دونوں مقدمات میں اسد کھرل کی ضمانت منظور، جیل سے رہا کر دیا گیا

Posted on August 18, 2016 By Majid Khan دوسرے شہروں سے, مقامی خبریں

Asad Kharal

سکھر (جیوڈیسک) سابق وزیر داخلہ سندھ سہیل انور سیال کے بھائی کے مبینہ فرنٹ مین اسد کھرل کو سکھر پولیس نے 22 جولائی کو فراش موڑ سے گرفتار کر کے کار سرکار میں مداخلت اور ٹی ٹی پستول رکھنے کے مقدمات درج کرنے کے بعد عدالت میں پیش کیا تھا۔

عدالت نے اسد کھرل کو جوڈیشل ریمانڈ پر جیل بھیج دیا تھا۔

چند روز قبل پولیس نے دونوں مقدمات کا حتمی چالان عدالت میں پیش کیا۔

آج عدالت نے دونوں مقدمات میں پچاس پچاس ہزار کی ضمانت منظور کرتے ہوئے ملزم کو آزاد کرنے کے احکامات جاری کئے ہیں جس کے بعد اسد کھرل کو سینٹرل جیل سے آزاد کر دیا گیا ہے۔

ذرائع کے مطابق اسد کھرل رہائی کے بعد کراچی روانہ ہو گیا ہے۔