پیرمحل (نامہ نگار) ملکی قوانین سے بالاتر سمجھنے والے آمروں نے قائد اعظم کے پاکستان کو انتشار و افتراق کے سوا کچھ نہیں دیا۔ یہی وجہ ہے کہ آج ہماری قوم کو بدترین دہشت گردی’ بدعنوانی اور دیگر بحرانوں کا سامنا ہے ملک کی 70 سالہ تاریخ میں پے درپے فوجی مداخلتوں نے نہ تو پاکستانی قوم کی سیاسی تربیت کو صحیح خطوط پر استوار ہونے دیا اور نہ ہی جمہوری اقدار اور روایات کو اس انداز میں پنپنے دیا جو بابائے قوم کا خواب تھا ان خیالات کا اظہارچوہدری عبدالرزاق بگا راہنما پاکستان مسلم لیگ(ن) اجلاس سے خطاب کرتے ہوئے کیا ۔انہوں نے کہا ن لیگ اقتدار کی نہیں بلکہ اقدار کی سیاست کرتی ہے اور اس کے لئے کچھ بھی کرنے کے لئے تیار ہے بابائے قوم نے حصول پاکستان کی جنگ آئین اور قانون کے ہتھیاروں سے جیتی تھی اور اگر ہم نے بھی ملک میں آئین کی حکمرانی اور قانون کی بالادستی کو یقینی بنایا ہوتا تو کسی طالع آزما کو بندوق کے زور پر آئین پاکستان کی بے حرمتی کی جرات نہ ہوتی۔ انہوں نے کہا کہ پاکستان کی تاریخ میں بدقسمتی سے ہمارے دامن میں کامیابیاں کم اور ناکامیاں زیادہ ہیں لیکن آج قائد عوام میاں نوازشریف اور میاں شہبازشریف کی طرف سے ملکی بھاگ دوڑ سنبھالنے پر پاکستان کے عوام مطمئین ہے کیونکہ ملک میں جاری بحرانوں کے خاتمہ سمیت عام آدمی کو ریلیف ملنے کی توقع ہے پچھلے ادوار میں پاکستان میں عام آدمی کا استحصال جاری رہاقومی وسائل پر ایک مخصوص طبقہ قابض ہوکر 193 ارب روپے کے قرض شیرمادر سمجھ کر ہڑپ کر گیااگر یہ قرضے سیاسی بنیادوں پر ہڑپ نہ کئے جاتے تو ہمیں اس طرح اغیار کے سامنے کشکول لئے نہ پھرنا پڑتا۔انہوں نے کہا کہ 1971ء سے معاف کیے گئے قرضے جرمانے کے ساتھ وصول کئے جائیں تو چار’ پانچ سو ارب روپے کے ان قرضوں کی واپسی سے قوم کی تقدیر بدل جائے گی اور غربت کا خاتمہ ہو گا اربوں روپے کے قرضے معاف کرانے والوں کے پاس آج بھی محلات ‘ کارخانے اور لگژری کاریں بھی موجود ہیں اور وہ اپنے آپ کو ممتاز اور اشرافیہ کا حصہ کہلاتے ہیں پاکستانی عوام کو یہ عہد کرنا چاہیے کہ وہ قوم اور وطن کے ان لٹیروں سے انہیں بچنا ہے دوبارہ ان کے پرفریب دوام میں پھنسنے کی بجائے ملکی سلامتی کی قیادت کا ساتھ دینا ہوگا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) دن دیہاڑے نامعلوم موٹرسائیکل سوار وں نے دن دیہاڑے اللہ چوک سے نوجوان سے نقدی او رموبائل ٹیپ چھین لیا تفصیل کے مطابق محمد عبداللہ ولد غلام محی الدین حافظ جی موبائل صدربازار پیرمحل پر کام کرتاہے علی الصبح دوکس نامعلوم موٹرسائیکل سواروںنے عبداللہ کو روک کر ڈاکٹر خالد کے کلینک کا پوچھنے کے بہانے یرغمال بناکر جیب سے نقدی1500روپے کیوٹیب V3مالیت ساڑھے 14ہزار روپے ایمی نمبر356499070120468اور سم نمبر0307-0579710چھین لیا اور چھینے گئے ٹیب اور نقدی سمیت فرارہوگئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) تخریب کاری یا انتظامیہ کے خلاف