بغداد (جیوڈیسک) عراق کے دارالحکومت بغداد میں خودکش حملہ آور نے مسجد میں داخل ہونے کے بعد خود کو دھماکے سے اڑا لیا جس کے نتیجے میں 14 نمازی جاں بحق اور 40 زخمی ہوگئے۔
غیرملکی خبررساں ادارے کے مطابق دارالحکومت بغداد کے مغربی علاقے میں واقع مسجد ابو غریب میں خود کش جیکٹ پہنے حملہ آور نے اس وقت خود کو دھماکے سے اڑالیا جب لوگ نماز تہجد کے لئے صف بندی کر رہے تھے، دھماکے کے نتیجے میں 14 افراد جاں بحق جب کہ 40 زخمی ہوگئے۔
مقامی پولیس حکام کا کہنا ہے کہ مسجد ابوغریب شورش زدہ صوبے فلوجہ اور بغداد کے درمیان واقعے علاقے میں موجود ہے جہاں بڑی تعداد میں لوگ نماز تہجد کے اہتمام کے لئے آدھی رات کو جمع تھے کہ حملہ آور دھماکا خیز مواد سے بھری خود کش جیکٹ پہنے مسجد میں داخل ہوا اور نمازیوں کے درمیان آکر خود کو اڑا دیا جس کے نتیجے میں 14 افراد موقع پر جاں بحق ہوگئے جب کہ زخمیوں کو قریبی اسپتالوں میں طبی امداد دی جارہی ہے۔
یمن کے شہر المکلا میں پانچ خودکش حملے، 42 افراد ہلاک
کولمبیا میں ہیلی کاپٹر گر کر تباہ ، 17 فوجی ہلاک
