اسلام آباد (جیوڈیسک) وفاقی دارالحکومت کے کنونشن سنٹر میں پرچم کشائی کی مرکزی تقریب کا اہتمام کیا گیا ، صدر مملکت ممنون حسین ، وزیر اعظم میاں محمد نواز شریف ، مسلح افواج کے سربراہان اور اراکین پارلیمنٹ کے علاوہ وفاقی کابینہ کے اراکین نے بھی شرکت کی ۔ صدر ممنون حسین نے تقریب سے خطاب کے دوران کہا کہ آج کے دن ہم سب کو اس دعا میں شریک ہونا ہوگا کہ ہمارا قومی پرچم اسی شان و شوکت سے سربلند رہے۔
انہوں نے کہا کہ گزشتہ دنوں کوئٹہ میں ہونے والے سانحے نے ہمیں غمزدہ کردیا ، پوری قوم کے دل غم سے چھلنی ہیں ، غمزدہ خاندان کے افراد مایوس نہ ہوں ، ہم ان کے اہلخانہ کے لہو کا حساب لیں گے ۔ انہوں نے کہا کہ ضرب عضب کامیابی کی جانب گامزن ہے۔
قانون نافذ کرنے والے اداروں نے دہشتگردوں کا قلع قمع کر دیا ۔ میں یقین دلاتا ہوں کہ سانحہ کوئٹہ میں شہید ہونے والوں کا خون رائیگاں نہیں جائے گا ۔ میں قوم سے امید کرتا ہوں کہ وہ اس ملک کی ترقی میں اپنا بھرپور کردار ادا کرے گی۔
آزادی کے جشن کے موقعہ پر وطن کے لاکھوں شہیدوں کو سلام پیش کرتے ہیں
قوم کو آزادی مبارک پیش کرتے ہیں، محمد گلزار چوہدری
