ٹیکسلا (ڈاکٹر سید صابر علی سے) پاکستان تحریک انصاف کے رکن قومی اسمبلی غلام سرور خان نے کہا ہے کہ عبدالستار ایدھی جیسی شخصیات صدیوں میں پیدا ہوتی ہیں، عبدالستار ایدھی ایسی شخصیت تھے جنہوں نے نہ صرف بر صغیر بلکہ ساوتھ ایشاء میںدکھی انسانیت کا بیڑا اٹھایا،مرتے دم تک آخری سانسیں بھی خدمت انسایت کے لئے وقف کیں، خدمت انسانیت کا پرچار کرنے والوں کانام رہتی دنیا تک زندہ رہے گا،ایدھی انکے خاندان اور ایدھی کے رضا کاروں پر اعتماد متزلزل نہیں ہونا چاہئے، عبدالستار ایدھی کو جتنا بھی خراج عقیدت پیش کیا جائے کم ہے۔
ان خیالات کا اظہار انھو ں نے ایدھی فاونڈیشن ٹیکسلا میں عبدالستار ایدھی کی پہلی برسی کے سلسلے میں منعقدہ تقریب سے خطاب کے دوران کیا، تقریب سے خطاب کرتے ہوئے پیپلز پارٹی کے رہنما ملک نجیب الرحمان ارشد نے کہا کہ عبدالستار ایدھی دکھی انسانیت کاایک عزم اورجذبہ لیکر میدان عمل میں اترے تھے ، انھوں اقوام عالم میں پاکستان کی منفرد شناکت بنائی،معروف تعلیمی شخصیت عطا الرحمان چوہدری کا کہنا تھا کہ عبدالستار ایدھی حقیقی معنوں میں مسیحا انسانیت اور مسیحا پاکستان تھے، انھوں نے ہمیشہ مظلوم ، مجبور ، محکوم طبقہ کی دادرسی کی، نہ صرف پاکستان کے لئے بلکہ دکھی انسانیت کے لئے انکی خدمات مشعل راہ ہیں معروف معالج ایم ایس السید ہسپتال احاطہ و صدر پاکستان اکیڈمی آف فیملی فزیشن واہ ٹیکسلا حسن ابدال چیپٹر ڈاکٹر سید اسد علی کا کہنا تھا کہ عبدالستار ایدھی نے تمام زندگی دکھی انسانیت کی خدمت کے لئے وقف کر رکھی تھی،تین لاکھ سے زائد لاوارث لاشوں کی تدفین اپنے ہاتھوں سے کی،بلاشبہ یہ ایک عالمی اعزاز ہے،ایدھی فاونڈیشن کے کو آرڈینیٹر اسلام آباد زون عتیق عالم خان کا کہنا تھا کہ رہتی دنیا تک عبدالستار ایدھی کی دکھی انسانیت کے لئے لا متناہی خدمات کو یاد رکھا جائے گا،ظفر عزیز سینیئر رضا کار ایدھی فاونڈیشن ٹیکسلاو سیکرٹری کوآرڈینیشن کا کہنا تھا کہ عبد الستار ایدھی محسن انسانیت تھے،ایدھی کا پیغام محبت تھا ، تمام زندگی انھوں نے دکھی انسانیت کا درد سمیٹنے کی کوشش کی،انھوں نے عوا م الناس کو پیغام دیتے ہوئے کہا کہ وہ ایدھی رضا کار بن کر اس قافلہ میں شریک ہوں،اسی طرح ان کے نیک جذبوں کو ہم دوام بخش سکتے ہیں،شاعر و دانشور متعدد کتابوں کے منصف شعیب ہمیش نے عبدالستار ایدھی کی پہلی برسی پر اپنے پغام میں کہا کہ عبدالستار ایدھی انسانیت کے ماتھے کا جھومر تھے،صحافی زین الاسلام کا کہنا تھا کہ عبد الستار ایدھی کی خدمات کو ہمیں میڈیا کمپین تک محدود نہیں رکھنا چاہئے بلکہ ہمیں عملی طور پر انکے مشن کی تکمیل کے لئے اپنا کردار ادا کرنا ہوگاتقریب میں نظامت کے فرائض زین الاسلام نے ادا کئے ، قابل ازیں مرحوم کے اٰیصال ثواب کے لئے قران خوانی کرائی گئی، قاری فہد اقبال نے اختتامی دعا کرائی ،تقریب میں اجمل خان تنولی ، اسسٹنٹ پی آر او پی او ایف واہ کینٹ ملک غلام حسین ،عابد حسین صدر پاکستان یوتھ لیگ،کے علاوہ معززین علاقہ کی کثیر تعداد موجود تھی۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ڈاکٹر سید صابر علی تحصیل رپورٹر ٹیکسلا ِ، واہ کینٹ 0300-5128038
فیصل آباد کی خبریں 9/7/2017
پیرمحل کی خبریں 9/7/2017
