قصور (بیورورپورٹ) ون ویلنگ ودیگر جرائم کا خاتمہ “آگاہی سیمینار”آج 8اگست کو ٹی ایم اے ہال میں ہوگا ، تیاریاں مکمل،تفصیلات کے مطابق یونین آف جرنلسٹس ، پریس کلب قصور ،پاکستان میڈیا کونسل ، دیگرمخصوص قومی اخبارات ،و نجی نیوز چینل کے تحت ون ویلنگ و دیگر جرائم کی آگاہی کے سلسلہ میں”آگاہی سیمینار” آج بروز پیر بوقت 8;30بجے صبح تحصیل میونسپل ایڈمنسٹریشن کے ہال میں ہوگا ،جس میں ڈی سی او عمارہ خان، ڈی پی او سیدعلی ناصررضوی ،ایڈیشنل ڈسٹرکٹ کلکٹر محمدشاہد ، ایس پی انویسٹی گیشن ملک مشتاق احمدودیگر مہمان خصوصی ہونگے ،جبکہ معززین شہر ،وکلاء سیاسی ،سماجی اور مذہبی شخصیات شریک ہونگی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ) عمارا خان DCOقصور کی ہدایت،موٹروہیکل ایگزمینران ایکشن، درجنوں گاڑیاں تھانوں میں بند، بھاری جرمانے مس حناء رحمان سیکرٹری DRTAاور فرخ سہیل چوہدری موٹر وہیکل ایگزامینر ڈسٹرک قصورنے قانونی خلاف ورزی پر ٹرانسپورٹروں کے خلاف دو ماہ کے دوران کاروائی کرتے ہوئے لاکھوں روپے کے بھاری جرمانے اور سینکڑوں گاڑیاں بند کر دیں تفصیلات کے مطابق جون 2016ٰ ء میں100 کے قریب گاریاں بند کی گئیں جب کہ 98 گاڑیوں کو 4لاکھ40 ہزار سے زائد کے جرمانے ڈالے اور ماہ جولائی میں 3 لاکھ21 ہزار سے زائد جرمانے اور 74 گاڑیوں کو بند کر د یا گیا اور 40 گاڑیوں کو بھاری جرمانے ڈال کر چلان کر دئیے گئے عوامی شکایات کہ پیش نظر گزشتہ سیکریٹریDRTAمس حناء رحمان نے ٹرانسپورٹروں کہ خلاف کاروائی کرتے ہوئے لاکھوں روپے کہ جرمانے کر تے ہوئے سینکڑوں گاڑیوں کو بند کر دیا ۔عوامی سطح پر مس حنا ء رحمان اور فرخ سہیل چوہدری کو اس کارکردگی پر خوب پذیرائی ملی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ) کوٹ رادھا کشن پولیس نے ڈی پی او قصور کا حکم ہوا میں اڑا دیا ، 18 جولائی کو ترک پائپ فیکٹری کے مالکان نے چوری کا الزام لگا کر اپنے ڈرائیور لیاقت علی کو تشدد کا نشانہ بنا کر اس کے پاؤں کی ہڈی توڑ دی اس واقع کی اطلاع جب 15پر دی تو چوکی انچارج کفائت حسین نے شدید مضروب لیاقت علی کو لینے سے انکار کردیا رات کو جب فیکٹری مالک اور عملہ لیاقت کو کمرے میں بند کرکے چلا گیا تو ایک رحم دل سکیورٹی گارڈ نے اسے رہا کرکے بھگا دیا جب اس نے ڈی پی او قصور کو درخواست دی تو ڈی پی اوقصور نے ڈی ایس پی صدر کو فوری مضروب کا میڈیکل کروانے اور مقدمہ درج کرنے کا حکم دیا ڈی ایس پی صدر نے ایس ایچ او کو ٹ رادھا کشن راجا لیاقت کو فوری میڈیکل کروا کے مقدمہ درج کرنے کا حکم دیا تو چوکی انچارج نے فیکٹری مالکان سے ملی بھگت کرکے لیاقت کا میڈیکل کروانے اور مقدمہ درج کرنے کی بجائے لیاقت کے خلاف چوری کا جھوٹ مقدمہ درج کرکے میڈیکل کروانے سے انکار کردیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور (بیورورپورٹ) ناصرمغل بچے سے بدفعلی کرنے کے الزام میں بری ، تفتیش میں ناصر مغل بے گناہ ہے ، ایس ایچ او اشفاق کاظمی ،تفصیلات کے مطابق قصور پولیس چوکی کھارا نے عباس پہلوان کے قریبی دوست اور دست راست ڈی سی اوآفس میں تعینات ہیڈکلرک رجسٹریشن ناصرمغل کو گرفتارکرکے حوالات میں بندکردیا ہے ،واقع کی اطلاع ملتے ہی عباس پہلوان تھانہ اے ڈویثرن پہنچ گیا، جس پر ناصرمغل کے خلاف مقدمہ درج کرنے تفتیش شروع کردی گئی ہے ،تفتیش میں ناصر مغل بے گناہ ہے ، ایس ایچ او اشفاق کاظمی نے دونوں پارٹیوں کا موقف سن کر ناصر مغل کو بے گناہ قرار دیدیا ،واضح رہے کہ اس سے قبل ڈسٹرکٹ سپورٹس آفیسر اکبرمراد کوبھی نشہ کی حالت میں بچے سے زیادتی کرتے رنگے ہاتھوں گرفتار کیا گیا تھا ،شہریوں نے ڈی سی او قصور آفس میں سخت نگرانی اور ہرکمرہ میں سی سی ٹی وی کیمرے لگانے کامطالبہ کیا ہے،اور غلط الزام لگانے والوں کے خلاف بھی سخت کاروائی کامطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)ون ویلنگ جیسے خونی کھیل کو نہ روکنے والے پولیس افسران خود کو کسی رعایت کے مستحق نہ سمجھیں ایسے پولیس افسران کے خلاف سخت سے سخت محکمانہ کاروائی عمل میں لائی جائے گی ان خیالات کا اظہار ڈی پی اوقصور سید علی ناصررضوی نے گزشتہ روز اپنے آفس میں ون ویلنگ کی روک تھام کے سلسلہ میں منعقدہ میٹنگ سے خطاب کرتے ہوئے کیا اس موقع پر ڈی ایس پی سٹی عبدالقیوم گوندل ،ڈی ایس پی صدر مرزا عارف رشید ،ڈی ایس پی چونیاں عبدالقدوس بیگ ،ڈی ایس پی پتوکی علی اختر انصاری ،ڈی ایس پی ہیڈکوارٹر حسن دانیال بشیر ،ڈی ایس پی پٹرولنگ،ڈی ایس پی ٹریفک ،ضلع بھر کے ایس یچ اوز ،انچارج چوکی پٹرولنگ پوسٹ ،سرکل انچارج ٹریفک اور دیگر پولیس افسران بھی موجود تھے میٹنگ کے دوران ڈی پی اوقصور نے کہا کہ ون ویلنگ کرنے افرادکے خلاف سخت ترین کریک ڈاؤن کرتے ہوئے قانونی کاروائی عمل میں لاکر حوالات میں بند کیا جائے جبکہ کم عمر موٹرسائیکل سواروں کی موٹرسائیکلیں بند کر کے والدین کی ضمانت لیکر پھر کم عمر بچوں کوحوالے کیا جائے۔انہوں نے کہا ون ویلنگ کیلئے موٹرسائیکل تیار کرنے والے مکینک کے خلاف بھی قانونی کاروائی کی جائے گی انہوں نے کہا محافظ فورس کے ساتھ ساتھ ہر تھانہ سے موٹرسائیکل سکواڈ نکالیں جو مین شاہراہوں پر گشت کریں گے اس کے علاوہ ضلع بھر کے تما داخلی و خارجی راستوں پر زگ زیگ مضبوط ناکہ جات لگائے جائیں گے ناکہ جات کے علاوہ ون ویلنگ کی روک تھام کیلئے سپیشل ڈیوٹی پلان بھی تشکیل دیاجائے گا انہوں ٹریفک اور پٹرولنگ پولیس کو حکم دیا کہ آپ اپنے علاقہ حدود کے اندر ون ویلنگ کے نقصانات کے سلسلہ میں آگاہی واک کے ساتھ ساتھ تیز رفتار موٹرسائیکل سوار،ون ویلرز اور کم عمر موٹرسائیکل سواروں کے خلاف کریک ڈاؤن کریں انہوں نے کہا کہ ون ویلنگ خونی کھیل ہے اس لیے ضلع قصور میں کسی صورت بھی ون ویلنگ نہیں ہوگی اگرکسی روڈ پر ون ویلنگ کی شکایت ملی تو متعلقہ ایس ایچ او کے ساتھ ساتھ سرکل افسر کے خلاف بھی سخت سے سخت محکمانہ کاروائی عمل میں لائی جائے گی ۔