اسلام آباد (جیوڈیسک) شہر اقتدار سے جاری بیان میں وزیر داخلہ چودھری نثار علی خان کا کہنا تھا کہ پاکستان بارڈر مینجمنٹ اور سرحد کے دونوں طرف سے دراندازی روکنے کیلئے مخلصانہ کوششیں کر رہا ہے۔
مگر پاکستان کی کوششوں کو سرحد پار سے سبوتاژ کیا جا رہا ہے۔ ان کا کہنا تھا کہ سرحد پر بلاجواز اور بے معنی گولہ باری سے میجر جواد سمیت سکیورٹی اہلکاروں کی شہادت ناقابل برداشت ہے۔
چودھری نثار نے کہا کہ افغانستان کو اب فیصلہ کرنا ہوگا کہ وہ خطے میں امن کیلئے پاکستان کی کوششوں کا ساتھ دینا چاہتا ہے یا پھر کسی اور کا کھیل کھیلنا چاہتا ہے۔
غیرت کے نام پر قتل کے قانون میں ترمیم کی ضرورت نہیں، اسلامی نظریاتی کونسل
طور خم : تیسرے روز بھی افغان فورسز کی بلااشتعال فائرنگ، مزید 2 اہلکار زخمی
