تحریر: پروفیسر محمد عبداللہ بھٹی کائنات کا ذرہ ذرہ خدا کے ہو نے کا شدت سے احساس دلا تا ہے اور اگر آپ دھرتی پر موجود اربوں انسانوں کا مطالعہ کریں تو ہر انسان میں کو ئی نہ کو ئی ایسی خو بی چھپی ہو تی ہے جو خالقِ عظیم کے وجود کا احساس دلا تی ہے انسانوں کی رشد و ہدایت کے لیے ہر دور میں خدا ئے بزرگ و برتر نے اپنے ہدایت یا فتہ پیغمبروں کو بھیجا جنہوں نے اپنے اپنے دور میں اپنی ڈیوٹی کو نبھا یا اور خا لقِ حقیقی سے جا ملے اور پھر تا ریخ انسانی کے سب سے بڑے انسان نے حضرت آمنہ کے گھر جنم لیا اس دن ایک ماں نے اپنے عظیم فرزند کو جنم نہیں دیا بلکہ ما در گیتی نے ایک عظیم انقلاب کو جنم دیا 12 ربیع الاول کو صرف ظہور قدسی نہیں ہوا بلکہ ایک نیا انقلاب نیا جہاں طلوع ہوا آمنہ کا لال ۖ اِس شان سے چمکا کہ آپ ۖ کے اِس جہان فانی و خاکی میں قدم رکھتے ہی تا ریخ انسانی کے نئے دور کا آغا ز ہوا آپ ۖ کے دنیا میں آتے ہی حیاتِ انسانی پر شباب آگیا ہزاروں سالوں سے دیکھے جا نے والے خواب کو تعبیر مل گئی آپ ۖ کے آنے کے بعد ہی شرف ِ انسانی کو حقیقی اندازہ ہوا ، ا ورنہ ہی اِس سے پہلے انسانوں کو دوسری چیزوں کی شان و شوکت کا احساس تھا۔ لیکن وہ اپنی حرمت اور مقام کو نہیں جا نتا تھا انسان خو د کیا تھا۔
یہ جہالت کے اندھیروں میں غرق ہو چکا تھا وہ ہر چمک دار طاقت ور چیز سے متا ثر ہو کر اُس کو اپنا معبود بنا لیتا چاند ستاروں سورج کو دیکھتا تو اِن میں خدا کو ڈھونڈتا، پہا ڑوں کی بلندی اور غاروں کی گہرائی سے متا ثر ہو جا تا حکمرانوں با دشاہوں مہا راجوں نوابوں سرداروں سپہ سالاروں رہبانوں سے متاثر ہو کر انہیں خدا کا اوتار مان لیتا نسل در نسل انسان اپنے آپ کو اِس حدتک فراموش کر چکا تھا کہ ہر طاقتور کے سامنے جھک جا تا، خو ف اور کمزوری اُس کی جبلت کا حصہ بن چکی تھی انسان کو اپنی شان، وسعت ، صلاحیتوں کا بلکل بھی ادراک نہیں تھا اِسی خوف کے تحت جن بھوتوں کو سجدے کر تا اپنی خو دی شان وقار اور صلا حیتوں سے بے خبر تو ہم پرستی کا شکا ر تھا انسانیت قربانی ایثار اخوت محبت خدمت خلق پیار اِن چیزوں سے بے خبر تھی جا نوروں کی سی زندگی گزار رہا تھا اور پھر پیا رے نبی کریم ۖ نے آکر بتا یا اے انسان تیری حرمت تو کعبہ سے بھی افضل ہے تو خدا کا راز ہے تیری تخلیق حرف ”کن ” سے نہیں خا ص درستِ قدرت سے ہو ئی ہے تجھے خدا نے اپنی امانت سونپی ہے تجھے خیر و شر نیکی بدی ارادہ و اختیار کی خو بی عطا کی گئی ہے تو خود کو ذرہ سمجھتا ہے جبکہ خدا نے تیرے اندر صحرائوں کی وسعت رکھ دی ہے تو خود کو چھوٹا سا راز سمجھتا ہے۔
Muhammad PBUH Teachings