ڈی پی اوقصور نے تمام ایس ایچ اوز کو ہدایت کی کہ ون ویلنگ کے تحت درج ہونے والے مقدمات کے چالان تین یوم کے اندر عدالت میں بھجوائیں تاکہ ون ویلنگ میں ملوث افراد کو سخت سے سخت سزا دلائی جا سکے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)موضع ہرچوکی سٹی چونیاں میں سفاک باپ نے نومولود بیٹی کو گلا دبہ کاقتل کردیا،پولیس نے واقع کی تفتیش شروع کردی،تفصیلات کے مطابق ہرچوکی بھٹہ کمال دین کے رہائشی شیر عالم کو شک تھا کہ اس کی بیوی نے کسی دوسرے شخص کے ساتھ تعلقات بنا رکھے ہیں،جس پر طیش میں آکر شیر عالم نے اپنی نومولود بیٹی کو گلہ دبا کر قتل کردیااور فرارہوگیا،پولیس نے مقدمہ درج کرکے واقع کی تفتیش شروع کردی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ)ٹریفک کے مختلف حادثات میں کم سن بچے سمیت دو افرادجاں بحق جبکہ ایک شدید زخمی ہوگیا،تفصیلات کے مطابق بھیڈیاں کلاں کے رہائشی محمد مدثر اور اسامہ موٹرسائیکل پر قصور سے واپس اپنے گاؤں جارہے تھے جب فیروز پور روڈ پر بنگلہ کمبوواں کے قریب پہنچے تو مخالف سمت سے آنے والے تیز رفتار ٹریکٹر ٹرالی کے ساتھ ٹکر کر موٹرسائیکل سے نیچے گر کر شدید زخمی ہوگئے انھیں طبی امداد کے لئے ہسپتال لے جایا جارہا تھا کہ زخموں کی تاب نہ لاتے ہوئے مدثر راستے میں ہی دم توڑ گیا،اسامہ کو ہسپتال میں طبی امداد فراہم کی جارہی ہے،علاوہ ازیں نظام پور ہ روڑ کے رہائشی غلام الرسول کا چار سالہ بیٹا گھر کے باہر سڑ ک پر کھیل رہاتھا کہ اچانک تیزرفتار گدھا ریڑھی کے نیچے آکر کچلے جانے کے نتیجے میں وہ موقع پر ہی جاں بحق ہوگیا،پولیس مصروف کارروائی ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ قصور(بیورورپورٹ) پولیس نے گزشتہ روز جرائم پیشہ افراد کے خلاف کریک ڈاؤن کرتے ہوئے11 جرائم پیشہ افراد کو حراست میں لیکر غیر قانونی اسلحہ اور منشیات برآمد کر کے قانون کی مختلف دفعات کے تحت مقدمات درج کرلیے ہیں۔تفصیلات کے مطابق پولیس نے ڈی پی اوقصور سید علی ناصر رضوی کی خصوصی ہدایا ت پرضلع بھر میں جرائم پیشہ افراد کے خلاف کریک ڈاؤن کیا ۔کریک ڈاؤن کے دوران11 جرائم پیشہ افرادصادق،وارث، ندیم ،فاروق،مراد عرف بالی،نیامت ،سرفراز،راشد رسول،طارق ریاض،نذیر یوسف اور نذیر رفیق کو گرفتار کر کے ملزمان کے قبضہ سے ایک کلو چرس،100لیٹر شراب ،2پسٹل اور بندوق برآمد کر کے مقدمات درج کرلیے ہیں۔
حضرت پیر خواجہ گل محمد جان نقشبندی کا 38واں سالانہ عرس مبارک
دریائے چناب کے ملحقہ علاقوں کیلئے انتظامیہ کی جانب سے فلڈ الرٹ جاری کر دیا گیا
