ڈیرہ اسماعیل خان : تھانہ کینٹ کے علاقوں بستی بلال آباد اور برکت آباد مریالی میں آدھے گھنٹے کے اندر راہ زنی کی وارداتوں میں دو افراد اپنی نقدی اور موبائلوں سے محروم ہوگئے ۔ لوگوں میں عدم تحفظ کا احساس بڑھنے لگا ۔تفصیلات کے مطابق تھانہ کینٹ کی حدود میں واقع بستی بلا ل آباد مریالی میں محمد سہیل ولد اللہ بخش سکنہ بستی بلال آباد مریالی اپنے موٹرسائیکل پر رات کے وقت جارہا تھا کہ اچانک ایک نقاب پوش مسلح شخص نے اس کو روک کر جان سے مارنے کی دھمکی کے بعد اس سے موبائل سیٹ اور جیب میں موجود پانچ سو روپے چھین لیے اور فرار ہوگیا اس واقع کے آدھے گھنٹے کے بعد برکت آباد میں ایک شخص پید ل جارہا تھا کہ ایک نقاب پوش مسلح شخص نے اس سے پندرہ ہزارروپے نقد اور موبائل فون چھین لیا اور موقع پر بھاگ گیا ۔عید کی آمد آمد ہے اور علاقے میں لوگوں میں عدم تحفظ کا احساس پایا جاتا ہے ۔ اس سے دوروز قبل برکت آباد مریالی میں عبدالستار منزل سے گھر والوں کی موجود گی کے باوجود نامعلوم چور گھر سے دو موٹرسائیکل چوری کرکے لے گئے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان : پروآ پولیس نے دھمکی کیس کے پانچ اشتہاری ملزمان گرفتار کرلئے ، چودھوان اور یارک پولیس نے بھاری مقدار میں نا جائز اسلحہ برآمد کرکے دو افراد کے خلاف مقدمہ درج کرلیا ،رمک کے علاقہ میں پانچ افراد نے لاتوں مکوں سے دو خواتین سمیت چار افراد کو زخمی کردیا ۔ تفصیلات کے مطابق پروآ پولیس نے با دوران گشت چار جون 2016کے دھمکی کیس کے پانچ اشتہاری ملزمان اسلم بلوچ ، محمد خان ،احمد شاہ ، صلح محمد اور خیر اللہ کو گرفتار کرلیا ۔ چودھوان پولیس نے علاقہ کوٹ تگہ میں نعمت اللہ ولد مہر داد سے ایک رائفل ، ایک پستول اور 20کارتوس برآمد کرلئے جبکہ یارک پولیس نے عبدالرزاق ولد اللہ ڈیوایا سے دو رائفل اور دس کارتوس برآمد کرلئے ۔تھانہ پروآ کے علاقہ رمک میں شبیر سمیت پانچ افراد نے ناصر خان استرانہ کے گھرکے قریب اس کو اور اس کے بیٹے عثمان بیوی اور بیٹی کو لاتوں مکوں سے وار کر کے زخمی کردیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان : پی ٹی سی ایل اسلام آباد کی غفلت کے باعث جی پی او ڈیرہ میں پی ٹی سی ایل کے ماہ مئی کے جمع شدہ بلوں کا بجھوایا گیا ریکارڈ گم ہونے کے بعد پی ٹی سی ایل حکام نے انکوائری کی بجائے صارفین کے سینکڑوں فون خاموش کردئیے ۔تفصیلات کے مطابق جنرل پوسٹ آفس میں ماہ مئی کے پی ٹی سی ایل کے بل جمع کرانے والے سینکڑوں صارفین عذاب میں متبلا ہوگئے ۔ کیوںکہ پی ٹی سی ایل اسلام آباد کو جی پی او ذریعے ادا کردہ ٹیلی فونوں کے بلوں کو بھجوایا گیا لیکن پی ٹی سی ایل اسلام آباد کے ذمہ دار کی غفلت سے بجھوایا گیا ریکارڈ ان سے گم ہوگیا ۔ لیکن پی ٹی سی ایل ڈیرہ کے مقامی ذمہ داران نے صارفین سے ادا کردہ بلوں کی کاپیاں طلب کیں لیکن جن صارفین کے پاس یہ کاپیاں پس وپیش ہوئیں پی ٹی سی ایل نے ان کے ٹیلی فون بند کردئیے ہیں ۔ حالانکہ چاہیے یہ تھا کہ غفلت کے مرتکب پی ٹی سی ایل افسران کے خلاف فوری انکوائری کی جاتی لیکن الٹا بجلی صارفین پر گرادی گئیں ۔متاثرہ صارفین نے اس حوالے سے فوری اعلی سطحی انکوائری کو مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈیرہ اسماعیل خان : پاکستان کیمسٹ اینڈ ڈرگسٹ ایسوسی ایشن کے ایک پریس رلیز کے مطابق کیٹگری سی میں فیل شدہ ایسے تمام امیدواروں کو ہدایت کی ہے کہ وہ مکمل کوائف کے ساتھ پاکستان کیمسٹ اینڈ ڈرگسٹ ایسوسی ایشن کے ڈویژنل چیئیر مین لطیف الرحمان سے فوری طوپر رابطہ کریں ۔ تاکہ فیل شدہ امیدواروں کی سہولت کیلئے پی سی ڈی اے کی پلیٹ فارم سے انکا جائزہ لینے کے ساتھ ساتھ مشترکہ لائحہ عمل ترتیب دینے سپلمنٹری امتحان اور پر چوں کی دوبارہ ری چیکنگ کے بارے میں غور و خوص کیا جاسکے۔
بدین کے نواحی گاﺅں میں جعلی عامل نے ماں بیٹے کی جان لے لی
جھنگ کی خبریں 27/6/2016
