وزیرآباد (نامہ نگار) بجلی چوروں کے خلاف جاری گرینڈ آپریشن کے دوران گیپکو نے مزید 30 بجلی چور رنگے ہاتھوں پکڑ لئے، 5کے خلاف ایف آئی آر درج، مختلف حربوں سے بجلی چوری کرتے ہوئے پکڑے جانے والوں کو 143227 یونٹس کی مد میں 21 لاکھ 61 ہزار سے زائد کے ڈیٹکشن بل جاری۔ چیف ایگزیکٹو چوہدری محمد اکرم کی ہدایات کے مطابق گیپکو میں جاری بجلی چوروں کے خلاف حالیہ آپریشن کے دوران مختلف علاقوں سے مزید30بجلی چور پکڑے گئے ہیںجنہیں گیپکو کی طرف سے143227 یونٹس کی مد میں 21 لاکھ 61 ہزار سے زائد کے ڈیٹکشن بِل جاری کر دیئے گئے ہیں جبکہ تمام بجلی چوروں کے خلاف ایف آئی آر درج کروانے کیلئے متعلقہ تھانوں میں درخواستیں بھی دے دی گئی ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد (نامہ نگار) نواحی علاقہ بھٹی کے میں مسلسل تیز بارش کی وجہ سے محنت کش کے گھر کی چھت گر گئی ،جس کے نتیجہ میں خاتون ہلاک جبکہ چار افراد شدید زخمی ہو گئے ۔اہل علاقہ نے اپنی مدد آپ کے تحت ملبہ کے نیچے سے نعش اور زخمیوں کو نکال لیا۔تھانہ صدر کے نواحی علاقہ( بھٹی کے) کارہائشی محنت کش محمد اشرف اپنے اہل خانہ کے ساتھ گھر میں سویا ہوا تھا کہ سحری کے وقت مسلسل چار گھنٹے سے جاری بارش کی وجہ سے گھر کی چھت یکدم زمین بوس ہوگئی جس کے نیچے دب کر محمد اشرف کی بیوی شہناز بی بی موقع پر ہی جاں بحق ہو گئی جبکہ اس کی بیٹی نائیلہ ،4سالہ نواسہ اذان اور محمد اشرف خود شدید زخمی ہو گئے جنہیں سول ہسپتا ل منتقل کر دیا گیا۔چھت گرنے کی آواز سن کر ارد گرد کے رہائشی موقع پر پہنچے اور ملبے کے نیچے سے دبے ہوئے افراد کو نکالنا شروع کر دیا ۔ایک گھنٹہ اپنی مدد آپ کے تحت امدادی کاروائیاںجا رہی اور ملبے تلے دبے افراد کو نکال لیا گیا ۔دوسری جانب جناح کالونی کے رہائشی محنت کش محمد بوٹا کے مکان کی چھت بھی گرگئی جس کے نتیجہ میں قیمتی سامان تباہ ہوگیا تاہم خوش قسمتی سے تمام افراد محفوظ رہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار)ملک کے دیگر شہروں کی طرح وزیرآباد میں بھی بچوں کے اغواء کی افواہوںکا بازار گرم، گلی محلوں میں تذکرے جاری۔ گزشتہ روزبھی کہیں دو کہیں چار تو کہیں بچوں سے بھرے رکشہ کو اغوا کرنے کی من گھڑت کہانیاںگردش کرتی رہیں۔ ایک کے بعد دوسرے علاقہ سے بچوں کے اغوا ء کی بے بنیاد خبروں نے شہریوں کا سکون تباہ کئے رکھا۔ وزیرآباد شہراور قریبی دیہاتوں میں گزشتہ تین چار روز سے بچوں کے اغواء ہونے کی افواہیں زبان زد عام ہیں ۔دیہی علاقوں کی مساجد میں انتظامیہ کی جانب سے اعلانات بھی کروائے گئے ہیں کہ بچوں کے اغواء کی وارداتوںکے پیش نظر والدین اپنے بچوں کی حفاظت خود کریں ۔ ان اعلانات کے بعد بچوں کے والدین بالخصوص مائوں کی نیندیں حرام ہوچکی ہیں۔ عزیز واقارب ایک دوسرے کو فون کرکے خیریت دریافت کرتے رہتے ہیں ۔گزشتہ روز بھی ٹھٹھی آرائیاں، سوہدرہ، جلالپورہ، سکندر پورہ ، بھروکی چیمہ اور ویروکی جیسے علاقوں سے بچوں کے اغواء کی بے بنیاد خبریں شہری حلقوں میں زیر بحث رہیں۔ پولیس حکام یا انتظامیہ ان افواہوں کا سدباب کرنے کی بجائے تماشائی بنے ہوئے ہیں ۔ مساجد میں اعلانات اور گھروں میں پمفلٹس کی تقسیم کے ذریعے مزید خوف وہراس پھیلایا جارہا ہے۔والدین انتظامی سرپرستی میں جاری افواہوں کے بعد اپنے بچوں کو گھروں میں قید رکھنے پر مجبور ہوگئے ہیں تو دوسری طرف سڑکوں پر پولیس اہلکار نوجوانوں کو مختلف قوانین کی آڑ میں تھانوں میں بند کرنے کی دھمکیاں دے کر جینا حرام کررہے ہیں۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ وزیرآباد(نامہ نگار)پولیس اہلکار وں کی من مانیاں،جشن آزادی کے قریب آتے ہی مختلف حیلوں بہانوں موٹر سائیکل سواروں کوتنگ کیا جانے لگا۔پولیس کا ادارہ یوں تو شہریوں کے جان ومال کے تحفظ کیلئے ہوتا ہے مگر ہمارے ہاں الٹی گنگا بہتی ہے جشن آزادی کے قریب آتے ہی مختلف قوانین کی آڑ میں شریف شہریوں کو تنگ کیا جارہا ہے ۔ حکومت پنجاب کی طرف سے ون ویلنگ جیسے خطرناک اقدامات کی روک تھام کیلئے موٹر سائیکلوں کی ویلنگ کی غرض سے ہیئت میں ردو بدل کرنے والوں اور کروانے والوں کیخلاف کاروائی کا فیصلہ کیا گیا ہے۔ پولیس وزیرآباد نے اس قانون کا فائدہ اٹھاتے ہوئے شریف شہریوں کو تنگ کرنا شروع کردیا ہے۔ پولیس اہلکارسیکیورٹی کے امور پر توجہ دینے کی بجائے موٹر سائیکلوں کی پکڑ دھکڑ اور رہائی کے بدلے مبینہ طور پرجیبیں گرم کرنے میں مصروف ہیں ۔ دوسری جانب شہر میں اور جی ٹی روڈ پر ویلنگ اور خطرناک کرتب دکھانے والوں تک اہلکار رسائی نہیں رکھتے یا معاملات کو دیکھ کر کبوتر کی طرح آنکھیں بند کرلیتے ہیں حد تو یہ ہے کہ آج تک پتنگ بازی کا سلسلہ نہیں رکوایا جاسکا نہ ہی چوری ، ڈکیتی کی وارداتوں پر کنٹرول پایا جاسکا ہے۔عوامی، سماجی حلقوں نے اعلیٰ پولیس حکام اور وزیراعلیٰ پنجاب سے اہلکاروں کی من مانیوں اور اختیارات کے غلط استعمال کا نوٹس لینے کا مطالبہ کیا ہے۔
مسائل کے حل کیلئے حکمرانوں کا ملک وقوم سے مخلص ہونا ضروری ہے، مفتی محمد نعیم
بی بی پاکدامن کے علاقہ سے نوجوان پرسرار طور پر لاپتہ
