جھنگ (تحصیل رپورٹر) ریسکیو1122سنٹرل اسٹیشن جھنگ اور تحصیل شور کوٹ میں سولر سسٹم کو فنگشنل کر دیا۔تفصیلات کے مطابق میڈیا سیل انچارج ریسکیو1122 محمد زبیر نے میڈیا کے نمائندوں سے دوران گفتگو بتایا کہ ڈسٹرکٹ ایمر جنسی افسر ڈاکٹر طارق سعید نے ہمیشہ سے عوام کی خدمت کو اولین ترجیح دی ہے اور انہی کی کوششوں کی بدولت سنٹرل اسٹیشن جھنگ میں 3کے وی اے اور تحصیل شور کوٹ میں2کے وے اے کا سولر سسٹم فنگشنل کر دیا گیا۔یہ سولر سسٹم ریسکیو کے کال مانیٹرنگ سسٹم کو مستقل فعال رکھنے کے لیے نصب کیا گیا ہے۔تاکہ بجلی کی لوڈ شیڈنگ کی صورت میں عوام کو بلا تعطل خدمات فراہم کی جا سکیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جھنگ (ڈسٹرکٹ رپورٹر) مرکزی صدر آل اساتذہ الائنس پنجاب و پنجاب ٹیچرزیونین رجسٹرڈ صوفی محمدرمضان انقلابی و میڈم فرخندہ عثمان ، محمدخان اعوان ، محمدشفیق بھلوالیہ ، سید جمیل احمدآفتاب اور دیگر اساتذہ رہنماؤں نے میڈیا سے گفتگو کرتے ہوئے کہا ہے کہ 20اپریل سے آل اساتذہ الائنس پنجاب وجود میں آچکی ہے جس نے پنجاب بھر میں مظاہرے کئے اور 3جون وزیراعلیٰ ہاؤس دھرنا دیا۔ اَب چند نام نہاد لوگ مل کر اس الائنس کو نقصان پہنچانے کیلئے گرینڈ ٹیچرز الائنس کی بات کررہے ہیں۔ آل اساتذہ الائنس پنجاب کے ہوتے ہوئے اب کسی گرینڈ الائنس کا جواز نہیں بنتا۔ الائنس پہلے وجود میں آچکا ہے۔ 30جنوری اور15مئی کو اساتذہ تحریک میں چھرا گھونپنے والوں کو قوم کبھی معاف نہیں کرے گی ۔ہم حسین کے انکار کی طرح تب تک تحریک جاری رکھیں گے جب تک اساتذہ کو اَپ گریڈیشن نہیں مل جاتی اور PEFکے حوالے کئے گئے سکولز واپس نہیں کردئیے جاتے ۔ ہمارے پروگرام پر اساتذہ کی گرفتاریاں ہوئیں، خود مجھے معطل کیا گیا، میرے کئی ساتھیوں کو بھی معطلی کی سزا دی گئی۔ 14مئی والے بتائیں کہ ان پر یہ سختی کیوں نہ کی گئی۔ کیونکہ حکومت ان پر اندر کھاتے مہربان تھی اور سارا غصہ ہم پر نکالا گیا۔ ہم اساتذہ تحریک کیلئے لڑتے رہیں گے۔ اساتذہ اَپ گریڈیشن صرف ہمارے پریشر کی وجہ سے ہوگی۔ ہم ایسے تمام مزاکرات کو اساتذہ سے مذاق سمجھتے ہیں جو لالی پاپ ہیں ۔ جب تک PEFسکولوں کی واپسی اور اساتذہ اَپ گریڈیشن کا نوٹیفکیشن نہیں ملتا۔ ہم چین سے نہیں بیٹھیں گے۔ عید کے بعد پنجاب اسمبلی کے سامنے دوبارہ دھرنا ہوگا۔ ہمارا دھرنا رمضان المبارک کے احترام میں مؤخر ہوا ، ختم نہیں ہوا۔ انہوں نے مزید کہا کہ پنجاب بھرکے اساتذہ رمضان انقلابی کے ساتھ ہیں ، حکومت کو اب ہمارے مطالبات منظور کرنا پڑیں گے۔ ورنہ دمام دم مست قلندر ہوگا۔
میڈیا پر ماہ صیام کی حرمت کا خیال نہیں رکھا جا رہا ہے، شاہ محمد اویس نورانی
ڈرون حملوں کے خلاف جامع مسجد نظامی سے احتجاجی ریلی کا انعقاد کیا جائے گا