جبکہ خدا نے تیرے با طن میں جہاں آباد کر دیا ہے اور پھر محسنِ انسانیت ۖ کی ہی تعلیم اور خود آگہی کا نتیجہ تھا کہ وہ انسان جو اپنے ہی خوفوں کا اسیر تھا سمٹا ہوا تھا پھر اُسی انسان کی ہیبت سے پہاڑ بھی سمٹ کر رائی کا روپ دھا رنے لگے یہ وہی انسان تھا جو آگ سورج چاند ستا روں انسانوں مو رتیوں بھو ت پریتوں اور تو ہم پرستی کے چنگل میں بُری طرح پھنسا ہوا تھا اب صحراو دریا اُس کے پا ئوں کی نو ک پر تھے یہ آپ ۖ ہی کا فیضا ن تھا کہ آپ ۖ کے آنے سے پہلے یو نان کے فلا سفروں کے فلسفے بھی اپنی مو ت مر چکے تھے بلکہ اُن کی تعلیمات نے روشنی کی بجائے اندھیروں کو اور بھی تا ریک کر دیا تھا دنیا جہالت غربت ظلم کے طوفانوں کی زد میں تھی بلکہ تا ریک غاروں میں گم ہو چکی تھی اور پھر یہ دنیا اگر منور و معطر ہو ئی تو غارِ حرا کے گو شے سے طلوع ہو نے والے آمنہ کے چاند ۖ سے ہوئی۔ انسان اپنی پہچان کھو چکا تھا اگر کسی نے آکر انسان کو اُس کا شعور اور مقام بتا یا تو آمنہ کے لال ۖ نے ، ظلم و جہالت میں غرق دنیا کو پنا ہ ملی تو آقائے دو جہاں ۖ سے، شاہی قبا و عبا انسانوں کے لیے وبا بن چکی تھی اور وہ کا لی کملی ۖ تھی جو گرفتاران بلا کے لیے نسخہ شفا بنی نام نہاد عادل حکمرانوں اور وسیع و عریض سلطنتوں کے مالک با دشاہوں کی سلطنتیں اُن کے با شندوں کے لیے آ ہنی شکنجے بن چکی تھیں۔
جبکہ یتیم مکہ کی چھوٹی سی کو ٹھری کر ہ ارض کے مظلوموں کے لیے اپنے اندر افلاکی وسعتیں رکھتی تھی ظلم و بربریت کی چکی میں صدیوں سے پستے ہو ئے غلام حبش سے آنے والے، روم سے آنے والے ،فارس سے آنے والے ،نجد سے آنے والے گو شہ عافیت کی تلاش میں آقا ۖ کی آغوش ِ رحمت میں آتے گئے سما تے گئے ارقم کے چھوٹے سے گھر میں بحر و بر سمٹ گئے آپ ۖ کیا آئے کہ بے آسروں یتیموں مسکینوں کو آسمان مل گیا آپ ۖ جیسا نہ کو ئی تھا نہ ہے نہ آئے گا دنیا بھر کے تمام اہل قلم محقق تا ریخ دان اپنی مر ضی کے پیمانے اور میزان لے آئیں اور پھر محسنِ انسانیت ۖ کی زندگی کا ہر لمحہ غور سے نا پیں تو لیں کڑے سے کڑا امتحان لیں آقا ئے دو جہاں ۖ کی زندگی کا ہر لمحہ ہر پہلو ہر دور ہر رشتہ ہر زاوئیے سے چیک کر لیں تو مخالف سے مخالف بھی آپ ۖ کی خو بیوں اور کر دار کی بلندی دیکھ کر پکار اُٹھے گا ۔
Muhammad PBUH Life
