لاہور (جیوڈیسک) پاک فضائیہ کو خراج تحسین پیش کرنے کے لیے نئی پاکستانی فلم بنانے کا اعلان کر دیا گیا۔ پاک فضائیہ معاونت فراہم کرے گی ، فلم” پرواز ہے جنون” میں پاک فضائیہ کے روشن پہلوؤں کو اجاگر کرے گی، پاک فضائیہ کے شاہینوں ، جوانوں اور افسران کی گراں قدر خدمات کو سامنے لانے کے عزم کے تحت بنائی جانے والی فلم ” پرواز ہے جنون ” بنانے کا اعلان مقامی ہوٹل میں منعقدہ پریس کانفرنس میں کیا گیا۔
حسیب حسن کے ڈائریکشن میں بننے والی فلم کی شوٹنگ اگلے ماہ شروع کی جائے گی جبکہ فلم کو اگلے سال عید الاضحیٰ پر ریلیز کیا جائے گا۔ ڈائریکٹر میڈیا افیئرز ائر کموڈور سید محمد علی کا کہنا تھا کہ انہیں خوشی ہے کہ پاکستان میں 50 سال بعد ایک بار پھر پاک فضائیہ کی قربانیوں پر فلم بنائی جائے گی جس کے لیے پاک فضائیہ فلم میکرز کے ساتھ مکمل تعاون کرے گی۔ فلم میں حمزہ علی عباسی اور عثمان بٹ فائٹر پائلٹس کے کرداروں میں نظر آئیں گے جبکہ معاون کرداروں میں پاک فضائیہ کے حقیقی فائٹر پائلٹس ، کیڈٹس اور عملہ نظر آئے گا۔
فلمساز مومنہ درید کا کہنا تھا کہ افواج پاکستان پر فلم بنانا وقت کی اہم ضرورت ہے جس کے ذریعے ان کی قربانیوں کو منظر عام پر لایا جا سکے۔ قوم اپنی فضائیہ کو فخر کی نگاہ سے دیکھتی ہے اور ان سے منسلک بہادری کی داستانوں کو جاننے کی خواہش رکھتی ہے۔
چودھری شجاعت نے رائے ونڈ مارچ کی مخالفت کر دی
لاہور ہائیکورٹ، عمران خان کا رائے ونڈ میں دھرنا روکنے کیلئے درخواست سماعت کیلئے منظور
