گجرات (جی پی آئی) حضور اُمت مسلمہ ہی نہیں پوری کائنات کیلئے رحمت اللعالمین بن کر آئے اور امام حسین نوجوانان جنت کے سردار اور اُمت کے اتحاد کا مظہر ہیں۔ ان خیالات کا اظہار ممتاز عالم دین علامہ محمد زمان حسینی نے گزشتہ روز جامعتہ المجتبیٰ میں 31 ویں سالانہ جشن امام حسن مجتبیٰ سے یوم تاسیس جامعة المجتبیٰ کے موقع پر خطاب کرتے ہوئے کیا۔ انہوں نے کہا کہ حضور ۖ نے خود حضرت امام حسن مجتبیٰ کے یوم ولادت پر خوشی کا اظہار کیا اور انہیں امت کیلئے رحمت قرار دیا۔ ممتاز عالم دین علامہ سید ناظم جعفری نے کہا کہ حضرت امام حسن سے وہی محبت کر سکتا ہے جو منافق نہ ہو کیونکہ حضرت امام حسن حقیقی وارث نبوت و رسالت ہیں۔ جنہوں نے اُمت کے لئے قربانیاں دیں اور دنیاوی اقتدار کو بھی اُمت کیلئے قربان کر دیا۔ علامہ سید مبارک موسوی نے کہا کہ جامعتہ المجتبیٰ ہر سال امُت مسلمہ کو حضرت امام حسن مجتبیٰ کی قربانیوں اور تعلیمات سے روشناس کرنے کیلئے پروگرام کا انعقاد کرتے ہیں جس کیلئے ہم منتظمین کو مبارکباد پیش کرتے ہیں اور ضرورت اس امر کی ہے کہ ہم اپنے اسلاف کے دن جوش و خروش کیساتھ منائیں۔ علامہ سید سبطین سبزواری صدر شیعہ علماء کونسل صوبہ پنجاب نے کہا کہ تعلیمی نصاب میں اسلامی افکار کو تاریخ کے حوالہ سے مضامین شامل کئے جائیں اور غیر متنازعہ مصنفین کی تحریروں کو نصاب کی زینت بنایا جائے اور حکومت پاکستان سے مطالبہ کتے ہیں کہ ملک میں دہشتگردی کے خاتمہ کیلئے اقدام کیا جائے اور تحفظ عزاداری کو یقینی بنایا جائے۔ علامہ اشتیاق کاظمی نے خطاب کرتے ہوئے کہا کہ جامعة المجتبیٰ دین حق کی ترویج و اشاعت کیلئے کام کر رہا ہے نہ صرف ضلع گجرات بلکہ دنیا بھر میں اس ادارے کے فارغ التحصیل علماء کرام خدمات سرانجام دے رہے ہیں اور شیعیان حیدر کرار کی ترجمانی کا فریضہ سرانجام دے رہے ہیں۔ اس موقع پر علامہ محمد زمان حسینی ‘ علامہ سید ناظم جعفری’ علامہ سید آغا مبارک موسوی’ علامہ سید تنویر الحسن رضوی’ علامہ محمد حسین جلوی وزیر آباد’ علامہ ملک عابد حسین پرنسپل جامعہ حیدریہ موجیانوالہ’ علامہ سید الطاف رضوی’ سید مونس رضا چکوڑی شیر غازی’ مولانا مہدی حسن ضلعی آرگنائزر شیعہ علماء پاکستان۔ سید سرفراز حسین جعفری ‘ سید الطاف عباس کاظمی’ جواد حسین جعفری’ وقار الحسن ہیرا’ چوہدری شبیر حسین’ شہزاد حسین جلالپور جٹاں’ علامہ سید اشتیاق کاظمی نائب صدر صوبہ پنجاب’ علامہ سید سبطین سبزواری صوبائی صدر شیعہ علماء کونسل پاکستان’ مولانا ذوالفقار علی کھاریاں کینٹ’ مولانا امجد مرید حیدری’ سید چن شاہ موجودکی’ چوہدری صغیر بہل پور’ مرزا تقی وزیر آباد و دیگر شریک تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)برصغیر پاک و ہند کی عظیم روحانی شخصیت حضرت کبیر الدین شاہدولہ دریائی کا عرس مبارک شروع ہو گیا۔ عرس مبارک کی تقریبات کا آغاز دربار شریف کو غسل دینے سے ہوا۔ پہلی تقریب محکمہ اوقاف کے زیر اہتمام منعقد ہوئی جس میں ممبر صوبائی اسمبلی حاجی عمران ظفر’ مینیجر اوقاف بائو عبدالرشید’ صاحبزادہ پیر رضوان منصور آوانی’ شہزاد شفیق نقشبندی’ و دیگر اہم شخصیات موجود تھیں۔ جبکہ دوسری تقریب انجمن اولاد حضرت کبیر الدین شاہدولہ دریائی کے زیر اہتمام منعقد ہوئی۔ جس میں گدی نشین پیر سید اعجاز حسین شاہ’ نثر الدولہ’ سید حسنین آصف پپو شاہ’ باوا رضی شاہ’ پیر زادہ قنبر اعجاز شاہ’ سید جنید صابر’ غازی شاہ’ رضوان سجاد’ علی زیب شاہ’ صدا حسین شاہ’ سید قاسم رضا’ سید حسنین رضا’ عدیل خاور’ نعیم رضا’ توقیر عاشق’ ذکاء الدولہ’ عمران باقر’ رضا شاہ’ شبر شاہ’ شیراز علی شاہ’ قمر سجاد و دیگر موجود تھے۔ غسل کے موقع پر ضلع بھر کی اہم کاروباری’ سیاسی و سماجی شخصیات کی کثیر تعداد بھی موجود تھی۔ غسل کے بعد ملکی ترقی و سلامتی کیلئے خصوصی دعائیں کی گئیں۔ جبکہ دوسرے دن دربار شریف پر چادر چڑھائی گئی۔ چادر پوشی کے سلسلہ میں سید اعجاز حسین شاہ کی رہائشگاہ پر محفل سماع منعقد ہوئی جس میں ممتاز قوال امانت علی ‘ و ہمنوائوں نے سماع کے رنگ پیش کئے اور روایتی انداز میں دربار شریف پر چادر لے جائی گئی۔ ملکی ترقی و سلامتی کیلئے خصوصی دعائیں کی گئیں۔ رات کو دربار شریف پر محفل سماع کا انعقاد کیا گیا آج بروز جمعتہ المبارک بعد از نماز جمعہ دریائے رحمت کا انعقاد کیا جائے گا۔ جس میں صاحبزادہ غلام بشیر نقشبندی سجادہ نشین آستانہ عالیہ بائولی شریف خصوصی خطاب کریں گے۔ محکمہ اوقاف کی جانب سے خصوصی لنگر کا اہتمام کیا گیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) حضرت کبیر الدین شاہدولہ دریائی کے عرس مبارک کے سلسلہ میں فیضان ویلفیئر آرگنائزیشن رجسٹرڈ کے زیر اہتمام میڈیکل کیمپ کا انعقاد کیا گیا۔ میڈیکل کیمپ میں ڈاکٹرز نے مریضوں کو چیک کیا اور ادویات فراہم کی گئیں۔ ڈاکٹر عبدالغفور ‘ ڈاکٹر عمران نذیر’ ڈاکٹر عدیل بابر’ پیرا میڈیکل سٹاف’ سہیل احمد ‘ چوہدری محمد بابر وڑائچ نے مریضوں کی خدمت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) بلھے شاہ ویلفیئر سوسائٹی آف پاکستان کے زیر اہتمام آج 24 جون بروز جمعتہ المبارک بعد نماز جمعہ تا مغرب سالانہ محفل ذکر حبیب ۖ و افطاری منعقد ہوگی۔ جس کی صدارت صاحبزادہ پیر سید بلھے شاہ گجراتی کریں گے جس میں ممتاز علمائے کرام و ثناء خوان رسول شریک ہوں گے۔ ملکی ترقی و سلامتی کیلئے دعا کی جائیگی ۔ یہ محفل دربار حضرت شہنشاہ ولایت میں منعقد ہوگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) گجرات پولیس نے مختلف اضلاع سے گاڑیاں چوری کرنے والے شاہد عرف شہدو گینگ کو گرفتار کر کے لاکھوں روپے مالیت کی چھ قیمتی گاڑیاں برآمد کر لیں۔ ڈی ایس پی لالہ موسیٰ شاہد محمود گجر کی زیر نگرانی SHO رحمانیہ رائے فیاض احمد اور انچارج چوکی ماڈل ٹائون قیصر عباس اے ایس آئی پر مشتمل ٹیم نے جدید ترین سائنسی ٹیکنالوجی پر عمل کرتے ہوئے ملزمان کو گرفتار کیا ملزمان تھانہ رحمانیہ میں چوری کی متعدد وارداتوں میں بھی ملوث تھے۔ ملزمان کے قبضہ سے چھ عدد گاڑیاں ناجائز اسلحہ وغیرہ برآمد ہوا۔ جبکہ ملزم شاہد عرف شیدو ضلع گجرات شہزاد ولد فیض منڈی بہائو الدین ‘ میاں ظفر اقبال عرف ظفری جہلم کو گرفتار کیا گیا جبکہ مزید ملزمان کی گرفتاری کیلئے پولیس چھاپے مار رہی ہے۔ اور اہم انکشافات کی توقع کی جا رہی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) آستانہ عالیہ مہمدہ شریف پر محفل کا انعقاد کیا گیا جس کی صدارت صاحبزادہ پیر منصور الحق آوانی نے کی۔ جبکہ مہمان خصوصی سید انور علی شاہ تھے۔ اس موقع پر ممتاز شخصیات کی کثیر تعداد موجود تھی۔ ملکی ترقی و سلامتی کیلئے دعائیں کی گئی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) گجرات منشیات کے مجرم کو ایک سال نو ماہ قید با مشقت اور 13ہزار جرمانہ کی سزا کا حکم تفصیلات کے مطابق ایڈیشنل سیشن جج گجرات چوہدری فیاض الحسن نے تھانہ صدر جلالپور جٹاں کے منشیات کے مشہور مقدمہ کا فیصلہ سناتے ہوئے جرم ثابت ہونے پر مجرم محسن شاہ ولد محمد نواز سکنہ کوٹلی شہانی کو 1سال9ماہ قید با مشقت اور 13ہزار جرمانہ کی سزا کا حکم سنایا عدم ادائیگی جرمانہ مجرم محسن شاہ کو چار ماہ 