے ہم نے میونسپل ایڈمنسٹریشن کے ہاں ایک درخواست بھی جمع کرائیں ہے لیکن تا حال کوئی عمل درآمد نہیں ہوا انہوں نے TMOنثار خان اور تحصیل نا ظم حا جی رحمت علی سے مطالبہ کر تے ہوئے کہا کہ ان علاقوں سے آوارا کتوں کے خا تمے کے لئے اقدامات اُٹھائیں انہوں نے کہا کہ گرمی کے موسم میں آوارا کتے ، باولے کتے بن کر ہر کسی پر حملہ آوار ہو جا تے ہیں ان کتوں کے وجہ سے علاقے میں بچوں کو سکول جانے میں بھی مشکلات کا سامنا ہو تا ہے لہٰذا بروقت کاروائی کی جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)علاقہ دنگرام حلقہ پی کے 81 میںقومی وطن پارٹی کی تنظیم کاقیام عمل میں لایا گیا ،اس حوالے سے کارکنوں کا اجلاس منعقدہواجس سے پارٹی کے زونل چیئرمین فضل رحمان نونو،صدیق علی خان اور دیگر نے خطاب کرتے ہوئے کہاکہ تنظیموں کے قیام سے پارٹی کو مزید استحکام مل رہاہے ،انہوںنے کہاکہ موجود ہ دور میں صرف قومی وطن پارٹی ایک ایسی سیاسی جماعت ہے جو پختونوں کے حقوق اوران کے مسائل کے حل کیلئے عملی جدجہدکررہی ہے،انہوںنے کہاکہ پارٹی کے مرکزی چیئرمین آفتاب احمدخان شیرپائوکی قیادت میں پارٹی کارکن متحد ہیں اور پارٹی کا پیغام گھر گھر تک پہنچانے میں مصروف ہیں،انہوںنے کہاکہ نئی تنظیم اپنی ذمہ داریاں سنبھال کرکام شروع کریں جبکہ پارٹی منشور کو ہرفردتک پہنچانے کا عمل بھی تیز کریں،انہوںنے کہاکہ عوام جان چکے ہیں کہ صرف قومی وطن پارٹی ہی ان کے مسائل کے حل کیلئے سنجیدہ کوششیں کررہی ہیں کیونکہ دیگر سیاسی پارٹیوںنے انہیں مایوس کردیا ہے،انہوںنے کہاکہ ملاکنڈڈویژن میں کسٹم ایکٹ کو کسی بھی صورت تیار نہیں لہٰذہ وزیر اعظم دورہ سوات کے موقع پر کسٹم ایکٹ کے خاتمہ سمیت سوات سمیت پورے ملاکنڈڈویژن کیلئے میگا پراجیکٹ کا اعلان کریں۔
مٹھائی سے جاں بحق افراد کے لواحقین کے غم میں برابر کے شریک ہیں، محمد علی ضیا
گجرات کی خبروں کی تصویری جھلکیاں
