تلہ گنگ (عامر نواز اعوان) تلہ گنگ کے سینئر صحافی چودھری غلام ربانی اسلام آباد سے تلہ گنگ آتے ہوئے موٹروے پر چکری کے قریب اپنے ساتھی سمیت ٹریفک حادثہ میں زخمی ہو گئے ۔چودھری غلام ربانی اپنے بیٹے حارث ربانی ،ساتھیوں عبدالوحید چشتی اور عبدالرزاق خان کے ہمراہ جنرل ضیاء الحق شہید کی برسی میں شرکت کے بعد واپس تلہ گنگ آرہے تھے کہ چکری کے قریب ایک ٹرک بغیر اشارہ لگائے ان کی لائن آگے آگیا جس کے نتیجے میں کار ٹرک کے نیچے جا گھسی ۔اور چودھری غلام ربانی ،عبدالرزاق اور عبدالوحید چشتی زخمی ہو گئے ۔جنہیں فوری طور پر ڈی ایچ کیو چکوال پہنچایا گیا ۔جہاں ابتدائی طبی امداد کے بعدعبدالرزاق اور عبدالوحید چشتی کو مرہم پٹی کے بعد فارغ کر دیا گیا جبکہ چودھری غلام ربانی کو ڈی ایچ کیو راولپنڈی ریفر کیا گیا ۔جہاں اُن کا سی ٹی سکین و دیگر ٹیسٹ کئے گئے ۔ڈاکٹر ز کے مطابق چودھری غلام ربانی کی تمام رپورٹ کلیئر آئی ہیں اُنہیں جمعرات دن کو ڈسچارج کر دیا گیا ۔چودھری غلام ربانی نے دعائوں میں یاد رکھنے پر تمام عزیز اقارب اور دوست احباب کا شکریہ ادا کیا ہے۔حادثہ کی اطلاع ملتے ہی ڈائریکٹر ہیلتھ سروسز راولپنڈی ڈویژن ڈاکٹر احسن نوید ،سرجن سید اقرار شاہ ،صحافی ملک شفیق اعوان ،یونس اعوان ،قاضی عبدالقادر ،ملک ریاض موگلہ ایڈووکیٹ سمیت سینکڑوں دوست احباب اور عزیز اقارب ہسپتال پہنچ گئے ۔جبکہ صوبائی مشیر ملک سلیم اقبال ،ممبر صوبائی اسمبلی سردار ذوالفقار دلہہ،رہنماء ق لیگ حافظ عمار یاسر،سابق ایم پی اے سید تقلید رضا شاہ ،سابق ایم پی اے کرنل(ر) سلطان سرخرواعوان ،ڈاکٹرز ،وکلاء ،صحافیوں ،تاجران کی بڑی تعداد نے فون پر چودھری غلام ربانی کی عیادت کی اور اُن کی صحت یابی کیلئے دعا کی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تلہ گنگ (عامر نوا ز اعوان) تھانہ ٹمن کے علاقہ سنگوالہ میں چھ بچوں کی ماں نے گھریلو حالات سے دلبرداشتہ ہو کر زہریلی گولیاں کھا کر خود کشی کر لی ۔مسماة غلام فاطمہ زوجہ محمد نواز ساکن سنگوالہ نے گزشتہ روز گھریلو پریشانیوں سے دلبرداشتہ ہو کر گندم میں رکھے جانے والی زہریلی گولیاں کھا کر خود کشی کر لی۔متوفیہ چھ بچوں کی ماں تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ تلہ گنگ (عامر نواز اعوان) تلہ گنگ محکمہ سوئی گیس میں کرپشن عروج پر ،اہلکار دونوں ہاتھوں سے عوام کو لوٹنے لگے، عوام پریشان گیس کنکشن کا حصول مشکل شہری رشوت دینے پر مجبور ، تفصیلات کے مطابق تلہ گنگ محکمہ سوئی گیس میں کرپشن عروج پر ہے اور محکمہ سوئی گیس تلہ گنگ کے اہلکار عوام کو دونوں ہاتھوں سے لوٹنے میں مصروف ہیں جبکہ گیس میٹر اور سروے کے لیے بھی اہلکاروں نے سروے کرنے کیا ایک ہزار سے پندرہ سو اور میٹر لگانے کے دس سے پندرہ ہزار ریٹ مقرر کر رکھے ہیں جس کی وجہ سے نمبر آجانے کے باوجود بھی شہریوں کے لیے سوئی گیس کنکشن کا حصول مشکل ہو گیا ہے اور عوام مجبورا ان کرپٹ اہلکاروں کو رشوت دینے پر مجبور ہیں جبکہ من پسند اپنوں کو نوازنے کا بھی سلسلہ جاری ہے۔ عوام کا کہنا ہے کہ سوئی گیس دورِ حاضر میں زندگی کی اہم ضروت بن گئی ہے مگر دیگر محکموں کی طرع محکمہ سوئی گیس تلہ گنگ میں بھی کرپشن اور کرپٹ لوگوں کا راج ہے اس لیے تلہ گنگ میں غریب آدمی کے لیے گیس کنکشن کا حصول ناممکن ہوتا جا رہا ہے۔
TMA کے زیر سرپرستی وارئٹی شو کی تصویری جھلکیاں
گجر نالے کے متاثرین کو انصاف فراہم کیا جائے، نعیم کھوکھر
