دیر تلک
Posted on June 14, 2016 By Mohammad Waseem آپکی شاعری, شاعری
رات پھر ہم سے رہی نیند خفا دیر تلک
یاد وہ آتا رہا مست ادا دیر تلک
دشتِ تنہائی میں اشکوں کا سہارا لے کر
ہم نے مانگی تیرے ملنے کی دعا دیر تلک
اب تیرے طرزِ تغافل سے گِلہ کیا کرنا
کون سنتا ہے فقیروں کی صدا دیر تلک
وقت نے طوق و سلاسل نے نوازا ہم کو
اور ہم کرتے رہے شکر ِخدا دیر تلک
گرچہ ہر سانس کو ہم وقفِ سفر کرتے رہے
زندگی مِل نہ سکا تیرا پتا دیر تلک
جانے ہر موڑپہ کیوں ملتی رہی ہے ساحل
ہم کو اِک جرمِ محبت کی سزا دیر تلک
Sahil Munir
تحریر: ساحل منیر
غزل
دعا