سازش ،، سول ہسپتال پیرمحل کے جنریٹرکی بیٹری چوری،، ایمبولینس کے سلف سوئچ میں ایلفی ڈال کر فرار تفصیل کے مطابق نامعلوم چوروںنے سول ہسپتال پیرمحل کے جنریٹر کی بیٹری مالیت دس ہزار روپے چوری کرلی جبکہ سول ہسپتال پیرمحل کی سرکاری ایمبولینس کے سلف سوئچ میں ایلفی ڈال کر ناکارہ بنادیا تاکہ کسی ایمرجنسی کی صورت میں ایمبولینس سٹار ٹ نہ ہو اور ایس ایم او اور ہسپتال کے عملہ کے خلاف عوامی نفرت کی صورتحال پیدا ہو،، خیال کیا جارہاہے کہ ہسپتال کے کسی شرپسند نے ہسپتال عملہ کے خلاف عوامی احتجاج پیدا کرنے کی کوشش کی ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) تین کس نامعلوم نوسربازوں نے محنت کش کو نقدی اور موبائل فون سے محروم کردیا تفصیل کے مطابق چک333گ ب محمدانور ولد غلام محمد قوم سرویا چاپنے بھائی محمد خان جوکہ سعودی عرب میں مقیم ہے کی طرف سے یوبی ایل بنک پیرمحل میں بھیجی رقم مبلغ 70ہزار روپے نکلواکر یونہی بنک سے نکلا دوکس نامعلوم نوسربازوں نے گھیرکر کوئی نشہ آور چیز سونگھا کر نیم بے ہوش کرکے اقبال پارک روڈ نزدگرلز ہائرسیکنڈری سکول پیرمحل کے قریب لے گئے جہاں پرنوسربازوں کا ایک ساتھی موجو دتھا نے محنت کش سے نقدی 70ہزار روپے موبائل فون سام سنگ مالیت دس ہزار روپے ، شناختی کارڈ چھین لیا اور چھینے گئے سامان نقدی سمیت فرارہوگئے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) حکومت پنجاب کی غفلت،، پنکھے استریاں اور الیکٹرانکس سامان بنانے والی فیکٹریوں کو موٹرسائیکل بنانے کی اجازت دینا اوربغیر رجسٹریشن کے ان موٹرسائیکلوں کی فروخت کی اجازت دینا شہریوں کو موت کے منہ میں دھکیلنے کے مترادف ہے 35ہزار روپے قیمت والا موٹرسائیکل قسطوں کی آڑ میں 60ہزار روپے کے عوض فروخت کرکے منافع خوری کی انتہا اور چھوٹے چھوٹے بچے موٹرسائیکل رکشہ چلاتے ہوئے سرعام شہریوں کے چلتی پھرتی موت ثابت ہورہے ہیں جو قانون کی خلاف ورزی ہی نہیں قانون نافذ کرنے والے اداروں کی نااہلی کاواضح ثبوت ہے پنجاب حکومت فی الفور موٹرسائیکل کمپنیوں کے لیے ضابطہ اخلاق جاری کرے ان خیالات کا اظہارچوہدری طارق بھٹہ والے نے پریس کانفرنس میں کیا انہوںنے کہا کہ پوری دنیا میں گاڑیاں بنانے اور فروخت کرنے او ران کے معیار کاقانون موجود ہے مگر پنجاب حکومت نے چائنا موٹرسائیکل کے برانڈ کی شکل میں پنکھے استریاں الیکٹرانکس سامان بنانے والی فیکٹریوں کو موٹرسائیکل بنانے کی اجازت دے رکھی ہیں جوبغیر رجسٹریشن کے ان موٹرسائیکلوں کو عام دکانداروں کو فروخت کرتے ہوئے 35ہزار روپے قیمت والا موٹرسائیکل قسطوں کی آڑ میں 60ہزار روپے کے عوض بغیر کاغذات کے فروخت کرکے ان موٹرسائیکلوں کو وارداتوں میں اور موٹرسائیکل رکشہ جات میں استعمال کرکے نہ صرف منافع خوری کی انتہا کررہے ہیں بلکہ ٹیکس چوری کرکے ملک وقوم کا نقصان کرتے ہوئے اوران موٹرسائیکل رکشہ جات کو چھوٹے چھوٹے بچوں کے حوالے سرعام شہریوں کے چلتی پھرتی