15دن مزید قید بھگتنا ہوگی واضح رہے کہ سال 2015میں اے ایس آئی محمد اقبال کی مدعیت میں دفعہ 9C/CNSکے تحت تھانہ صدر جلالپورجٹاں میں مقدمہ درج ہوا تھا عوامی اور سماجی حلقوں کا ایڈیشنل سیشن جج چوہدری فیاض الحسن کو زبردست الفاظ میں خراج تحسین۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی) ایم پی اے حا جی عمر ان ظفر نے حضر ت کبیر الد ین شا ہد ولہ در یا ئی کے سا لا نہ عر س مبا ر ک کے موقع پر مزار کو غسل دیا ،چا در چڑ ھا ئی اور فاتحہ خو ا نی کر کے عر س مبا ر ک کا افتتا ح کیا ، ایم پی اے حا جی عمر ان ظفر نے در با ر میں مر ید ین میں لنگر تقسیم کیا ، اور عر س کے انتظا ما ت کا تفصیلی جا ئز ہ لیا ، اس موقع پر ز یب سجاد ہ نشین مہمند ہ شر یف صا حبزادہ ر ضو ا ن منصور آوانی،شہزادہ شہزاد شفیق ، را جہ حبیب الر حمن ،سا بق ایڈ منسٹر ما ر کیٹ کمیٹی چو ہدری ذولفقار اسلم پہلو ان ،حا جی محمد وارث ،عا صم نصیر ڈار ،غیاث الد ین پا ل ،اسا مہ عمر ان ،حمز ہ عمر ان ظفر ، محمدحا دیٰ سمیت دیگرر ہنما ہمر اہ تھے ،صحا فیو ں سے گفتگو کر تے ہو ئے ایم پی اے حا جی عمر ان ظفر کا کہنا تھا گجرات صو فیو ں اور بز ر گا ن دین کی سر ز مین ہے جنہو ں نے ہمیشہ لو گو ں کو امن ،محبت اور بھا ئی چا ر ے کا در س دیا ، انہو ں نے کہا کہ حضر ت کبیر الد ین شا ہد ولہ دریا ئی کی دینی خد ما ت قا بل تحسین ہیں ،حا جی عمر ان ظفر کاکہنا تھا ہمیشہ کی طر ح اس سا ل بھی حکو مت پنجا ب نے حضر ت کبیر الد ین شا ہد ولہ کے عر س کے موقع پر تما م تر مطلو بہ انتظا ما ت مکمل کر کے زائر ین کو زیا دہ سے زیا دہ سہو لیا ت فر اہم کر نے کی کو شش کی ہے ، ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)حکومت پنجاب کی ہدایات کے مطابق شہریوں کو مقررہ نرخوں پر اشیائے خورد و نوش کی فراہمی ہر صورت یقینی بنائیں گے، گرانفروشوں کے خلاف بلاتفریق ایکشن لیا جارہا ہے، سبزی اورفروٹ منڈی میں لائی جانیوالی ہر سبزی اور پھل کی شفاف نیلامی کے بعد ریٹس کا تعین کیا جائے۔ ان خیالات کا اظہار ڈی سی او لیاقت علی چٹھہ نے ڈی پی او رائے ضمیرالحق کے ہمراہ سبزی و فروٹ منڈی لالہ موسیٰ کے دورہ اور رمضان بازار ریلوے روڈ کے اچانک معائنہ کے موقع پر کیا، انچارج رمضان بازار ڈی ایم او وقار حسین خان و دیگر افسران بھی موجود تھے۔ ڈی سی او لیاقت علی چٹھہ نے کہا کہ گرانفروشوں کے خلاف جاری کریک ڈائون کے دوران گذشتہ 24گھنٹے میں ضلع بھر میں 195ریڈ کئے گئے ہیں، 74مقامات پر دوکاندار گرانفروشی اور ریٹ لسٹیں آویزاں نہ کرنے کے مرتکب پائے گئے، پرائس مجسٹریٹس نے 33گرانفروشوں کے خلاف مختلف تھانوں میں مقدمات درج کرادیے ہیں جبکہ 41گرانفروشوں پر 73300روپے جرمانہ عائد کر دیا گیا ہے۔ انہو ں نے کہا کہ مقررہ نرخوں سے زائد وصو ل کرنیوالے کو قانون کا سامنا ہر صورت کرنا پڑے گا۔ فروٹ منڈی لالہ موسیٰ کے دورہ کے موقع پر ڈی سی او لیاقت علی چٹھہ اور ڈی پی او رائے ضمیر الحق نے واضع کیا کہ نیلامی کے بغیر کسی بھی پھل یا سبزی کے ریٹس کا تعین نہیں کیا جاسکتا ، مارکیٹ کمیٹی کے افسران نیلامی کے فوری بعد ریٹس کا تعین کرکے ریٹ لسٹیں جاری کریں۔ رمضان بازار ریلوے روڈ کے دورہ کے موقع پر ڈی سی او لیاقت علی چٹھہ نے پھلوں ، سبزیوں، دالوں، چینی اور دیگر سٹالز کا دورہ کیا، انہوںنے مرغی کے گوشت کی قیمت 203روپے کی بجائے 200روپے فی کلو وصول کرنے کی ہدایت کی۔ ڈی سی او نے مارکیٹ کمیٹی کے افسران کو تمام اسٹالز پر وافر مقدار میں اشیا فراہم کرنے کی ہدایت کی۔ انہوں نے محکمہ صحت کے طبی کیمپ کا بھی معائنہ کیا اور فراہم کی جانیوالی سہولیات بارے دریافت کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)اسسٹنٹ کمشنر سرائے عالمگیر شعیب نسوانہ کی قیادت میں ٹیم نے کاروائی کرتے ہوئے بغیر لائسنس ادویات فروخت کرنے، ادویات کی خرید و فروخت کا ریکارڈ نہ رکھنے اور بغیر وارنٹی ادویات فروخت کرنے پر عمر کلینک/ہسپتال سرائے عالمگیر کو سیل کر دیا ہے۔ ڈی سی او لیاقت علی چٹھہ کی ہدایت پر محکمہ صحت کے عملہ کے ہمراہ چیکنگ کے دوران اے سی سرائے عالمگیر نے مذکورہ ہسپتال کو چیک کیا جہاں بنیادی قوانین کی خلاف ورزی کی جارہی تھی، فوری ایکشن لیتے ہوئے مذکورہ ہسپتال کو سیل کر دیا گیا۔ ڈی سی او لیاقت علی چٹھہ نے کامیاب کاروائی پر اے سی سرائے عالمگیر اور انکی ٹیم کی کارکردگی کو سراہا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)ایس پی ٹریفک کی ہدایت پر ڈی ایس پی ٹریفک سہیل فاضل کی زیر نگرانی جی ٹی ایس چوک میں ٹریفک آگاہی کیمپ کا انعقاد کیا گیا ۔ اس موقع پر چوک سے گذرنے والی گاڑیوں کے ڈرائیورز اور موٹر سائیکل سواروں میں ٹریفک قوانین سے آگاہی بارے پمفلٹ تقسیم کئے گئے اور سلو مووننگ گاڑیوں کو ریفلکٹر لگائے گئے۔ ڈی ایس پی ٹریفک سہیل فاضل نے بات چیت کرتے ہوئے کہا کہ ٹریفک قوانین کی پابندی مہذب اقوا م کا شعار ہے، ڈرائیور حضرات گاڑیوں کو اوور لوڈ نہ کریں، اپنی لائن اور لین اور ٹریفک سگنلز کی پابندی کی جائے۔ انہوں نے ہدایت کی کہ والدین کم عمر بچوں کو ہرگز موٹر سائیکل یا گاڑی چلانے کی اجازت نہ دیں نیز موٹر سائیکل سوار ہیلمٹ کا استعمال یقینی بنائیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ گجرات(جی پی آئی)گوجرانوالہ الیکٹرک پاور کمپنی (گیپکو ) کے چیف ایگزیکٹو چوہدری محمد اکرم کی ہدایات پر گیپکو کے بجلی چوروں کے خلاف جاری گرینڈ آپریشن میں تیزی، مزید52بجلی چور پکڑے گئے،17کے خلاف ایف آئی آر درج،بجلی چوری کرتے ہوئے پکڑے جانے والوں کو138710یونٹس کی مد میں23 لاکھ77ہزار روپے سے زائد کے ڈیٹیکشن بِل جاری۔ ریجن بھر سے مختلف حربوں سے بجلی چوری کرتے ہوئے پکڑے جانے والوں میںبشارت حسین ولد شیخ حسن محمود (چھوٹی سول لائن)، مبارج حسن، محمد نواز، محمد افضل، خوشی محمد، سادات خاں(جورائیاں)، محمد یوسف (فاروق والا)، شفقت عبداللہ(لکھیا)، شبیر حسین (جیلانی پورہ)، مستجب شاہ (لوئیاں والا)، شہباز (رشید پورہ)، یاسر عرفات، عبدالرشید ولد غلام نبی، محمد خلیل ولد عالم دین(منگووال غربی)، اللہ دتہ ولد حیات محمد ، ریاست علی ولد مرزا خاں، فہد بن راجہ (مونجیاں والا)، محمد انار ولد محمد خاں، منیر احمد ولد نذیر احمد، منور احمد ولد رحمت خاں(بادشاہ پور)، محمد اختر ولد جہاں خاں، مقصود احمد بٹ(ہریہ)، نوید قادر ولد عبدالوحید(کینال کالونی)، محمد اکبر ولد مالک(گائوں ٹبی دریانی)، پرویز احمد ولد محمد عنایت(ڈیرہ)، محمد مظہر تاڑرولد محمد زمان، محمد ارشد ولد سردار خاں(اکبر کالونی)، امانت خاں ولد محمد خاں(گائوں جھنڈ)، محمد عباس ولد محمد حسین، مختار احمد ولد بشیر احمد(گائون باڑ موسیٰ)، محمد اسلم ولد محمد حیات(ڈیرہ)، محمد منشاء ولد نذر محمد (گائون بھولا)، غلام ربانی(گائوں لالہ)، محمد سیّد(گائوںلالہ)، محمد سلیمان (گائوںلالہ) اور مظہر قیوم (گائوںلالہ) و دیگرکے نام شامل ہیں۔