نفرتوں میں بھی محبت کا سلیقہ رکھا
Posted on June 30, 2016 By Mohammad Waseem آپکی شاعری, شاعری
نفرتوں میں بھی محبت کا سلیقہ رکھا
خود کو ہر حال میں دنیا سے علیحدہ رکھا
کس نے ٹھکرایا ہمیں کس نے لگایا دل سے
آج تک ہم نے کوئی فرق نہ ایسا رکھا
غم سبھی اپنے ہی دامن میں سمیٹے ہم نے
گر خوشی کوئی ملی تیرا بھی حصہ رکھا
دل کو احساس کے زخموں کے حوالے کرکے
ساری دنیا سے جدا درد کا رشتہ رکھا
ڈگمگائے نہ کبھی راہِ محبت میں قدم
گھر سے نکلے تو فقط ایک ہی رستہ رکھا
ہر رگِ جاں کو اسی شخص نے ٹھنڈک بخشی
جس نے ہونٹوں پہ صدا پیاس کا صحرا رکھا
Alone Women
تحریر : ساحل منیر
ہنسی ہنسی میں گلے بے شمار کر دے گا
سکوتِ شامِ الم سے تیرا پتا مانگوں
