کراچی (اسٹاف رپورٹر) معروف سماجی رہنما عبدالستار ایدھی کے انتقال پر پاکستان سولنگی اتحاد کے تعزیتی اجلاس میں ایدھی صاحب کی مغفرت وایصال ثواب کیلئے قرآن خوانی و فاتحہ خوانی اور درجات کی بلندی کیلئے دعا کی۔
ان کی خدمات و کردار کوخراج تحسین پیش کرتے ہوئے پاکستان سولنگی اتحاد کے سینئر و بزرگ رہنما امیر سولنگی نے اکرم سولنگی ‘ شبیر سولنگی ‘ راحیل سولنگی ‘ خادم حسین سولنگی ‘ ایڈوکیٹ کرم اللہ سولنگی ‘ ایڈوکیٹ اقبال سولنگی‘ رمضان سولنگی ‘ بشیر سولنگی ‘ ارشاد سولنگی ‘ گل شیر سولنگی‘ عابد سولنگی ‘ ندیم سولنگی ‘ عباس سولنگی‘ ایاز سولنگی ‘ نعمت اللہ سولنگی ‘ صالح سولنگی اور ڈاکٹر قدیر سولنگی نے کہا کہ عبدالستار ایدھی کی رحلت سانحہ جانگداز اور خدمت انسانیت کے شعبہ کا خلاءہی نہیں بلکہ سادگی دیانت ‘ خدمت ‘ ایثار ‘ اخوت ‘ محبت ‘ شفقت اور عزم و استقلال کے سانچہ میں ڈھلے ایک ایسے شفیق انسان کی جدائی بھی ہے۔
جس کا نعم البدل کبھی نہیں مل سکتا کیونکہ اس کی شفقت ‘ محبت اور خدمت جانبداری سے پاک ہی نہیں بلکہ رنگ و نسل ‘ مذہب و مسلک ‘ زبان و ذات اور ملک و قوم کے تعصبات سے بالاتھی وہ دنیا کے ہر کونے اور ہر خطے میں بسنے والے ہر رنگ ‘ ہر نسل ‘ ہر مذہب ‘ ہر مسلک ‘ ہر زبان ‘ ہر ذات اور ہر قوم و ہر ملک کے انسان سے یکساں محبت اور شفقت کے جذبات رکھتے۔
ہر ایک کی خدمت کیلئے ہمہ وقت تیار رہتے تھے اور ایدھی جیسا منفرد و یگانہ انسان اس دورِ ابتلاءمیں اب دوبارہ کبھی پیدا نہیں ہوسکے گا۔
عبدالستار ایدھی کی کمی کبھی بھی پوری نہیں ہو سکے گی۔ راجونی اتحاد
خیرپور ناتھن شاہ میں پولیس مقابلہ، بدنام زمانہ ڈاکو بشیر عرف بشو چانڈیو مارا گیا