گیپکو نے بجلی چوری کرتے ہوئے پکڑے جانے والوں کو138710یونٹس کی مد میں23 لاکھ77ہزار روپے سے زائد کے ڈیٹیکشن بِل جاری کر کے تمام بجلی چوروں کے خلاف ایف آئی آر درج کروانے کیلئے درخواستیں دے دی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علما پاکستان کے مرکزی صدر پیر اعجاز احمد ہاشمی نے مشہورقوال امجد صابری شہید پر فائرنگ کی مذمت کرتے ہوئے کہاہے کہ بے ضرر لوگ بھی دہشت گردوں کا نشانہ بن رہے ہیں، حکمرانوں کے لئے ڈوب مرنے کا مقام ہے۔ محب رسول و اہل بیت رسول بھی ظالموں کو برداشت نہیں ہوا۔ لیکن اللہ تعالیٰ نے امجد صابری پر رحمتیں اور برکتیں نازل کی ہیں۔ تعزیتی پیغام میں پیر اعجاز ہاشمی نے کہا کہ دنیا سے ہر کسی نے چلے جانا ہے، لیکن سندھ ہائی کورٹ کے چیف جسٹس کے بیٹے کے اغوا کے بعد امجد صابری کا قتل سکیورٹی اداروں کی کارکردگی پر سوالیہ نشان ہے۔ انہوںنے کہا کہ امجد صابری شہادت کا رتبہ پاگئے اور قاتلوں کو بتاگئے کہ عاشق رسول اور اہل بیت رسول کا رتبہ کتنا بڑا ہوتا ہے۔ دہشت گردوں کو تو دنیا میں ہی جہنم مل جاتی ہے۔ امجد صابری شہیدکو اللہ تعالیٰ نے اتنا بڑا جنازہ کرواکر عزت عطا کردی اور شہادت کا رتبہ رمضان المبارک میں عطا فرمایا ۔ ان کا کہنا تھا کہ قاتل کس اسلام کے پیروکار ہیں؟ ذمہ داریاں قبول کرنے والوں کا مسلمانوں سے کوئی تعلق نہیں۔ یہ کرائے کے قاتل ہیں۔ پیر اعجاز ہاشمی نے کہا کہ فوجی عدالتوں کو متحرک کیا جائے، عدالتوں کوچاہیے کہ قاتلوں کو نہیں چھوڑنا چاہیے۔ انہیں سر عام پھانسیاں دی جائیں۔ انہوں نے کہا کہ سندھ ہائی کورٹ کے چیف جسٹس کے بیٹے کو اغوا کرکے عدلیہ کو خوفزدہ کرنے کی کوشش کی گئی ہے۔ لیکن اب ہر ظلم کے خلاف کھڑ ے ہوجانا ہوگا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)جمعیت علماء پاکستان کے رہنماء علامہ قاری محمد زوار بہادر نے کہا ہے کہ آج رُوئے زمین پر ہونے والی اذانیں ،نمازیں اور قرآن پاک کی تلاوت بدر کے شہیدوں اور غازیوں کا صدقہ ہے تاریخ عالم میں ان کی بہادری اور رسول اکرمۖ پر جانثاری کی مثال نہیں ملتی، وہ رسول اللہ ۖ کے سچے عاشق تھے انہوں نے قیامت تک کے مسلمانوں کے لئے مثال قائم فرمادی۔ انہوں نے کہا کہ اگر آج عزت سے زندہ رہنا ہے تو غزوہ بدر کے شہداء اور غازیوں والا جذبہ پیدا کرنا ہو گا ۔17رمضان المبارک کا دن تاریخ اسلام میں بہت اہمیت کا حامل ہے اسلام اور کفر کے درمیان اس معرکہ میں مٹھی بھر مسلمانوں نے مشرکین اور دشمنان اسلام کو شکست فاش دی ۔ آج امت مسلمہ میں انتشار و افتراق کی وجہ سے مسلمانوں پر طرح طرح کے مظالم ڈھائے جا رہے ہیں امریکہ اور اُس کے اتحادی دہشت گردی کے خاتمے کے نام پر ہر طرف مسلمانوں کو لاکھوں کی تعداد میں شہید کرچکے ہیں ۔فلسطین، کشمیر، افغانستان ،عراق ،لیبیائ،مصر اور میانمار (برما) میں آج مسلمانوں کو گاجر مولی کی طرح کاٹا جارہا ہے مگر ظالم کا ہاتھ روکنے والا کوئی نہیں۔ انہوںنے کہا کہ اللہ تعالی کا وعدہ ہے کہ اسلام کا بول بالا ہوگا اور کفر نیست ونابود ہوگا مگر ہمیں بھی اس کے لیے اپنے اعمال کو درست کرنا ہوگا اگر یہ سوچ لیا جائے کہ صرف تسبیح پھیرنے سے مسلمان اپنی عظمت رفتہ حاصل کرلیں گے اور ان کے تمام مسائل خود با خود حل ہو جائیں گے تو یہ اللہ اور اس کے رسول ۖ کی سنت کے خلاف ہے انہوں نے کہا کہ جاگیردار ، سرمایہ دار اور سیکولر سیاستدانوں کے ہاتھوں مخلوق خدا کی تذلیل ہماری آنکھیں کھولنے کے لئے کافی ہے کہ ہماری نجات صرف رسول اللہۖ کے عطاء فرمائے ہوئے دستور حیات میں ہے۔ان خیالات کا اظہار انہوں نے جامعہ محمدیہ رضویہ گلبرگ میں یوم غزہ بدر کے موقع پر ایک عظیم الشان اجتماع سے خطاب کرتے ہوئے کیا ۔