تیری حیات پاک کا ہر لمحہ پیغمبر لگے اہل یو رپ اور منکرین رسالت کو ہماری طرف سے کو ئی قید نہیں کہ وہ صرف عہدِ رسالت کا ہی جا ئزہ لیں نہ ہی یہ پا بندی ہے کہ وہ آپ ۖ کی عملی زندگی پہ گفتگو نہ کر یں اور نہ ہی یہ شرط ہے کہ مخالفین عہد نبوت سے پہلے دور کو نہ چیک کر یں نہ ہی ہم یہ کہیں گے کہ آپ ۖ کی مذہبی زندگی جنگوں میں قیا دت سیا سی زندگی عام انسانوں سے سلوک ہم دعوی کر تے ہیں بلکہ چیلنج کر تے ہیں کہ حضرت حلیمہ سعدیہ کے آنگن میں ننھے محمد ۖ کی پرورش اور حلیمہ سعدیہ کی بکریاں چرانے سے لے کر میدان عرفات میں انسانی حقوق کا چارٹر عطا کر نے اور دین کے مکمل ہو نے کی خو شخبری دینے تک اپنی نظروں میں لے آئیں اور ہجرت مدینہ سے پہلے مکہ کی گلیوں اور کعبے کے صحن میں آپ ۖ پر ہو نے والی زیادیتوں کو یاد رکھیں اور پھر کس طرح آپ ۖ کو مکہ چھوڑنے پر مجبور کر دیا گیا آپ ۖ کی محبوب بیوی حضرت خدیجہ کی شعب ابی طالب میں وفات بیٹی کو زخمی کر نا اور محبوب چچا حضرت حمزہ کو بے دردی سے شہید کر نا اِن تمام منا ظر کو ذہن میں رکھ کر سوچیں کہ جب آپ ۖ دس ہزار قدسیوں کے ہمراہ فتح مکہ کے مو قع پر واردِ مکہ ہو تے ہیں کعبہ کو بتوں سے پاک کر تے ہیں اور وہ تمام ظالم اور قاتل مجرموں کی طرح آپ ۖ کے سامنے گر دنیں جھکا ئے کھڑے نظر آتے ہیں۔
اپنی زندگیوں کی بھیک مانگتے ہیں اور پھر آپ ۖ جس رحم دلی سے سب کو معاف کر دیتے ہیں یہ تا ریخ کے ما تھے پر قیا مت تک کے لیے نقش ہو گیا ہے سرجھکا ئے کھڑے ہو نے والوں میں وہ تما م لو گ تھے جنہوں نے مکہ میں آپ ۖ کی زندگی کو اجیرن کر کے رکھ دیا تھا مجرموں میں عثمان بن طلحہ بھی کھڑا تھا جس سے آپ ۖ نے نبوت سے پہلے عبا دت کے لیے چابی ما نگی تھی اُس نے انکار کر دیا تھا اور آج آپ ۖ نے اُسی کو بلا کر کعبے کی چابی اُس کے حوالے کر دی جو آج بھی اُسی کے خاندان کے پاس ہے آپ ۖ سا نہ کو ئی تھا نہ ہے ایک بار یہودیوں کے بہت بڑے عالم دین عمرو بن حصین اپنی کتابوں کے انبار کے ساتھ آپ ۖ سے بحث و منا ظرے کے لیے آیا اُس کو یہ غرور تھا کہ محمد ۖ تو ایک ”اُمّی ” ہیں وہ ایک عالم دین کا مقابلہ کس طرح کر سکتے ہیں اورپھر چشم فلک اور لو گوں نے عجب منظر دیکھا کہ ابھی رسمی با توں کے بعد بحث کا آغاز ہوا ہی تھا کہ عمرو بن حصین کلمہ شہا دت پڑھ کر مسلمان ہو جا تا ہے اُس کے ساتھیوں کو اپنے منا ظر اعظم پر بہت غصہ آیا کہ تم نے ہمیں ذلیل کر دیا ہمیں شرمندہ کر دیا ہما ری نا ک کٹ گئی تو عمرو بن حصین نے تا ریخی جملہ بولا کہ میں نے جب ایک ہی نگا ہ محمد ۖ کے چہرہ اقدس پر ڈالی تو حقیقت یہ ہے کہ میرے دل و دماغ نے گوا ہی دی کہ ” یہ کسی جھوٹے شخص کا چہرہ ہو ہی نہیں سکتا ” اور بے اختیار مسلمان ہو گیا اور پھر یہی شخص عبداللہ بن سلام کے نام سے مشہور ہوا۔
Prof Abdullah Bhatti
تحریر: پروفیسر محمد عبداللہ بھٹی ای میل: help@noorekhuda.org فون: 03004352956 ویب سائٹ: www.noorekhuda.org فیس بک آفیشل پیج: www.fb.com/noorekhuda.org
سوشل میڈیا ان۔۔۔ سوشل لائف آئوٹ
کچھ نہیں بدلے گا