موت ثابت ہورہے ہیں انہوںنے پنجاب حکومت سے غیر قانونی غیر رجسٹرڈ شدہ برانڈ بنانے والی کمپنیوں کے خلاف کریک ڈائون کرنے کا مطالبہ کرتے ہوئے بغیر رجسٹریشن نمبر کے موٹرسائیکل فروخت کرنے پر پابندی عائد کرنے کا مطالبہ کیا اور 18سال سے کم افراد پر موٹرسائیکل بحق سرکار ضبط کرنے کا قانون لاگو کرنے سمیت غیر معیاری اور زائد قیمت پر موٹرسائیکل فروخت کرنے والوں کے خلاف کاروائی کا مطالبہ بھی کیا ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) پیرمحل شہر اور گردونواح میں ریسٹورنٹ اور میرج ہالوں کی بھرمار سیلز ٹیکس کی عدم ادائیگی پر ڈائریکٹر پنجاب ریونیو اتھارٹی خاموش تفصیل کے مطابق پیرمحل شہر اور گردونواح میں درجنوں ریسٹورنٹ اور میرج ہال موجود ہے جس پر روزانہ کی بنیاد پر شادی ویاہ اور دیگر تقریبا ت کے فنکشن ہورہے ہیں مگر ا ن میرج ہال کے مالکان جنرل سیلز ٹیکس سمیت دیگر واجبات اداکرنے کی بجائے سرعام ٹیکس چوری کے مرتکب ہورہے ہیں محکمہ ایکسائزاور ریونیو اتھارٹی کے علم میں ہونے کے باوجود ان میرج ہال کے خلاف کوئی کاروائی نہ کی گئی بلکہ یہ کاروائی ضلعی ہیڈکوآرٹر تک محدود ہے جس سے پیرمحل شہر اور گردونواح کے میرج ہال اور ریسٹورنٹ مال کھلے عام لاکھوں روپے ٹیکس چوری کی آڑ میں حکومتی خزانے کو نقصان پہنچارہے ہیں سماجی حلقوںنے ڈائریکٹر پنجاب ریونیو اتھارٹی سے تحصیل پیرمحل میں کاروائی کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل (نامہ نگار) امپرومنٹ روڈ چک نمبر321گ ب ،322گ ب تاشورکوٹ کینٹ کی 10کروڑ روپے سے تعمیر میں بلاوجہ تاخیر ناقص میٹریل کا استعمال مکینوں کا احتجاج مجاز اتھارٹی بلاوجہ تاخیر اور ناقص اور غیر معیاری میٹریل کے استعمال کا نوٹس لے رفاقت گجر سماجی حلقوں کا مطالبہ تفصیل کے مطابق وفاقی گرانٹ سے امپرومنٹ روڈ چک نمبر321گ ب ،322گ ب تاشورکوٹ کینٹ کی 10کروڑ روپے سے تعمیر کی جارہی ہے سڑک کی تعمیر مجوزہ قواعد کے برعکس بغیر کسی چیکنگ کے کی جارہی ہے جس میں ناقص اور غیر معیاری میٹریل استعمال کیاجارہا ہے علاقہ سیم زدہ ہونے کے باعث جلد ہی سڑک کے بیٹھ جانے کا خطرہ ہے جس کی ٹھیکیدار نے پلاننگ نہ کی جس سے دس کروڑ روپے کی خطیر رقم کے ضائع ہونے کا خدشہ ہے جبکہ ٹھیکیدار نے مبینہ طورپر ضلعی انتظامیہ سے سازباز ہوکر تمام رقم ماہ جون میں جاری کروارکھی ہیں جبکہ سڑک کی تعمیر تاحال جاری ہے جس میں بلاوجہ تاخیر سے مکین سخت مشکلا ت کاشکار ہے رفاقت گجر سمیت سماجی حلقوںنے ڈی سی اوٹوبہ ٹیک سنگھ سے مطالبہ کیا ہے کہ سڑک کی تعمیر میں ناقص میٹریل کے استعمال کو رکواتے ہوئے فی الفور سیم زدہ علاقہ کو ملحوظ رکھتے ہوئے سڑک کی تعمیر کروائی جائے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) ڈسٹرکٹ ریجنل ٹرانسپورٹ اتھارٹی ٹوبہ ٹیک سنگھ کے دعوے ہوا میں ،، لاری اڈا پیرمحل میں سایہ نہ پانی ، سرکاری جنرل بس اسٹینڈ سے پرائیوٹ ناجائز اڈافیس وصولی، گاڑیوں