کراچی کی خبریں 1/7/2016
Posted on July 1, 2016 By Mohammad Waseem سٹی نیوز, کراچی
All Parties Dinner
اتحاد و تنظیم ہی قوم کو مستقبل کے خطرات سے محفوظ رکھ سکتے ہیں ‘ ایم آر پی
قوم کو اتحاد کی ضرورت ہے ‘نفرت ‘ تعصب ‘ لسانیت اور انتشار اقوام کی تباہی و بربادی کا باعث بنتا ہے
سابق وفاقی ویرجے سالک کا افطار ڈنر محبت و یگانگت کے فروغ کیلئے مخلصانہ کوشش ہے ‘ امیر علی پٹی والا
کراچی (اسٹاف رپورٹر) بین المذاہب ‘ بین المسلکی ‘ بین الصوبائی و بین اللسانی ہم آہنگی کیلئے اپنے کردار کی ادائیگی ہر بنی نوع انسان پر لازم ہے جبکہ سابق وفاقی وزیر نے اپنے اس فریضے کو مقدم رکھتے ہوئے آج کی یہ ”آل پارٹیز افطار ڈنر “ کی محفل سجائی ہے جس انہوں نے مسلم ‘ عیسائی ‘ ہندو اور سکھ سمیت ہر ایک کمیونٹی کو مدعو کرکے اتحاد و اتفاق کا جو پیغام دیا ہے وہ اگر عام ہوجائے تو پاکستان سے دہشتگردی و بد امنی کا خاتمہ ہوجائے گا کیونکہ دہشتگردی ‘ بد امنی ‘ نفرت ‘ تعصب ‘ لسانیت اور انتشار اقوام کی تباہی و بربادی کا باعث بنتا ہے اور آج پاکستان تباہی کا باعث بننے والے انہی موذی جذبات و حالات سے دوچارہے اسلئے جے سالک کی اس کاوش کو محبت و یگانگت کے فروغ کی کامیاب کوشش کہا جاسکتا ہے اور اس کوشش کیلئے تمام سیاسی جماعتوں کے اکابرین و پاکستانی قوم ان کی شکر گزار ہے ۔یہ بات سابق وزیر وفاقی وزیر برائے اقلیتی اموروچیف آرگنائزر پاکستان عوامی مسیحا پارٹی جے سالک کی جانب سے دیئے گئے ”آل پارٹیز افطار ڈنر “ سے خطاب کرتے ہوئے جماعت اسلامی کے رہنما اسداللہ بھٹو ‘ پیپلز پارٹی کے رہنما سعید غنی ‘ متحدہ قومی موومنٹ کے رہنما فاروق ستار ‘ محب وطن روشن پاکستان پارٹی کے سربراہ امیر پٹی و دیگر سیاسی جماعتوں کے رہنما و قائدین نے کہی ۔ مقررین نے مزید کہا کہ ملک میں بسنے والی ہر محب وطن پاکستانی کا فریضہ ہے کہ وہ وطن عزیز کو تباہی سے بچانے کیلئے مذہبی ‘ مسلکی ‘ صوبائی ‘ نسلی اور لسانی نفرتوں و انتشار کے خاتمے کیلئے اپنا کردار ادا کرے تاکہ پاکستانی قوم متحد و منظم ہوکر مستقبل کے خطرات سے خود کو محفوظ رکھ سکے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکمرانوں کی نااہلی و کرپشن کراچی کو غرقاب کررہی ہے‘ جی کیو ایم
سیوریج نظام تباہ ہے ‘ گندگی کے ڈھیر لگے ہیں اور تعفن زدہ شہر برساتی پانی میں ڈوبا ہواہے
عوام بجلی و پانی کی سہولت اور امن وتحفظ کیلئے بری طرح ترس رہے ہیں ‘ گجراتی سرکار امیر سولنگی