قاری عبد الرحمن نورانی، رشید احمد رضوی،مولانا محمد نعیم ،مولانا سرفراز قادری اور دیگر مقررین نے بھی خطاب کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)نیشنل پارٹی پنجاب کے جنرل سیکرٹری طالب حسین نے کارکنان کے ایک وفد سے ملاقات کے دوران بات چیت کرتے ہوئے کہا کہ جب معاشرے میں امجد فریدصابری قوال جیسے بے ضرر انسانوں کو سرعام قتل کیا جائے تو معاشرے میں عدم توازن اور عدم تحفظ کا احساس پیداہونا فطری عمل ہے۔ہم اس قتل کی مذمت کرتے ہیں۔انہوں نے کہا کہ میرحاصل خان بزنجو ،ڈاکٹر عبدالمالک کی قیادت میںمتحدومنظم اورمتحرک ہیں اور پنجاب میں نیشنل پارٹی کے قائدین کے حالیہ دورے کے دوررس نتائج برآمد ہوں گے۔ اس موقع پر لاہور کے عہدیداران بھی موجود تھے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ جوزف فرانسس کی طرف سے امجدصابری کے قتل کی پرزور مذمت لاہور (جی پی آئی)نیشنل ڈائریکٹرکلاس اور چیئرمین پاکستان کرسچن نیشنل پارٹی ایم اے جوزف فرانسس نے گزشتہ روز کراچی میں فائرنگ کے نتیجے میں ملک کے معروف قوال امجد فرید صابری کے قتل کی پرزور مذمت کی ہے،۔انہوں نے کہا کہ ایک ہمدرد اور محب وطن انسان کے قتل سے انسانیت بھی شرماگئی ہے۔ملک میں امن وامان کی صورتحال دن بدن بگڑتی جارہی ہے۔عدم برداشت کا پھیلتا ہوا ناسور معاشرے کا سکون تباہ برباد کررہا ہے۔اس موقع پر سنیئروائس چیئرمین مارٹن جاوید مائیکل،سیکرٹری نشرواشاعت اقبال کھوکھر،سیکرٹری فنانس سہیل ہابل بھی موجود تھے ۔انہوں نے ملزمان کی گرفتاری کا مطالبہ کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی) کراچی میں ملک کے نامور امجد فرید صابری قوال پر ہونے والا حملہ ایک بزدلانہ فعل ہے جس کی جتنی بھی مذمت کی جائے کم ہے۔ان خیالات کااظہار انٹرنیشنل میڈیا فورم کے چیئرمین ایم اے تبسم،صدراقبال کھوکھر،صدرشعبہ خواتین نائلہ نذیرنے مرکزی دفتر میں مذمتی اجلاس کے دوران کیا۔اجلاس کے دوران امریکہ ،کینیڈابیلجیئم،سپین،ناروے،آزادکشمیر کے عہدیداران نے بھی ٹیلی فونک گفتگو کرتے ہوئے اس واقعے کی پرزور مذمت کی ۔اجلاس میں کہا گیا کہ ایک محب وطن اور معاشرے کے حساس شعبے سے منسلک فرد کا دن دیہاڑے کھلے عام قتل بدترین دہشت گردی ہے۔ایسے انسان کی کسی سے کیا دشمنی ہوسکتی ہے ۔اس واقعے سے عوام میں عدم تحفظ کا احساس جنم ہونے کاخدشہ ہے جو معاشرے اور ریاست کے لئے تشویش ناک ہے۔اجلاس میں مطالبہ کیا گیا کہ حکومت اس صورتحال کا فوری نوٹس لے اور ملزمان کو کیفرکردار تک پہنچائے۔اجلاس میں بدرسرحدی،سعیدبھٹی،فیاض گرداسپوری،رشیدلالہ،چوہدری عثمان نے شرکت کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)ملی یکجہتی کونسل اور وفا ق المدارس الشیعہ پاکستان کے مرکزی نائب صدر علامہ نیاز حسین نقوی نے معروف قوال امجدصابری کی شہادت اور سندھ ہائی کورٹ کے چیف جسٹس کے بیٹے کے اغوا پر تشویش کا اظہار کرتے ہوئے قابل مذمت واقعات کو ملکی حالات خراب کرنے کی سازش قراردیا ہے۔ انہوں نے کہا کہ پاکستان کو مقتل گاہ بنادیا گیا ہے۔ قانون نافذ کرنے والے اداروں کو مساجد ، مدارس اور مذہبی اجتماعات، عزاداری میں رکاوٹیں کھڑی کرنے کی بجائے دہشت گردی کے خاتمے کی طرف توجہ دینی چاہیے۔ ان کا کہنا تھاکہ نیشنل ایکشن پلان میں انتہا پسندی اور دہشت گردی کے خلاف اقدامات کا فیصلہ کیا گیا تھا جو ابھی تک نہیں کیا جاسکا۔ عاشقان مصطفی اور محبان اہل بیت کوقتل کیا جارہا ہے۔یہ رویہ افسوسنا ک اور قابل مذمت ہے۔ علامہ نیاز نقو ی نے کہا کہ امجد صابری کے قاتلوں کو کیفر کردار تک پہنچائے بغیر امن قائم کرنا ممکن نہیں۔ انہوںنے کہا کہ سکیورٹی اداروں کو اپنی کارکردگی دکھانی ہوگی، اب تک قوم کو کیا ملا ہے۔ یہ ایک سوالیہ نشان ہے۔ اس طرف توجہ دی جانی چاہیے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ لاہور (جی پی آئی)پاکستان مسلم لیگ ق لاہور کے ترجمان ناصررمضان گجر نے کہا ہے کہ ملکی وسائل سے بجلی پیدا کرنے کی بجائے مہنگی درآمدی بجلی پر انحصا ملک کی بدقسمتی ہے ۔انہو ں نے نیپرا کی جانب سے کاسا منصوبے کے تحت بجلی کی 9.41روپے فی یونٹ بجلی کی خریداری کی منظور ی پر تشویش کا اظہار کرتے ہوئے کہا کہ مہنگی بجلی عوام و صنعتکار دونوں کے مفاد کے خلاف ہے مہنگی بجلی کے باعث صنعتوں کی پیداواری لاگت میں اضافہ اور ملک میں مہنگائی میں ہوشربا اضافہ ہورہا ہے ضرورت اس امر کی ہے کہ ملکی وسائل میں رہ کر سستی بجلی کے لیے تمام تر دستیاب وسائل استعمال میں لائے جائیں ان خیالات کا اظہار انہوںنے مسلم لیگ ہائوس میں کارکنوں سے گفتگو کرتے ہوئے کیا۔ ناصر رمضان گجر نے کہا کہ کالا باغ ڈیم کی تعمیر سے اڑھائی روپے والی 3600میگا واٹ بجلی کے ساتھ ساتھ سارا سال دریائوں میں زراعت کے لیے پانی بھی دستیاب رہے گا انہوںنے کہا کہ کاسا 1000منصوبہ کا مستقبل مخدوش ہے افغانستان کے راستے پاکستان ٹرانسمیشن لائنوں کے ذریعے بجلی کا حصول ہمیشہ خطرہ میں رہے گا امریکہ اور اسکے اتحادی تاحال پورے وسائل کے ہوتے ہوئے افغانستان میں امن قائم نہیں کرسکے ایسی صورتحال میں پاکستان پہنچنے والی ٹرانسمیشن لائن ہمیشہ خطرے کی زد میں رہے گی انہوںنے کہا کہ حکومت توانائی بحران کے خاتمہ کیلئے جلد از جلد کالا باغ ڈیم کی تعمیر کا آغاز کرے کیونکہ یہی پاکستان کی خوشحالی و ترقی کا راز ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)رمضان المبارک میں مینگورہ پولیس کاجرائم پیشہ عناصر کیخلاف گرینڈاپریشن ،پندرہ کلو گرام چرس،ہیروئن برآمد،تیس اشتہاریوں سمیت بیس جیب تراش اورپانچ سو مشتبہ افرادگرفتار،پولیس کے مطابق ماہ رمضان میں عوام کے جان ومال کے تحفظ کویقینی بنانے کیلئے آفیسرزکی ہدایت پر ڈی ایس پی سٹی حبیب اللہ خان کی قیادت میں ایس ایچ او مینگورہ اخترایوب اورانچارج پولیس اسٹیشن بنڑ عالم زیب خان نے بھاری نفری کے ہمراہ مختلف علاقوں میں سرچ اینڈ سٹرائیک اپریشن کیاجس کے دوران دوسوسے زائد ملزمان ،تیس اشتہای،بیس جیب تراش ،پانچ سو مشتبہ افراداوردس منشیات فروشوں کو گرفتارکرکے پابند سلاسل کردیا ،اس کے علاوہ دیگرکارروائیوں میں مجموعی طورپر14866گرام چرس ،بیس گرام ہیروئن،دس عددپستول،بیالیس عددخنجراوردوعددبندق بھی برآمد کرلئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ڈی ایس پی سٹی حبیب اللہ خان نے کہاہے کہ عوام کے جان ومال کا تحفظ پولیس کی اولین ترجیح ہے،جرائم پیشہ اورسماج دشمن عناصر کے ساتھ کسی قسم کی رورعایت نہیں کی جائے گی،عوام کو بھی پولیس کے ساتھ تعائون کرنا چاہئے،اپنے دفترمیں میڈیا سے گفتگو کرتے ہوئے انہوںنے کہاکہ مینگورہ شہرکی حدود میں جرائم پیشہ افرادکیخلاف بڑااپریشن جاری ہے جس کے نتیجے میں جرائم میں پچاس فیصد کمی آئی ہے ،انہوںنے کہاکہ پولیس کو سماج دشمن عناصر کیخلاف چوکنا کردیا گیا اورماہ رمضان میں گشت کو بھی بڑھادیا گیا ہے جس کے دوران پولیس دن رات عوام کے جان ومال کے تحفظ کیلئے ڈیوٹی سرانجام دے رہی ہے انہوںنے کہاکہ پولیس کوعوام کا خادم اور عوام کے ساتھ مناسب اورشائستہ رویہ رکھنے کا بھی پابند بنادیاگیاہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)تحصیل کبل میں بجلی کے غیر اعلانیہ ظالمانہ لوڈ شیڈنگ اورکم وولٹیج عوام رل گئے،کوزہ با نڈئی ،برہ بانڈئی ،ننگولئی کے عوام نے بجلی کے ناروہ لوڈشیڈنگ کے خلاف احتجاج کی دھمکی دیدی ۔