کراچی کی خبریں 30/6/2016
Posted on June 30, 2016 By Mohammad Waseem سٹی نیوز, کراچی
Karachi
ہم آہنگی و یکجہتی کے ذریعے ہی پاکستان کو محفوظ بنایا جاسکتا ہے ‘ ایم آر پی
بین المذاہب ‘ بین المسلکی ‘ بین الصوبائی و بین اللسانی ہم آہنگی وقت کی اہم ضرورت ہے ‘ مقررین
جے سالک کے افطار ڈنر سے سعید غنی ‘ فاروق ستار ‘ اسداللہ بھٹو ‘ امیر پٹی ‘پیر یاسر سائیں و دیگر کا خطاب
کراچی (اسٹاف رپورٹر) دہشتگردی ‘ بد امنی ‘ نفرت ‘ تعصب ‘ لسانیت اور انتشار اقوام کی تباہی و بربادی کا باعث بنتا ہے اور آج پاکستان تباہی کا باعث بننے والے انہی موذی جذبات و حالات سے دوچاراسلئے اس ملک میں بسنے والی ہر محب وطن پاکستانی کا فریضہ ہے کہ وہ وطن عزیز کو تباہی سے بچانے کیلئے مذہبی ‘ مسلکی ‘ صوبائی ‘ نسلی اور لسانی نفرتوں و انتشار کے خاتمے اور بین المذاہب ‘ بین المسلکی ‘ بین الصوبائی و بین اللسانی ہم آہنگی کیلئے اپنا کردار ادا کرے تاکہ پاکستانی قوم متحد و منظم ہوکر مستقبل کے خطرات سے خود کو محفوظ رکھ سکے ۔یہ بات سابق وزیر وفاقی وزیر برائے اقلیتی اموروچیف آرگنائزر پاکستان عوامی مسیحا پارٹی جے سالک کی جانب سے دیئے گئے ”آل پارٹیز افطار ڈنر “ سے خطاب کرتے ہوئے جماعت اسلامی کے رہنما اسداللہ بھٹو ‘ پیپلز پارٹی کے رہنما سعید غنی ‘ متحدہ قومی موومنٹ کے رہنما فاروق ستار ‘ محب وطن روشن پاکستان پارٹی کے سربراہ امیر پٹی و دیگر سیاسی جماعتوں کے رہنما و قائدین نے جے سالک کی جانب سے افطار ڈنر کے ذریعے اقلیت و اکثریت کو نزدیک لانے کے جذبے کی قدر کرتے ہوئے کہی ۔ امیر پٹی نے مزید کہا کہ اللہ خالق و مالک کائنات ہے اور نبی کریم رحمت اللعالمین ہیں اسلئے مذہبی اقدار کی پاسداری کے ساتھ احترام انسانیت اور مساوات انسانی کی قدروں پر کاربند رہنا بھی ہر انسان کیلئے لازم ہے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
لیاری ہی نہیں پورا کراچی پیرس کا منظر پیش کررہا ہے‘ جی کیو ایم
کراچی کو پیرس بنانے پر بلاول بھٹو ‘ آصف زرداری اور قائم علی شاہ کو مبارکباد پیش کرتے ہیں
بجلی ‘ پانی ‘ امن‘ تحفظ اور سہولیات سے محروم سیوریج میں ڈوبا تعفن زدہ پیرس پیپلز پارٹی کا تحفہ ہے
کراچی ( اسٹاف رپورٹر ) گجراتی قومی موومنٹ کے سربراہ گجراتی سرکار امیر سولنگی عرف پٹی والا المعروف سورٹھ ویر نے لیاری کو پیرس بنانے کا وعدہ کرنے والوں کو مبارلباد پیش کرتے ہوئے کہا کہ صرف لیاری ہی نہیں عوامی حمایت کے دعوےداروں نے پورے کراچی کو پیرس بنادیا ہے ‘ حکمرانوں کی مہربانی ‘ گڈ گورننس ‘ عوام سے محبت اور فنڈز کے بے دریغ استعمال سے کراچی کا کوئی کونا ایسا نہیں ہے جہاں بارش کا پانی نہ کھڑا ہوا ہو اور سیوریج کے برباد و تباہ حال نظام کے علاوہ گندگی و غلاظت کے ڈھیر اور تعفن کے باعث عوام کیلئے جینا اور سانس لینا دوبھر نہ ہورہا ہو جبکہ پینے کے اپنی اور بجلی کی بندش کی وجہ سے عوام نفسیاتی مریض الگ بن رہے ہیں ۔ تحفظ کا یہ عالم ہے کہ اعلیٰ ترین عدالتی عہدیداران کے اہلخانہ سے لیکر فنکار و مذہبی شخصیات تک محفوظ نہیں تو پھر عام آدمی کو کس طرح محفوظ کہا جاسکتا ہے ‘ ڈکیتیوں ‘ موبائل و بائیک اسنیچنگ اور اسٹریٹ کرائم کی دہشت اپنی جگہ قائم ہے اگر بجلی ‘ پانی ‘ تحفظ ‘ امن اور دیگر بنیادی سہولیات سے محروم برسات کے پانی میں ڈوبے ‘ تباہ حال سیوریج نظام کے حامل اور گندگی و غلاظت سے اٹے تعفن زدہ شہر کو پیرس کہاجاتا ہے تو پھر پھربلاول بھٹو ‘ آصف زرداری ‘قائم علی شاہ ‘ ان کی کابینہ اور تمام منتخب نمائندے کو کراچی کو پیرس بنانے پر عوام تہہ دل سے ان کا شکریہ اداکرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں نے عوام کو پانی و بجلی دونوں سے محروم کردیا ہے ‘ راجونی اتحاد