کراچی ( اسٹاف رپورٹر ) حکمرانوں کی مہربانی ‘ گڈ گورننس ‘ عوام سے محبت اور فنڈز کے بے دریغ استعمال سے کراچی کا کوئی کونا ایسا نہیں ہے جہاں بارش کا پانی نہ کھڑا ہوا ہو اور سیوریج کے برباد و تباہ حال نظام کے علاوہ گندگی و غلاظت کے ڈھیر اور تعفن کے باعث عوام کیلئے جینا اور سانس لینا دوبھر نہ ہورہا ہو جبکہ پینے کے اپنی اور بجلی کی بندش کی وجہ سے عوام نفسیاتی مریض الگ بن رہے ہیں ۔ تحفظ کا یہ عالم ہے کہ اعلیٰ ترین عدالتی عہدیداران کے اہلخانہ سے لیکر فنکار و مذہبی شخصیات تک محفوظ نہیں تو پھر عام آدمی کو کس طرح محفوظ کہا جاسکتا ہے جبکہ ڈکیتیوں ‘ موبائل و بائیک اسنیچنگ اور اسٹریٹ کرائم کی دہشت اپنی جگہ قائم ہے۔گجراتی قومی موومنٹ کے سربراہ گجراتی سرکار امیر سولنگی عرف پٹی والا نے برسات کے بعد کراچی کی تباہ حال صورتحال پر اظہار افسوس کرتے ہوئے کہا کہ اگر بجلی ‘ پانی ‘ تحفظ ‘ امن اور دیگر بنیادی سہولیات سے محروم برسات کے پانی میں ڈوبے ‘ تباہ حال سیوریج نظام کے حامل اور گندگی و غلاظت سے اٹے تعفن زدہ شہر کو پیرس کہاجاتا ہے تو پھر پھربلاول بھٹو ‘ آصف زرداری ‘قائم علی شاہ ‘ ان کی کابینہ اور تمام منتخب نمائندے کوصرف لیاری نہیں بلکہ پورے کراچی کو پیرس بنانے پر عوام تہہ دل سے ان کا شکریہ اداکرتے ہیں۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
حکومت لوڈشیڈنگ خاتمے کے نام پر عوام سے دھوکا کررہی ہے ‘ راجونی اتحاد
عوام جھوٹوں اوردھوکے بازوں کیخلاف باہر نکل کر پر امن و جمہوری جدوجہد میں ساتھ دیں ‘ امیرپٹی
حکمران عوام کو مشکل میں چھوڑ کر ایکبارپھر سعودی عرب کے راستے لندن فرار ہوجائینگے‘ اقبال ٹائیگر
کراچی ( اسٹاف رپورٹر ) عوام کو لوڈ شیڈنگ سے نجات کے دعووں و وعدوں پر ایوان اقتدار میں جگہ پانے والوں نے بجلی کے ساتھ ساتھ اب عوام کو پینے کے پانی سے بھی محروم کردیا ہے اور پاکستان کا کوئی صوبہ ‘ شہر ‘ گا ¶ں یا علاقہ ایسا نہیں ہے جہاں عوام لوڈشیڈنگ کی اذیت سہنے کے ساتھ پینے کے پانی کی عدم دستیابی یا تنگی سے دوچار نہ ہوں حالانکہ کثیر قومی سرمائے سے اپنے اہلخانہ واحباب کے ہمراہ مختلف ممالک کے بے تحاشہ دورے کرنے والے وزیراعظم نے کئی ممالک کے ساتھ بجلی کے حوالے سے معاہدوں کے ذریعے عوام کو کئی سو میگاواٹ بجلی نیشنل گرڈ میں لانے کے کئی مژدے بھی سنائے مگر لوڈ شیڈنگ جوں کی توں بلکہ ماضی سے زیادہ شدت و طوالت سے جاری ہے۔