ممبئی (جیوڈیسک) مسٹر پرفیکشنسٹ عامر خان کی فلم ’’پی کے‘‘ جس کے نئے گانے ’’چار قدم‘‘ کی وڈیو گزشتہ دنوں ریلیز کی گئی تھی آج19 دسمبر کو سینما گھروں میں ریلیز ہو گی۔
بالی ووڈ فلم پی کے کا نیا وڈیو سانگ جاری کردیا گیا ،سانگ میں اداکار سشانت اور انوشکا شرما رومانس کرتے نظر آ رہے ہیں، شان اور شریا گھوشال نے سانگ کے بول گائے ہیں۔ عامر خان کی یہ مزاحیہ فلم مزاح سے بھرپور ہے، جس میں سنجے دت بھی اداکاری کے جوہر دکھا رہے ہیں۔
85 کروڑ روپے کے مہنگی بجٹ سے تیار کی گئی فلم ’’پی کے ‘‘ آج تقریباً 6 ہزار سینما گھروں میں ریلیز ہوگی جو کہ ایک نیا ریکارڈ ہوگا۔ دوسری طرف بتایا جا رہا ہے کہ ڈائریکٹر ودھو ونود چوپڑا کی نئی ہالی ووڈ فلم ’’Broken Horses‘‘ کا ٹریلر بھی فلم ’’پی کے ‘‘ کی ریلیز کے ساتھ جاری کیا جا رہا ہے جب کہ فلم ’’بروکن ہارسز ‘‘ 10اپریل کو سینما گھروں کی زینت بنے گی،اسی طرح بالی ووڈ فلم ’’وزیر ‘‘ کی جھلک بھی آج ہی جاری کی جا رہی ہے جس کے پروڈیوسر اور مصنف بھی ودھو ونود چوپڑا ہیں۔