پاکستان کا کوئی خطہ لوڈ شیڈنگ اور پینے کے پانی کی عدم دستیابی سے محفوظ نہیں ہے ‘ عمران چنگیزی
جھوٹے و عوام دشمن حکمرانوں سے نجات کیلئے عوام پر امن و جمہوری جدوجہد میں ہمارا ساتھ دیں
کراچی ( اسٹاف رپورٹر ) پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی نے کہا ہے کہ عوام کو لوڈ شیڈنگ سے نجات کے دعووں و وعدوں پر ایوان اقتدار میں جگہ پانے والوں نے بجلی کے ساتھ ساتھ اب عوام کو پینے کے پانی سے بھی محروم کردیا ہے اور پاکستان کا کوئی صوبہ ‘ شہر ‘ گا ¶ں یا علاقہ ایسا نہیں ہے جہاں عوام لوڈشیڈنگ کی اذیت سہنے کے ساتھ پینے کے پانی کی عدم دستیابی یا تنگی سے دوچار نہ ہوں حالانکہ کثیر قومی سرمائے سے اپنے اہلخانہ واحباب کے ہمراہ مختلف ممالک کے بے تحاشہ دورے کرنے والے وزیراعظم نے کئی ممالک کے ساتھ بجلی کے حوالے سے معاہدوں کے ذریعے عوام کو کئی سو میگاواٹ بجلی نیشنل گرڈ میں لانے کے کئی مژدے بھی سنائے مگر لوڈ شیڈنگ جوں کی توں بلکہ ماضی سے زیادہ شدت و طوالت سے جاری ہے جو اس بات کا اظہار ہے کہ ان کے تمام دورے ‘ معاہدے ‘ مژدے اور دعوے ان کے انتخابی نعروں کی طرح جھوٹ ودھوکے پر مبنی ہیں اور عوام کو ان جھوٹوںو دھوکے بازوں پر مزید اعتبار کی بجائے ان کیخلاف پر امن و جمہوری جدوجہد کرتے ہوئے ان سے نجات حاصل کرنی چاہئے وگرنہ اس ملک کے اندھیرے تو شاید دور نہ ہوں مگر کرپشن وکمیشن کے باعث عوام کا بال بال بیرونی سرمایہ داروں کے پاس گروی ہوجائے گا اور یہ عوام کو مشکل ومصیبت میں چھوڑ کر ایکبار پھر سعودی عرب کے راستے لندن فرار ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پاکستان کا کوئی ادارہ کرپشن و کمیشن سے پاک نہیں ہے ‘سولنگی اتحاد
حکمرانوں کی کرپشن اور کمیشن زدہ پالیسیوں کے اثرات نچلی سطح پر بھی منتج ہوئے ہیں‘ امیر سولنگی
حکومتی و بالائی سطح سے نچلی سطح تک کرپشن و کمیشن میں ملوث ہر فرد کا کڑا احتساب ضروری ہے
کراچی ( اسٹاف رپورٹر ) پاکستان سولنگی اتحاد کے سینئر و بزرگ رہنما امیر سولنگی ‘ سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی‘سندھ کے صوبائی جنرل سیکریٹری ایڈوکیٹ کرم اللہ سولنگی‘ ایڈوکیٹ اقبال سولنگی‘محمد رمضان سولنگی ‘محمد بشیر سولنگی ‘ ارشاد علی سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی و دیگر نے سرکاری اسپتالوں کی حالت زار اور عوام کی سہولت علاج سے محرومی پر اظہار افسوس کرتے ہوئے کہا ہے کہ بالائی سطح پر حکمرانوں کی کرپشن اور کمیشن زدہ پالیسیوں کے اثرات نچلی سطح پر بھی منتج ہوئے ہیں اور آج کوئی ادارہ کرپشن و کمیشن سے پاک نہیں ہے جس کی وجہ سے عوام علاج و تعلیم کی سہولیات کے ساتھ گلیوں و سڑکوں کی صفائی ‘ سیورج نظام کی اصلاح و بحالی سمیت دیگر تمام بنیادی سہولیات سے بھی محروم ہے جبکہ کرپشن ہی کی وجہ سے پینے کا پانی ٹینکرز کے ذریعے فروخت کیا جارہا ہے اور بجلی کی بندش عوام کو مہنگے داموں کے درآمد شدہ جنریٹرز خریدنے پر مجبور کررہی ہے اسلئے عدلیہ کا فریضہ ہے کہ وہ حکومتی و بالائی سطح سے نچلی سطح تک کرپشن و کمیشن میں ملوث ہر فرد کا کڑا احتساب کرتے ہوئے اسے نشان عبرت بنائے تاکہ عوا م کی زندگی کے دکھوں ‘ مسائل ‘مصائب اور کرب و اذیت میں کچھ کمی ہوسکے۔
زکوۃ و صدقات واجبہ ادائیگی کیطرح مستحق تک پہنچانا بھی واجب ہے، مفتی محمد نعیم
خیرپور ناتھن شاہ میں بجلی کی غیراعلانیہ لوڈشیڈنگ کے خلاف احتجاجی مظاہرہ