پاکستان راجونی اتحاد میں شامل ایم آر پی چیئرمین امیر پٹی ‘ خاصخیلی رہنما سردار غلام مصطفی خاصخیلی ‘ سولنگی رہنما امیر علی سولنگی © ‘راجپوت رہنما عارف راجپوت ‘ ارائیں رہنما اشتیاق ارائیں ‘ مارواڑی رہنما اقبال ٹائیگر مارواڑی ‘ بلوچ رہنما عبدالحکیم رند ‘ میمن رہنما عدنان میمن‘ہیومن رائٹس رہنما امیر علی خواجہ‘ خان آف بدھوڑہ یحییٰ خانجی تنولی‘ عمرا ن چنگیزی نے کہا کہ قومی حالات اس بات کامظہر ہیںوزیراعظم کے تمام دورے ‘ معاہدے ‘ مژدے اور دعوے ان کے انتخابی نعروں کی طرح جھوٹ ودھوکے پر مبنی ہیں اور عوام کو ان جھوٹوںو دھوکے بازوں پر مزید اعتبار کی بجائے ان کیخلاف پر امن و جمہوری جدوجہد کرتے ہوئے ان سے نجات حاصل کرنی چاہئے وگرنہ اس ملک کے اندھیرے تو شاید دور نہ ہوں مگر کرپشن وکمیشن کے باعث عوام کا بال بال بیرونی سرمایہ داروں کے پاس گروی ہوجائے گا اور یہ عوام کو مشکل ومصیبت میں چھوڑ کر ایکبار پھر سعودی عرب کے راستے لندن فرار ہوجائیں گے۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
اعلیٰ عدلیہ ملک و قوم کو کرپشن کے ناسور سے نجات دلائے ‘سولنگی اتحاد
پاکستان کا ہر ادارہ اور ہرت مقتدر شخصیت کرپشن میں ملوث ہے مگر قانون خاموش تماشائی ہے
عدلیہ نے کرپشن کے ذمہ داران کو کیفر کردار تک نہیں پہنچایا تو عوام سڑکوں پر آجائینگے‘ امیرسولنگی
کراچی ( اسٹاف رپورٹر ) بالائی سطح پر حکمرانوں کی کرپشن اور کمیشن زدہ پالیسیوں کے اثرات نچلی سطح پر بھی منتج ہوئے ہیں اور آج کوئی ادارہ کرپشن و کمیشن سے پاک نہیں ہے جس کی وجہ سے عوام علاج و تعلیم کی سہولیات کے ساتھ گلیوں و سڑکوں کی صفائی ‘ سیورج نظام کی اصلاح و بحالی سمیت دیگر تمام بنیادی سہولیات سے بھی محروم ہے جبکہ کرپشن ہی کی وجہ سے پینے کا پانی ٹینکرز کے ذریعے فروخت کیا جارہا ہے اور بجلی کی بندش عوام کو مہنگے داموں کے درآمد شدہ جنریٹرز خریدنے پر مجبور کررہی ہے اسلئے عدلیہ کا فریضہ ہے کہ وہ حکومتی و بالائی سطح سے نچلی سطح تک کرپشن و کمیشن میں ملوث ہر فرد کا کڑا احتساب کرتے ہوئے اسے نشان عبرت بنائے تاکہ عوا م کی زندگی کے دکھوں ‘ مسائل ‘مصائب اور کرب و اذیت میں کچھ کمی ہوسکے ۔یہ بات پاکستان سولنگی اتحاد کے سینئر و بزرگ رہنما امیر سولنگی ‘ سردار شبیر سولنگی ‘ سردار اکرم سولنگی ‘ سردار راحیل سولنگی ‘ سردارخادم حسین سولنگی‘سندھ کے صوبائی جنرل سیکریٹری ایڈوکیٹ کرم اللہ سولنگی‘ ایڈوکیٹ اقبال سولنگی‘محمد رمضان سولنگی ‘محمد بشیر سولنگی ‘ ارشاد علی سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی و دیگر نے سرکاری اسپتالوں کی حالت زار اور عوام کی سہولت علاج سے محرومی پر اظہار افسوس کرتے ہوئے کہی۔
مارگلہ کرش پلانٹس، اسلام آباد کی حدود میں سٹون کرشنگ پابندی کے حوالے سے سپریم کورٹ از خود نوٹس کی سماعت
خیرپور ناتھن شاہ میں بجلی کا بدترین بریک ڈاؤں۔ شہریوں کا دھرنا