میں کرایہ نامہ آویزاں نہ ہونے کے باعث ٹرانسپورٹر زکی من مانیاں جاری 18سواریوں کے لیے مخصوص کوچز میں پھٹہ لگاکر 26سواریوں کو بھیڑبکریوں کی طرح سوار کرکے اوولوڈنگ معمول بن گئی فی الفور لاری اڈا پیرمحل میں پرائیویٹ ناجائز اڈافیس وصولی بند کروائی جائے سماجی حلقے تفصیل کے مطابق سیکرٹری ڈی آرٹی اے عروج فاطمہ نے اپنے ماتحت عملہ کو حکم شاہی کے ذریعے ضلع بھر کے بس سٹینڈز پرمسافروں کے لئے سا یہ دار جگہ اورپینے کے پانی کے مناسب انتظام کے ساتھ ساتھ ڈرائیورحضرات ودیگر عملہ کے لئے ریسٹ روم بنانے اور پرائیویٹ ٹرانسپورٹر کو خبردار کیا ہے کہ بس سٹینڈ ز پر کسی اہلکار کو ناجائزاڈافیس وصول کرنے کی ہرگز اجازت نہیں دی جائے گی جبکہ بس سٹینڈ زاورگاڑیوں میں کرایہ نامہ آویزاں بھی کروائے جائیں تاکہ مسافروں سے زائد کرایہ وصول کرنے والوں کا سدباب کیا جاسکے۔اور اگر کوئی اہلکارناجائز فیس وصول کرتا پایا گیا تو اس کے خلاف سخت ایکشن لیاجائے گا کے برعکس پیرمحل لاری اڈا کے باہر ٹرانسپورٹر ز نے اپنے پرائیویٹ اڈے بناکر غیر قانونی طورپر پانچ سوروپے سے ساڑھے تین سوروپے تک فی گاڑی اڈا فیس وصول کی جارہی ہیںجبکہ لاری اڈا کے اندر 24کے قریب بیس منٹ غیر متعلقہ افراد کا الاٹ کررکھے ہیں جن کا ٹرانسپورٹ کے ساتھ دور کا واسطہ بھی نہیں جنہوںنے اپنے اپنے منیجر اور پرائیویٹ افرا دکے ذریعے فیس وصولی کادھند ہ شروع کررکھاہے دیہات کو جانے والے بسیں اور ویگنیں جو چلتی پھرتی موت ہے کو ضلعی انتظامیہ نے کبھی چیک کرنا گوارانہ کیا جب بھی ڈی سی او ٹوبہ ٹیک سنگھ کی طرف سے کوئی حکم جاری ہوتا ہے آرٹی سیکرٹری اور اس کا ماتحت عملہ موٹروہیکل ایگزمینر اپنی کاروائی ٹوبہ ٹیک سنگھ تک محدود کرکے سب اچھا کی رپورٹ پیش کی جاتی ہے جبکہ پیرمحل سمیت ضلع بھر میں آرٹی سیکرٹری اور اس کے ماتحت عملہ نے اپنے دفتروں سے نکل کر آنا کبھی گوارانہ کیا سماجی فلاحی حلقوںنے ڈی سی اوٹوبہ ٹیک سنگھ پیرمحل لاری اڈا کے باہر غیر قانونی ٹرانسپورٹ اڈے بند کرکے انہیں لاری اڈا پیرمحل کے اندر بیس منٹ الاٹ کرنے اور غیر قانونی اڈا فیس کی وصول روکنے کا مطالبہ کرتے ہوئے بغیر روٹ پرمٹ،سی این جی،اوور لوڈڈ،نان فیٹنس گاڑیوں کے خلاف چھوٹے روٹ پیرمحل شورکوٹ روڈ کمالیہ روڈ بھسی روڈ ، دیگر روٹس پر بھی چیکنگ کا مطالبہ کیا ہے ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار ) سڑک کے مختلف حادثات میں مرد خواتین سمیت 22افراد شدید زخمی لڑائی کے مختلف واقعات میں پانچ افراد شدید زخمی تفصیل کے مطابق سڑک کے مختلف حادثات میں مرد خواتین سمیت 22افراد جن میں محمد ساجد ولد محمد صادق ،محمد طاہر ولد محمد شفیق ، آصف علی ولد ظفر علی ،علی ولد مراد ، علی اکبر ولد محمد لطیف ، علی ولد سلطان ساکنان پیرمحل ، محمد فرحان ولد محمد اقبال ، شان علی ولد محمد اقبال ساکنان چک751گ ب ،نسرین زوجہ شوکت علی چک669/10گ ب ، کنیز زوجہ رمضان ،ممتاز زوجہ مقبول ، ساکنان 25پل اورنگ زیب ولد الطاف ساکن 743گ ب ،صدیق ولد قیوم چک288گ ب ، زوہیب ولد عبدالغفور چک675/16رضوان ولد محمد اسحق چک333گ ب ،محمد بلال ولد محرم علی چک320گ ب ، فیصل بلال ولد شہادت حسین سندھلیانوالی ، عبدالعلیم ولد محمد اشرف چک 15شدیدزخمی ہوگئے لڑائی کے مختلف واقعا ت میں خواتین سمیت پانچ افراد جن میں طارق ولد نصیر سی پلاٹ ،شہزاد افضل ولد محمد افضل چک320گ ب ، آمنہ زوجہ ممتاز شاہ چک741گ ب ،پروین زوجہ زوارحسین چک741گ ب عبدالستار ولد اللہ دتہ چک 737گ ب زخمی ہوگئے زخمیوں کو سول ہسپتال پیرمحل میں طبی امدا د دی گئی ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ پیرمحل ( نامہ نگار )محکمہ تعلیم پنجاب کی طرف سے سرکاری سکولوں میں آرٹس اساتذہ کی بھرتی میں تاخیر اور عمر کی حد میں کسی قسم کی رعایت نہ دینے پر سالہا سال سے تقرری کے منتظر اساتذہ میں بے چینی حکومت پنجاب فی الفور آرٹس اساتذہ کی بھرتی کا شیڈول جاری کرکے عمرکی حد 43سال کرے پنجاب ٹیچر یونین کے ضلعی نائب صد ر محمد انجم کا مطالبہ تفصیل کے مطابق پنجاب بھر کے سرکاری سکولوں میں اسلامیات مطالعہ پاکستان اردولازمی مضامین سمیت آرٹس مضامین اور فزیکل ایجوکیشن کی خالی آسامیوں کو سائنس مضامین کی ہزاروں آسامیاں خالی جس کو سائنس مضامین میں تبدیل کرکے پنجاب حکومت نے متعدد مرتبہ سائنس ایجوکیٹروں کوبھرتی کرلیا جوکہ محکمہ تعلیم پنجاب کی طرف سے سرکاری سکولوں سے آرٹس اساتذہ کی مرحلہ وار سیٹیں ختم کرنے کے اقدام کی طرف پیش رفت ہے جبکہ سالہا سال سے تقرری کے منتظر اساتذہ جو اپنی عمر پرائیویٹ سیکٹر میں پڑھاتے ہوئے 43 سال کی حد کو پہنچ چکے ہیں پنجاب حکومت کے پالیسی سازوں کی پالیسی کی بدولت عرصہ دراز سے نوکریوں سے محروم چلے آرہے ہیں موجودہ ریکروٹمنٹ پالیسی میں عمر کی حد 35سال رکھی گئی ہے حالانکہ پنجاب حکومت کے پالیسی ساز وں کے علم میں بھی ہے کہ عر صہ دراز سے ایجوکیٹروں کی بھرتی نہ کی گئی جس پر تقرری کے منتظر اساتذہ کی عمر پنجاب حکومت کی پالیسی سے تجاوز کرچکی ہے حکومت پنجاب کو عمر کی حد کم سے کم 43سال پرائیویٹ سیکٹر کا تجربہ کا سرٹیفکیٹ منسلک کی شرط کے ساتھ نئی پالیسی میں لاگو کرنا چاہیے تھا مگر عمر کی حد 35سال کرکے ہزاروں تقرری کے منتظر اساتذہ کی مشکلات میں اضافہ کردیا ضلعی نائب صدر پنجاب ٹیچر یونین محمدانجم نے وزیر اعلیٰ پنجاب سے فی الفور سرکاری سکولوں میں آرٹس اساتذہ کی بھرتی کے شیڈول کی پالیسی پر نظرثانی کا مطالبہ کرتے ہوئے حالیہ اساتذہ کی بھرتی میں عمر کی حد کم ازکم 43 سال پرائیویٹ سیکٹر کے کم ازکم پانچ سال کے تجربہ کے ساتھ اعلان کرنا چاہیے تاکہ لاکھوں ایم اے ایم ایس سی اساتذہ اس پالیسی سے فائد ہ اٹھا سکیں
تحصیل وڈھ میں ایف سی 132ونگ اور عوام کی جانب سے مودی کے اشتعال انگیز بیان کے خلاف احتجاجی ریلی
اتفاق ویلفیئر سوسائٹی گولڑہ ہاشم کے زیراہتمام ایک روزہ فری میڈیکل کیمپ کا انعقاد
