پشاور (جیوڈیسک) پاک افغان سرحد پر گیارہ سو کلومیٹر خندق مکمل کر لی گئی ، تمام غیر قانونی راستے بند کر دیئے گئے، بارڈر پر کھودی گئی خندق 11 فٹ گہری اور 14 فٹ چوڑی ہے۔ خندق کی کھدائی کے بعد دہشت گردوں کی نقل و حرکت کے تمام غیر قانونی راستے بند ہو گئے۔
اطلاعات کے مطابق پاک افغان بارڈر پر کھودی گئی خندق 11 فٹ گہری اور 14 فٹ چوڑی ہے ، خندق ایف سی کی نگرانی میں 3 سال کی مدت میں کھودی گئی جس پر 14 ارب روپے لاگت آئی ۔ خندق کی کھدائی سے سرحدی حدود بھی واضح ہو گئی ہیں۔
سیکورٹی حکام کا کہنا ہے پاکستان اور افغانستان کے درمیان 25 کلومیٹر طویل سرحد موجود ہے ، تمام سرحد کو مکمل طور پر محفوظ بنانے کے لئے خندق کی مزید کھدائی جاری ہے ۔ ادھر طور خم بارڈر پر” باب دوستی” سے پیدل آمد ورفت کے لئے شناختی کارڈ لازمی قرار دے دیا گیا ہے جبکہ سرحد عبور کرنے کا دورانیہ 2 گھنٹے کم کر دیا گیا ۔ اب سرحد صبح 8 بجے سے شام 4 بجے تک پار کی جا سکے گی۔
ڈی جی رینجرز کی زیرصدارت اعلیٰ سطح کا اجلاس، دہشت گردوں کیخلاف سخت کارروائی کا فیصلہ
معروف قوال امجد صابری کی نماز جنازہ ادا، ہزاروں افراد کی شرکت
