کراچی (جیوڈیسک) کراچی کی مقامی عدالت میں شاہد حامد قتل کیس کے ملزم منہاج قاضی کو شناختی پریڈ میں شاہد حامد کی بیوہ اور بیٹے نے شناخت کر لیا ۔
جوڈیشیل مجسٹریٹ سائوتھ کی عدالت میں ملزم منہاج قاضی کو سخت حفاظتی اقدامات میں لایا گیا ۔ شاہد حامد کی بیوہ اور بیٹے عمر شاہد بھی پولیس کی حفاظت میں عدالت آئے ۔ شناختی پریڈ سے قبل عدالت نے وکلا اور پولیس افسران کوکمرہ عدالت سے نکال دیا ۔
شناختی پریڈ کے دوران شاہد حامد کی بیوہ اور بیٹے عمر شاہد نے ملزم کو شناخت کر لیا ۔ ملزم نے عدالت سے شکایت کی کہ مجھے تشدد کا نشانہ بنایا گیا ۔ پولیس اور رینجرز سے کہا کہ مجھ گولی مار دو ۔ شناختی پریڈ کے بعد عدالت نے شاہد حامد کی بیوہ اور بیٹے کے بیانات ریکارڈ کئے گئے ۔
شاہد حامد کی بیوہ اور بیٹا بیرون ملک مقیم تھے وہ ملک آنے کے بعد پہلی مرتبہ عدالت پہنچے تھے ۔ شاہد حامد کو 1997 میں ڈیفنس کے علاقے میں قتل کیا گیا تھا ۔ ملزم منہاج قاضی کے ساتھی صولت مرزا کو پھانسی ہو چکی ہے ۔
سندھ کابینہ کا اجلاس؛ 3 ارب روپے کا رمضان پیکیج منظور
ننکانہ میں تجاوزات کے خلاف آپریشن ، علاقہ میدان جنگ بن گیا