سخت گرمی اور رمضان المبارک کا با برکت مہینہ شروع ہوتے ہی واپڈا والوں نے عوام پر ظلم وستم کاسلسلہ مزید تیز کرتے ہوئے بجلی مکمل طور پر غائب کردی،جس کے باعث روزہ داروں کو سخت مشکلات کا سامنا ہے۔لوڈشیڈنگ کا دورانیہ 20گھنٹوں سے بھی تجاوز کر گیا،مختلف مکاتب فکر کے لوگوں نے میڈیا کو بتایا کہ برہ بانڈئی ،ننگولئی کے عوام کا صبر کا پیمانہ لبریز ہو چکا ہے،اسلئے واپڈا اور صوبائی حکومت کو خبردار کرتا ہوکہ اگر ظلم کا یہ سلسلہ ختم نہیں کیا گیاتوعوام سڑکوں پر نکل ائینگے ،واپڈا اور صوبائی حکومت کے خلاف احتجاجی مظاہرہ کرینگے۔جس کی تمام تر ذمہ داری محکمہ واپڈا اور صوبائی حکومت پر عائد ہوگی۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ سوات(جی پی آئی)ننگولئی محلہ غونڈ اور پاٹک کا ٹرانسفارمربلدیاتی نمائندوں نے مرمت کرکے عوام کی دل جیت لئے،تفصیلات کے مطابق گذشتہ کئی روز سے محلہ غونڈ اور پاٹک کا بجلی ٹرانسفارمر خراب تھے، تو ضلعی کونسلر فلک ناز خان،تحصیل کونسلر ریاض آحمد ،ویلج کونسلر عالم خان،ویلج کونسلر سجاعت لالا ،سید سجاد علی ،خالد خان اور دیگر نے دن رات محنت کرکے دونوں ٹرانسفارمر مرمت کرکے بجلی بحال کردی، انہو ں نے ہنگا می بنیا دوںپر پاٹک محلے کاٹرانسفار مرفرا ہم کر کے عوام کے دل جیت لئے انہو ں نے عوام کے تکلیف کومد نظر رکھتے ہو ئے ،24گھنٹوں کے اندر اندر بجلی بحا ل کر دی جبکہ غونڈ محلے کا ٹرانسفارمردو ہفتے بعد کافی کوششوں سے ٹھیک ہوگیا۔ تواس اہم اقدام پراہلیان ننگولئی نے ضلعی کونسلر فلک ناز خان،تحصیل کونسلر ریاض آحمد ، ویلج کونسلر عالم خان ،ویلج کونسلر سجاعت لالا،سید سجاد علی ،خالد خان اور دیگرکونسلران کا شکریہ ادا کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کراچی((جی پی آئی) پاکستان تحریک انصاف کے رہنما حلیم عادل شیخ کی قیادت میں تحریک انصاف کے وفد نے معروف قوال شہید امجد صابری کی نماز جنازہ میں شرکت کی ۔ اس موقع پر میڈیا سے بات چیت میں حلیم عادل شیخ کا کہنا تھا کہ اس ملک میں اچھے اچھے لوگوں کو چن چن کر قتل کیا جارہاہے ۔جس ملک میں انصاف دینے والے خود انصاف کے طلب گار ہوں اس ملک میں صحافی فنکار،طالب علم ،علماء کرام اور عام شہری کس طرح محفوظ رہ سکتے ہیں۔امجد صابری کی شہادت سے شہر قائد ہی نہیں بلکہ پورا پاکستان ہی سوگوار ہے۔حکومت سے تو کوئی امید نہیں ہے مگر موجودہ سیاستدان بھی شاید خود کو نہیں بدلنا چاہتے امجد صابری کی شہادت پر دو روز سے ایک بلیم گیم چل رہاہے مگر اس میں ذمہ داری کوئی نہیں لینے والا۔حلیم عادل شیخ نے کہاکہ ہم لوگوں کو اب یہ بات سمجھ لینی چاہیئے کہ دشمن کا اصل مقصد اس ملک کی تباہی اور بربادی ہے وہ ہمیں آپس میں لڑادینا چاہتا ہے ۔ ایسے حالات میں ملک کا وزیراعظم ہی موجود نہیں کیا یہ اشتہاردیا جائے کہ ایک عدد وزیر اعظم کی ضرورت ہے؟ ، ان کی غیر موجودگی ایک وزیر کہتاہے کہ وزیراعظم پہلے سے بھی زیادہ تندرست ہیں جبکہ ایک وزیر کا کہنا ہے کہ وہ ابھی سخت علیل ہیں،جبکہ ہم سمجھتے ہیں کہ وزیراعظم پی ٹی آئی کی جانب سے احتجاجی کال کے خوف سے وطن واپس نہیں آرہے ۔انہوں نے کہاکہ حکومت اس وقت اپنے رہنے یا نہ رہنے کا اخلاقی جواز کھوچکی ہے ،موجودہ حکومت جب سے آئی ہے اس ملک میں اس قدر بھیانک سانحات ہوئے ہیں جنھیں بیان کرنا مشکل ہے ۔ حکومت کی کارکردگی اس سے بڑھ کر کیا ہوگی کہ چار روز گزرنے کے باجود بھی چیف جسٹس کے بیٹے کا کوئی سراغ نہ لگایا جاسکاہے۔
ملکہ کی خبریں 24/6/2016
گجرات کی خبروں کی تصویری جھلکیاں
