پائی خیل (نامہ نگار) لفٹ اری گیشن سکیم پائی خیل میں ڈوبنے والے17سالہ مہرخان کی لاش نکال لی گئی ۔تفصیلات کے مطابق تین دن قبل لفٹ اری گیشن سکیم پائی خیل میں ڈوبنے والے مہرخان ولدآدم خان شیرخانی خیل کی نعش گزشتہ روز لفٹ اری گیشن سکیم پائی خیل وانڈھی سنارنوالی پُل سے نکال لی گئی۔ان کی میت گھرپہنچتے ہی کہرام مچ گیا۔تاہم مرحوم کی نمازِجنازہ اداکردی گئی آہوں اورسسکیوں کے ساتھ سینکڑوں سوگواران کی موجودگی میں انہیں آبائی قبرستان دادامیاں محمدورالی صاحب میں سپردخاک کردیاگیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) پائی خیل اورگردونواح میں انتظامیہ کی غفلت کے باعث مضرِصحت گوشت اور کھانے پینے کی چیزوں کی قیمتیں آسمان پرپہنچ گئیں ۔سبزی اورفروٹس فروشوں نے آلو،پیاز،مرچ ٹماٹر،خرمانی،آلوبخارہ،آم سیب اوردیگرفرٹس وسبزیوں کی قیمتوں میں بے تحاشہ اضافہ کردیاعوام پریشانی سے دوچار تفصیلات کے مطابق پائی خیل اور گردونواح میں مقامی انتطامیہ کی طرف سے اشیاء خوردونوش کی قیمتوں کوکنٹرول کرنے میں غفلت کے باعث قیمتیں دن بدن نہایت تیزی سے بڑھ رہی ہیں ۔اس مہنگائی کے عالم میں غریب آدمی کاجینادشوارسے دشوارترہوتاجارہاہے ۔ مضرصحت پانی ملے گوشت کی فروخت بڑے دھڑلے سے جاری ہے ۔جس پرمکھیاں بھن بھناتی رہتی ہیں ۔بڑاگوشت کی درجہ بندی بناکراوراس میں پانی ملاکر280روپے سے لیکر 320روپے جبکہ برائلرمرغی کاگوشت280روپے سے300روپے جبکہ بکرے کاگوشت600روپے سے650روپے کے ریٹ پرفروخت کیاجارہاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
جبکہ ناپ تول میں بھی کمی کرکے قصابوں نے اندھیرمچارکھی ہے۔علاوہ ازیں آٹا،گھی ،آلو،چینی اوردالوں کی قیمتوں میں دکانداروں نے ازخوداضافہ کررکھاہے ۔فروٹس اورسبزی فروشوں نے خرمانی240روپے کلو،آلوبخارہ250روپے کلو،آم 150 سے200 روپے ،کھجور 150 روپے سے500روپے کلو، آلو،پیاز،سبزمرچ ٹماٹر،دیگرفروٹس ودیگرسبزیوں میں اچانک بے تحاشہ اضافہ کردیا ہے ۔غریب آدمی پہلے بھی مہنگائی کی چکی میں پیساجارہاتھا۔اب توغریب آدمی کاجینامشکل ہوگیاہے۔کسی دکاندارنے لسٹ آویزاں نہیں کی ہوئی اگرخریدار قیمت پربات کرے تودکاندارسیخ پاہوجاتے ہیں۔عوامی حلقوں نے کمشنرمیانوالی اورڈی سی اومیانوالی سے گرانفروشوں کے خلاف فی الفورنوٹس لینے کامطالبہ کیاہے ۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پائی خیل (نامہ نگار) پائی خیل میں سحری وافطاری کے علاوہ دن ،رات بجلی کی غیراعلانیہ آنکھ مچولی اورٹرپنگ نے صارفین کو مشکلات میں ڈال دیا۔واپڈاحکام نے حکومتی احکامات کوپسِ پشت ڈال دیا۔تفصیلات کے مطابق پائی خیل اورگردونواح میں سحری وافطاری کے وقت بجلی کی لوڈشیڈنگ زوروشورسے جاری ہے علاوہ ازیں دن، رات غیراعلانیہ آنکھ مچولی اورٹرپنگ سے صارفین کی الیکڑک اورالیکٹرونکس اشیاء جلنے لگیںجبکہ بجلی کے آلات سے مزدوری کرنیوالوں کاچولھا ٹھنڈااور کاروبارزندگی کوبری طرح مفلوج کرکے رکھ دیا ہے ۔علاوہ ازیں شہریوں کوپینے کے لئے ،کسانوں کوٹیوب ویل اورٹربائن کے ذریعے کھیتوں کوپانی لگانے کی صورت میں شدیدمشکلات کاسامناکرناپڑرہاہے۔کیونکہ تین چار،چار گھنٹے مسلسل بجلی کی لوڈشیڈنگ اورمجموعی طورپر14سے 18گھنٹوں سے بھی بجلی کی ظالمانہ لوڈشیڈنگ تجاوزکرچکی ہے جس کے باعث واٹرسپلائی بند،مسجدوں میں وضوکے لئے پانی نایاب ،دیہاڑی دارطبقہ فاقوں کاشکار،مہنگائی میں کئی گنااضافہ ناداراورغریب طبقہ ڈپریشن کاشکارہوچکاہے ۔تاہم عوامی وسماجی حلقوںنے حکامِ بالا سے بجلی کی ظالمانہ لوڈشیڈنگ کادورانیہ کم کرنے اوربجلی کے تسلسل کامطالبہ کیاہے ۔
بھمبر کی خبریں جاوید اقبال سے 9/6/2016
ادارے میں نیک نیتی کے ساتھ فرایض انجام دینے والے ملازمین قیمتی اثاثہ ہیں۔ نثار سومرو
