کراچی (جیوڈیسک) پراپرٹی کی قیمتوں کے تعین کے لیے فیڈرل بورڈ آف ریوینو (ایف بی آر) نے کراچی سمیت 12 شہروں کے لیے ویلیو ایشن ٹیبل جاری کر دیا ہے۔ ویلیو ایشن ٹیبل میں کراچی شہر کے 193 علاقوں کو شامل کیا گیا ہے۔ قیمت کے اعتبار سے شہر کی پراپرٹی کو 8 درجوں میں تقسیم کیا گیا ہے۔
گٹیگری ون میں شامل پراپرٹی کی ویلیو سب سے زیادہ ہے اور یہ ٹیبل کے حساب سے 25 ہزار روپے مربع گز ہے۔ دوسری جانب سب سے کم قیمت والے علاقے میں پراپرٹی کی ویلیو 600 روپے مربع گز مقرر کی گئی ہے۔ شہر کے چاروں صنعتی علاقوں کی ویلیو ایشن ٹیبل میں نہیں بتائی گئی ہے۔ ایف بی آر ذرائع کا کہنا ہے کہ ٹیبل میں شامل نہ کیے گئے علاقوں کی قیمت کا اندازہ متصل علاقے کی کم ترین ویلیو ایشن سے کیا جا سکتا ہے۔
ایف بی آر کے مطابق لاہور میں پراپرٹی کی قیمت کا تعین ٹاؤن کے اعتبار سے کیا گیا ہے۔ اگرچہ یہاں کراچی کی طرح پراپرٹی کو رہائشی اور کمرشل کے درجے میں تقسیم کیا گیا ہے لیکن ویلیو ایشن ٹیبل کے مطابق لاہور میں بنے ہوئے گھر اور پلاٹ میں کوئی فرق نہیں رکھا گیا ہے۔ لاہور میں رہائشی پلاٹ کی قیمت 2 سے 50 لاکھ روپے تک فی مرلہ طے کی گئی ہے۔ ایف بی آر نے مختلف شہروں کے حوالے سے نوٹٰ فکیشن جاری کر دیا ہے۔
ایجبسٹن ٹیسٹ : انگلینڈ 297 رنز پر آؤٹ، سہیل خان کی 5 وکٹیں
رینجرز اختیارات کا معاملہ حل ہو چکا ہے: مراد علی شاہ
