پیرمحل (نامہ نگار) ترجیحات، مقاصد اور حکمت عملی سے اچھی طرح واقفیت عوامی مسائل کے حل کا پیش خیمہ ہوتے ہیںعملی اقدامات کے بغیر نہ تو ترقی کا خواب شرمندہ تعبیر ہوسکتا ہے اور نہ ہی ملک کو خوشحال بنایاجاسکتاہے وسائل کی منصفانہ تقسیم کو یقینی بناکر غیر منصفانہ نظام کی زنجیریں توڑ کر عوام کی فلاح و بہبود کے لئے کام کرکے ہی نسل درنسل چلنے والے گھمبیر مسائل کو حل کیاجاسکتا ہے ان خیالات کا اظہار حافظ محمد نجیب اسسٹنٹ کمشنر پیرمحل نے صحافیوں سے غیر رسمی گفتگومیں کیا انہوںنے کہا کہ ملازمین عوام کے خادم ہے ہرمحکمہ میں اچھے اور برے موجود ہے مگر تمام اکائیوں سے حکمت دانش سے کام لے کر انصاف کی فراہمی اولین ترجیح ہونی چاہیے عوام کے تعاون اشتراک سے ہی کرپشن مافیاء کو جڑ سے اکھاڑ پھینکنے مد د حاصل ہوسکتی ہے جس کے لیے عوام کا تعاون ناگزیر ہے عدالتی ودیوانی امور میں بلاوجہ جھوٹی درخواستوں کے باعث عدالتوں اور دیگر اداروں پر بوجھ ناقابل برداشت ہوچکاہے جھوٹی درخواست دینے پر مقدمات کا اندراج ہونا چاہیے تاکہ جھوٹی اور بلاوجہ التواء میں ڈالنے والی درخواستوں کی حوصلہ شکنی ہوسکے انہوںنے کہا کہ ڈی سی اوٹوبہ ٹیک سنگھ کی مشاورت سے تمام وسائل صرف اور صرف عوام کی بھلائی اور خدمات کے لیے مہیا کررہے ہیں غیر قانونی تعمیرات اور ناجائز قابضین کے خلاف کریک ڈائون کرکے ان سے حکومت کی ایک ایک انچ زمین واگذا رکرواکر ان کے خلاف قانونی کاروائی کررہے ہیں انہوں نے کہاکہ عوام کے تعاون کے بغیر کسی بھی مافیا کے خلاف کارروائی ممکن نہیں اور عوام اس حوالے سے کوئی بھی بے ضابطگی تحصیل انتظامیہ کے نوٹس میں لائیں تاکہ قانون شکنی کرنے والوں کے خلاف کارروائی عمل میں لائی جاسکے۔ انہوں نے کہا کہ غیر سرکاری سماجی تنظیمیں اس سلسلے میں اہم کردار ادا کر سکتی ہیں ـ انہوں نے کہا کہ تحصیل سطح پر سہ ماہی ایکشن پلان مرتب کیا جائے اور فلاحی سرگرمیوں کے اہداف مقرر کئے جا رہے ہیں ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) پیرمحل اورگردونواح میں غیراعلانیہ لوڈ شیڈنگ کا سلسلہ جاری کاروبارزندگی مفلوج مزدور محنت کش طبقہ فاقوں پرمجبور جس کے باعث شہریوں کو شدید پریشانی کا سامنا کر نا پڑ رہاہے۔جبکہ کئی علاقوں میں مسلسل کئی گھنٹوں کی لوڈشیڈنگ کے باعث شہریوں نے حبس اور گرمی میں راتیں جاگ کر گزارناشروع کردی بجلی کی غیراعلانیہ بندش سے شہری شدیدحبس اور گرمی میں بڑوں کے ساتھ ساتھ بچے اور خواتین بھی پریشان ہیں۔ شدید گرمی اور حبس میں کئی کئی گھنٹے بجلی نہ ہونے سے صارفین مشکلات کا شکار ہیں۔ شہریوں کاکہنا تھا کہ ساری رات جاگ کر گزارنی پڑتی ہے۔جبکہ خواتین کا کہنا تھا کہ بجلی نہ ہونے سے کھانے پینے کی اشیاخراب ہو جاتی ہیں شہریوں نے حکومت سے مطالبہ کیا کہ بجلی کے بحران سے جلدسے جلد نمٹاکر شہریوں کو ریلیف مہیاکیا جائے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار )ضلعی بیت المال کمیٹی ٹوبہ ٹیک سنگھ کااجلاس زیر صدارت عبدالشفیق میو ضلعی چیئرمین منعقد ہوا جس میں وائس چیئرمین عبدالرشید گجر ممبران فیض رسول ، عبداللطیف ، مقبول حسین ، محمد ساجد ، محمد اسلم چیمہ ، اعجازرفیق ، شبیر ڈار فوزیہ نوا ز، راحت النساء ، رشید جلال ،ممبران نے شرکت اجلاس میں فیصلہ کیا گیا ہے کہ تمام جملہ عہدیداران ممبران اپی تمام مذہبی ذمہ داریاں تندہی سے پوری کریں گے ایمان کے مطابق صحیح حقدار کو حق دیا جائے گا وائس چیئرمین ممبران کا عہد میں اقرارکیا گیا سکروٹنی کمیٹیوں جس میں سکروٹنی کمیٹی برائے جانچ پڑتال جہیز فنڈ مالی امداد کے لیے فیض رسول ،رشید جلال مقبول احمد ،ا عجا زرفیق ،ر احت النساء کومنتخب کیا گیا جبکہ سکروٹنی کمیٹی ویلفیئر این جی اوز ،کے لیے، اسلم چیمہ ، شبیر ڈار ، رشید جلا ل، محمد اسلم ، فوزیہ نواز کوفعال بنانے پر زور دیا گیا
فتح پور کی خبریں 8/8/2016
بھمبر کی خبریں 8/8/2016
