کراچی (جیوڈیسک) کراچی میں رمضان کے مہینے میں امن و امان کی صورتحال مزید بہتر بنانے کیلئے فورتھ شیڈول میں شامل ملزمان کی فہرست تیار کرنے کا فیصلہ کر لیا گیا۔ فیصلہ ٹارگٹ کلرز اور بھتہ خوروں کو نکیل ڈالنے کیلئے کیا گیا ہے۔
شہر قائد میں رمضان کے مہینے میں ٹارگٹ کلرز اور بھتہ خوروں کو نکیل ڈالنے کیلئے پولیس نے فورتھ شیڈول میں شامل چار سو سے زائد ملزمان کی فہرست تیار کرنے کا فیصلہ کیا ہے۔
ذرائع کے مطابق عدالتوں میں پیش نہ ہونے والے ملزمان کے خلاف بھی کارروائی کا فیصلہ کرلیا گیا ہے۔
قانون نافذ کرنے والے اداروں نے شبہ ظاہر کیا ہے کہ فورتھ شیڈول میں شامل ملزمان رمضان کے مہینے میں ٹارگٹ کلنگ اور بھتہ خوری کی منصوبہ بندی کرسکتے ہیں۔ ان میں سیاسی و مذہبی جماعت سمیت لیاری گینگ وار کے ملزمان بھی شامل ہیں۔
فورتھ شیڈول میں شامل ملزمان کو کراچی آپریشن کے دوران رینجرز اور پولیس نے شہر کے مختلف علاقوں میں چھاپوں اور سرچ آپریشن کے دوران گرفتار کیا تھا جن میں سنگین جرائم میں ملوث ملزمان بھی شامل ہیں۔
بلدیاتی افسران عوام تک بنیادی سہولیات کی فراہمی یقینی بنائیں۔ نشاط ضیاء قادری
کراچی باسکٹ بال ایسوسی ایشن کا جنرل باڈی اجلاس 2 جون کو فاران کلب میں ہو گا
