قصور (محمد عمران سلفی سے) ڈی سی او قصور عمارہ خاں نے کہا ہے کہ حکومت پنجاب کی جانب سے لگائے گئے سستے رمضان بازاروں میں عوام کو ناصرف مختلف اشیائے خوردونوش پر خصوصی سبسڈی دی جارہی ہے بلکہ ان اشیاء کی کوالٹی کو بھی مسلسل یقینی بنایا جا رہا ہے ‘ضلع بھر میں قائم تمام سستے رمضان بازاروں پر پرائس کنٹرول مجسٹریٹس و دیگر افسران ڈیوٹی دے رہے ہیں جو اشیائے خوردونوش کی مقررہ قیمتوں پر فراہمی کو یقینی بنا رہے ہیں ۔ انہوں نے بعض اخبارات میں شائع ہونے والی اس خبر کی سختی سے تردید کی کہ سستے رمضان بازار بیوروکریسی اور بااثر شخصیات کی لوٹ مار کا ذریعہ ہیں اور ان بازاروں میں اشیاء ناقص اور غیر معیاری ہیں ۔ انہوں نے بتایا کہ سستے رمضان بازاروں میںصفائی ستھرائی ، سیکورٹی اور بزرگ مرد و خواتین کیلئے خصوصی انتظامات کئے گئے ہیں۔انہوں نے بتایا کہ حکومت کی جانب سے سستے رمضان بازاروں میں 10کلو آٹا 290روپے ‘چینی 55روپے ‘گھی مارکیٹ ریٹ سے 10روپے کم ‘انڈے مارکیٹ ریٹ سے 5روپے کم ‘چکن مارکیٹ ریٹ سے 10روپے کم ‘گوشت مارکیٹ ریٹ سے 20روپے کم نیز فیئر پرائز شاپس پر دال چنا ، دال ماش ، بیسن ، کھجور و دیگر اشیاء پر خصوصی سبسڈی دی گئی ہے۔ ان اشیاء کی مقررہ قیمتوں پر فراہمی کو یقینی بنانے کیلئے وہ خود ضلع بھر کے تمام رمضان بازاروں کا روزانہ کی بنیادوں پر معائنہ کر رہی ہیں ۔انہوں نے واضح کیا کہ ناجائز منافع خوری اور غیر معیاری اشیاء کی فروخت ہرگز اجازت نہ دی جائیگی اور ایسا کرنے والوں کے خلاف سخت قانونی کاروائی عمل میں لائی جائیگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(محمد عمران سلفی سے)ڈی پی اوقصور سید علی ناصر رضوی نے گزشتہ صبح سبزی و فروٹ منڈی کا وزٹ کیا ۔انہوں نے وزٹ کے دوران اشیائے ضروریہ و خوردونوش کی قیمتوں ، پھلوں و سبزیوں کی نیلامی اور بولیوں کا جائزہ لیا اور اسکے ساتھ ساتھ خریداروں سے بھی قیمتیں دریافت کیںاس موقع پرڈی ایس پی سٹی عبدالقیوم گوندل ، ایڈمنسٹریٹر مارکیٹ کمیٹی کے عہدیداران ، ایس ایچ او اے ڈویژن اشفاق حسین کاظمی اور سپیشل برانچ کے اہلکاران بھی موجود تھے۔اس موقع پر ڈی پی اوقصور نے کہا کہ گراں فروش کسی معافی کے مستحق نہیں اس سلسلہ میں اشیا ء ضروریہ و خوردونوش کی قیمتوں میں خود ساختہ اضافہ کیخلاف فوری ایکشن لیں گے۔ انہوں نے مزید کہا کہ سبزی و فروٹ منڈیوں میں طلب ورسد کے اتار چڑھائو پر کڑی نظر رکھی جا رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)قصور میں قبضہ گروپ متحرک ہو گئے خواجہ صاحب قبرستان سینکڑوں کنال پر مشتمل ہے اس میں مختلف حصوں پر قبضہ کررہے ہیں ٹی ایم اے کے ایک ملازم نے دربار خواجہ صاحب سے ملحقہ دو ٹیوب ویلوں کے عقب پر دو کنال اراضی پر قبضہ کرکے قبریں مسمار کرنا شروع کردی اسی طرح دیگر قبضہ مافیا بھی قبرستان کی زمین پر قبضہ کر رہے ہیں مگر ضلعی انتظامیہ کی جانب سے ان قبضہ مافیا کے خلاف کاروائی نہیں کی جا رہی جس کے باعث یہ مافیا چند روز کے بعد قبرستانوں کے پلاٹ کو آگے فروخت کردیتے ہیں بااثر زرائع سے معلوم ہوا ہے کہ ان مافیا کے ساتھ محکمہ مال ملازمین بھی ملوث ہیں ڈی سی او قصور سے شہری سماجی اور دینی حلقوں نے مطالبہ کیا ہے کہ ایسے قبضہ گروپوں کے خلاف فوری کاروائی عمل میں لائی جائے اور قبرستان کی جگہ کو واگزار کروایا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)قصور اور نواح میں راہزنی اور چوری کی دو وارداتوں نے ڈاکووں نے پولیس پیٹرولنگ کے کانسٹیبل سمیت دو شہریوں کو لوٹ لیا ۔پیٹرولنگ پولیس میں ملازم الطاف اپنے گاوں لاکھوں بریار موٹر سائیکل پر جا رہا تھا کہ بھٹی ہسپتال کے قریب دو ڈاکووں نے اس سے 20000ہزار کی رقم اور موبائل فون لوٹ لیا جبکہ محلہ ترکھانوالہ کھڈیاں خاص سے نا معلوم چور وسیم کی موٹرسائیکل گھر کے باہر سے موٹرسائیکل لے گئے ،مقامی پولیس نے الگ الگ مقدمہ درج کر لیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پابندی کے باوجود ہوٹلوں پر مچھلی کی مہنگے داموں فروخت جاری، شہباز خان روڈ سمیت شہربھر کے ہوٹلوں پر مضرصحت اور ناقص مصالحوں سے تیار شدہ مچھلی کی فروخت سے قصور شہرکانام بدنام ہونے لگا ، روزانہ درجنوں مریض پیٹ کی بیماریوں کے باعث ہسپتال کارخ کرنے لگے، حکام نوٹس لیں ، شہریوں کا ضلعی انتظامیہ سے مطالبہ، تفصیلات کیمطابق ان دنوں مچھلی بچوں کوپیدا کرنے کیلئے انڈے دیتی ہے اور گرمیوں کے اس موسم میں مچھلی کی فروخت سمیت ہرقسم کے شکار پر حکومت پابندی لگادیتی ہے ، مگر دولت کمانے کی ہوس میں اندھے دکاندار مچھلیوں کے انڈوں سمیت مچھلی کو مضرصحت اور ناقص مصالحوں سے تیار کرکے فروخت کرنے میںمصروف ہیں ، شہباز خان روڈ ، للیانی اڈا ، مسجدنور چوک، اسٹیل باغ ودیگر پوائنٹ پر مچھلی ڈبل ریٹس 720روپے فی کلو کے حساب سے فروخت کی جارہی ہے ، پاکستان فلاح پارٹی کے جنرل سیکرٹری چوہدری محمود الہی چشتی نے بتایا کہ اس موسم میں انڈے والی مچھلی کی فروخت قابل جرم بدترین حرکت ہے ، جبکہ گرم مصالحے اور ناقص اشیاء کااستعمال کرنا مریض بڑھائو مہم ہے ، جسکی مذمت کرتے ہیں ،ڈسٹرکٹ آفیسر( شکار )نے بتایا کہ ان دنوں میں مچھلی سمیت کوئی بھی شکار کرنا جرم ہے خلاف ورزی پر حکومت حرکت میں آئے گی ، شہریوں نے اعلی حکام سے کاروائی کامطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) ایڈیشنل