پیرمحل (نامہ نگار) تحصیل نان ہیڈ کوارٹر کے ہیڈ کلرک عارف بھٹی حرکت قلب بند ہونے سے انتقال کر گئے مرحوم کی نماز جنازہ 11 بجے آبائی گاوں بھٹیاں والا میں ادا کی گئی نمازجنازہ میں محکمہ مال ، بلدیہ پیرمحل ملازمین سمیت سیاسی سماجی فلاحی صحافتی شخصیات اور سینکڑوں لوگوں نے شرکت کی مرحوم تحصیل نان ہیڈ کوارٹر پیرمحل میں ہیڈ کلرک کے عہدہ پر فائز تھے مرحوم کے انتقال پر پر یس کلب پیرمحل عہدیداران رانامحمد اشرف رانا شاہدالرحمن میاں اختر علی میاں اختر حسین محمد اکرم شیرازی نے گہرے رنج وغم کا اظہار کرتے ہوئے مرحوم کے درجات کی بلندی کے لیے فاتحہ خوانی کی لواحقین کے لیے صبرجمیل کی دعابھی کی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) ساڑھے 22 کروڑ روپے سے مین رجانہ روڈ کارپٹ روڈ کی نامکمل تعمیر،،زیر تعمیر پلیاں ، ریلوے پھاٹک پر نامکمل سڑک ، درمیان فٹ پاتھ پر روڑی والی مٹی ڈال کرحکومتی خزانے کو کروڑوں روپے کا ٹیکہ ،،جون 2016 کو کارپٹ روڈ کی تعمیر مکمل ہونا تھی رقم جون سے پہلے ٹھیکیدار نے مقامی ایکسئین کی مدد سے وصو ل کرکے کام ادھورا چھوڑکر رفوچکر ،، فی الفور سڑک کی تعمیر مکمل کروائی جائے سماجی حلقے تفصیل کے مطابق ساڑھے22 کروڑ روپے سے مین رجانہ روڈ کارپٹ روڈ جس کی تعمیر ماہ جون2016کو مکمل کرنا تھی بااثر ٹھیکیدار نے ایکسئین کی ملی بھگت سے تمام رقم وصول کرنے کے باوجود سڑک کو مکمل نہ کروایا سڑک کی تعمیر کرتے وقت سب گریڈ نہ کروایا گیا بغیر کمپیکشن کے سڑک کی بیس میں کچا پتھر اور ناقص میٹریل استعمال کرتے ہوئے سڑک کا لیول انتہائی غیر مناسب اور خراب ہونے کے باعث سڑک جگہ جگہ سے ٹوٹنے کے خدشات پید اہوگئے دورویہ کارپٹ روڈ پرزیر تعمیر پلیا ں جس میں ناقص میٹریل استعمال ہونے کے باعث کئی ماہ گذرنے کے باوجود نصف سائیڈیں تک مکمل نہ کی گئی ساڑھے 22کروڑ روپے کی سڑک کی تعمیر سے پہلے سڑک کے درمیان میں آنے والے ریلوے پھاٹک کی حدود میں ہونے کے باعث ریلوے پھاٹک کے دونوں اطراف تین تین سو میٹر کی سڑک مکمل طورپر تعمیرنہ کی جاسکی جس سے کروڑوں روپے کی خطیر رقم سے دورویہ کارپٹ روڈ کامقصد ختم ہوگیا وہاں ساڑھے 22 کروڑ کرپشن کی نذر ہوگئے سماجی حلقوںنے وزیر اعلیٰ پنجاب کے نام بھیجی گئی تحریری درخواستوں میں ساڑھے22 کروڑ روپے سے مین رجانہ روڈ کارپٹ روڈ کی نامکمل تعمیر میں کرپشن کی تحقیقات نیب سے کروانے کامطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) چائلڈ رائٹس کمیٹی کے ضلعی کوآرڈی نیٹر طاہر ذیشان نے کہا کہ آج کے بچے کل کے قوم کے معمار ہے تھوڑی سی توجہ بچوںکے مستقبل کو سنوار سکتی ہے مگر والدین کی عدم توجہ سے بچوںکی صحیح خطوط پر تربیت نہیں ہو پا رہی جس سے بچے معاشرتی برائیوں کا شکار ہو رہے ہیں والدین اپنے وقت کا ایک حصہ بچوں کی تربیت کے لئے وقف کریں کیونکہ تعلیم اور اچھی تربیت ہر بچے کا اخلاقی اور قانونی حق ہے جو اسے ملنا چاہئے۔ اس طرح معاشرتی بگاڑ میں کمی لائی جا سکتی ہے انہوں نے کہا کہ بچوں کو تربیت یافتہ بنا کر ہم معاشرے کو امن کا گہوارہ بنا سکتے ہیں اگر بچوں کی کردارسازی پر توجہ نہ دی گئی تو وہ منشیات اور دیگر جرائم کا شکار ہو سکتے ہیں۔ انہوں نے کہا کہ معاشرتی امن کے لئے بچوں کی صحیح خطوط پر تربیت ہر شخص کا اخلاقی فرض ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
پیرمحل (نامہ نگار) پیرمحل ا وراس کے گردونواح میں بیکریوں پرغیرمعیاری سویٹس کی تیاری اوردھڑے سے فروخت جاری ، غیرمعیاری سویٹس کی تیاری کیلئے بیکری مالکان نے نجی کارخانے آبادیوں میں قائم کرلیے انتظامیہ نے بیکری مالکان کوبھی چیک کرنے کی زحمت بھی گوارہ نہیں کی۔ محکمہ ہیلتھ سے کاروائی کامطالبہ تفصیل کے مطابق پیرمحل شہر ا وراس کے گردونواح کے مختلف مقامات پرغیر معیاری سویٹس تیار کرنے اوران کی فروخت دھڑلے سے جاری ہے متعدد بار بیکری مالکان کی شکایات سامنے آئی ہیں مٹھائی کی تیاری کیلئے دکاندارو ںنے مختلف مقامات پر آبادی والے محلہ جات میں چھوٹے چھوٹے کارخانے قائم کررکھے ہیں جہاں سے مختلف بیکریوں کوغیرمعیاری سویٹس کی سپلائی کی جاتی ہے ضلعی انتظامیہ کی طرف سے کبھی بھی ان بیکریوں کوچیک نہیں کیاگیا جس کی وجہ سے بیکری مالکان کی حوصلہ افزائی ہورہی ہے۔ شہریوں نے محکمہ ہیلتھ کی اس غفلت پرگہری تشویش کااظہارکیاہے اور اعلی حکام سے مطالبہ کیاہے کہ غیرمعیاری مٹھائی کی تقسیم کرنے والے افراد کیخلاف فوری کاروائی عمل میں لائی جائے۔
پیرمحل (نامہ نگار) دیر پا قومی ترقی کے لیے جمہوری اقدار کا فروغ ناگزیر ہے۔پاکستان کے حصول کا مقصد جمہوری معاشرے کا قیام ہے۔جمہوریت پر شب خون مارنے والے کسی بھی قسم کی رعایت کے مستحق نہیں ہیں۔جمہوریت کو نقصان پہنچانے والے عناصر ملکی ترقی اور سالمیت کے دشمن ہیں۔ان خیالات کا اظہار رانا محمد شفیق سابق امیدوار پنجاب اسمبلی ہاکی اولمپئین نے ایک بیان میں کیا۔انہوں نے کہا کہ آمریت کسی ملک کی ترقی میں سب سے بڑی رکاوٹ ہے۔مارشل لاء کے نفاذ سے ملک عالمی سطح پر تنہا ہوجاتا ہے اور تنزلی کا شکار ہوجاتا ہے۔پاکستان میں مستحکم جمہوریت عوام کا خواب ہے۔جمہوریت کے خلاف اٹھائے جانے والے کسی بھی قدم کی عوام حوصلہ شکنی کرے گی۔انہوں نے ترکی میں فوجی بغاوت کو ناکام بنانے پر ترک صدر طیب اردوان اور عوام کو مبارکباد پیش کرتے ہوئے کہا کہ ترک عوام کی جمہوریت کے تحفظ کے جرات مندانہ اقدامات قابل تحسین ہیں۔ترک عوام نے ثابت کر دیا کہ عوام جمہوری اقدار کا فروغ چاہتے ہیں اور اس مقصد کے لیے کسی بھی قربانی سے دریغ نہیں کریں گے۔
کراچی کی خبریں 19/7/2016
بھمبر کی خبریں چوہدری خالد حسین سے 19/7/2016