میڈیکل سپرینڈنٹ ڈسٹرکٹ ہیڈکوارٹر ہسپتال ڈاکٹرضیا ء الرحمن خالد میئو نے کہا ہے کہ ڈسٹرکٹ ہسپتال میں نمایاں تبدیلیاں دیکھنے کو ملیں گئیں ،ایمرجنسی میں بہت مریض ہیں ، ڈاکٹرز کی کمی سمیت تمام معاملات حل کرلیں گے ، ڈی سی او قصور عمارہ خان ،ای ڈی او ہیلتھ قصور ،ڈاکٹرخالد محمود ایم ایس ڈسٹرکٹ ہسپتال کی گائیڈ لائن کے مطابق شہریوں سے ملکر ہم اس ہسپتال کو تمام ڈسٹرکٹ ہسپتالوں سے معیاری اور اچھا ہسپتال بنا کردم لیں گے ، میرے دور میں جس طرح ہم نے ایم این سی ایچ پروگرام میں کام کرکے عزت کمائی اب بھی اللہ میری اور میرے ساتھیوں کی مددکرے گا۔ان خیالات کا اظہار انہوں نے ممبر ڈسٹرکٹ ہیلتھ کمیٹی قصورو جنرل سیکرٹری یونین آف جرنلسٹس حاجی محمداحمدچوہدری، چیئرمین الیکٹرونک میڈیا مہر بابا عبدالرحمن سے ملاقات میں کیا ، انہوں نے کہا کہ وہ اس سے قبل یہاں قصور ضلع میں قائمقام ڈسٹرکٹ آفیسر ہیلتھ ،دفترای ڈی او ہیلتھ میں بھی اپنے فرائض سرانجام دے چکے ہیں ، اوراپنے کام کے ماہر اور محکمہ صحت کے قابل ترین افسران میں سے ہیں ، بطور ایم ایس ڈاکٹرخالد محمودکی تعیناتی کے احکامات سے بھی ہسپتال بہتر ہوگا ،اب ہماری تمام ٹیم ایکٹیو اور محنتی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)آزاد امیدوار ایم پی اے قصورشہر و جنرل سیکرٹری انصارموومنٹ پاکستان منظوراحمدانصاری نے کہا ہے کہ رمضان پیکیج، رمضان بازار اور عوامی دسترخوان بھی نمائشی ثابت ہوں گے اور ماضی کی طرح فوٹوسیشن تک محدود رہیں گے اور ان کا حقیقی فائدہ نچلے طبقے کے عوام تک نہیں پہنچ پائے گا جس کے نتیجے میں بے پناہ وسائل لوٹ مار کی نذرہوجائیں گے۔ رمضان پیکیج، رمضان بازارمحض نمائشی اقدامات ہیں جس کا عوام کو کوئی فائدہ نہیں پہنچ رہا ہے۔ کرپشن حکمرانوں اور سرکاری اداروں کو گھن کی طرح کھا گئی ہے جس کی وجہ سے ہر حکومتی فیصلہ محض ضابطے کی کاروائی بن کر رہ گیاہے اور مطلوبہ مقاصد حاصل نہیں ہو رہے۔ ان خیالات کا اظہار انہوںنے ڈسٹرکٹ پریس کلب کے صحافیوں سے گفتگو کرتے ہوئے کیا۔ انہوں نے کہا کہ وزیر خزانہ نے ٹیکس پر ٹیکس لگا کر غریب آدمی سے زندہ رہنے کا حق بھی چھین لیا ہے ۔ جنرل سیکرٹری انصارموومنٹ پاکستان منظوراحمدانصاری نے کہا کہ رمضان بازار محض ڈرامہ ہے اگر حکمران روزہ داروں کو ریلیف دینے کے لئے مخلص ہوتے تو مارکیٹ میں اشیاء ضروریہ پر ریلیف دیتے ۔ 5ارب کی سبسڈی بھی کمیشن مافیا کی تجوریوں میں جائے گی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)پاکستان مسلم لیگ ن شعبہ خواتین ضلع قصور کی صدر محترمہ صفیہ سعید نے کہا ہے کہ آئندہ مالی سال کا بجٹ عوام دوست اور عوامی امنگوں کا آئینہ دار ہوگا۔ بجٹ غریب پرور ہوگا جس میں عام آدمی پر کوئی بوجھ نہیں ڈالا جائے گا، آئندہ مالی کے بجٹ میں صحت، تعلیم، پینے کے صاف پانی اور سماجی بہبود کے دیگر شعبوں کیلئے اربوں روپے کے اضافی وسائل رکھے جائیں گے،میڈیا سے ملاقات میں انہوں نے کہا کہ تیز رفتار معاشی ترقی اور ملک کو درپیش چیلنجز سے نمٹنے کیلئے معیاری تعلیم کا فروغ نہایت اہمیت کا حامل ہے اور اس مقصد کیلئے ہرممکن وسائل بروئے کار لائے جائیں گے۔صفیہ سعید نے کہا کہ آئندہ مالی کے بجٹ میں معیاری تعلیم کے فروغ اور علم کی کرنیں صوبے کے کونے کونے میں بکھیرنے کیلئے موثر اقدامات کئے جائیں گے۔ پسماندہ اور دور دراز علاقوں کی ترقی پر خصوصی توجہ مرکوز کی جائے گی اور ان علاقوں میں ترقیاتی سکیمیں ترجیحی بنیادوں پر مکمل کی جائیں گی۔ سابق برسوں کی طرح جنوبی پنجاب کی ترقی کیلئے آبادی کے تناسب سے زیادہ فنڈز رکھے جائیں گے اور ان علاقوں میں عوام کی دہلیز پر انہیں معیاری سہولیات کی فراہمی کا سلسلہ جاری رہے گا، مسلم لیگ ن کی حکومت عوام دوست ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) واپڈا کمپلین آفس،بجلی درست کرنے والوں سے منہ مانگی فیس وصول کرنے لگے ،شدید گرمی میں بجلی درست کرانے کی فوری ضرورت ہوتی ہے، ایس ای واپڈا فوری نوٹس لیں، تفصیلا ت کے مطابقہ واپڈا کمپلین آفس پتواں والہ گیٹ کمپلین درست کرکے رشوت وصول کرنا اپنا حق سمجھتے ہیں یا پھر 9250049پر فون ریسو کرنے والاکہتا ہے کہ ملازم رسول پور گئے ہوئے ہیں جب واپس آئیں گے فوری بھیج دیں گے جبکہ جب فون پر ہی کہا جائے کہ چائے پانی دیں گے تو کہا جاتا ہے بھائی جی آپ کہا سے بول رہے ہیں واپڈا ملازم آپ کے پاس فوری پہنچ رہے ہیں شہریوں غلام بنی مشتاق احمد نعیم چوہدری ، مہر عاشق علی ، چوہدری محمد علی نے بتایا کہ ان لوگوں نے بجلی درست کرنے کے ریٹ مقرر کر رکھے ہیں یہاں پر صرف رشوت چلتی ہے غریب آدمی پرائیویٹ لوگوں سے بجلی درست کرواتے ہیں کمپلین آفس کے خلاف شکایت کے انبا ر لگائے ہوئے کہا کہ ایک ای واپڈا کمپلین آفس کے ملازمین کو فوری تبدیل کرکے نیا سٹاف لگائیں جو شہریوں سے بہتر رویہ اور ان کی شکایت کا فوری ازالہ کر سکیں تاکہ ان کو فون پر ٹرخاتے رہیں ترجمان واپڈا سب ڈویثر ن نے کہا کہ شہریوں کی پہلے بھی شکایت موصول ہوئی ہیں انکوائری کر رہے ہیں۔
Visit Sabzi Mandi
KASUR
DCO NEW AMARA
محمد عمران سلفی صدر پریس کلب مصطفی آ باد للیانی(رجسٹرڈ) 0300,7575126/0334/0313
قرآن کریم کتاب حکمت اور سراپا رشد و ہدایت ہے، محمد زبیر صدیقی
میڈیا پر ماہ صیام کی حرمت کا خیال نہیں رکھا جا رہا ہے، شاہ محمد اویس نورانی
