ابوظبی (جیوڈیسک) آسٹریلیا پر 370 رنز کی مجموعی برتری کے ساتھ پاکستان آج دوسری اننگز دوبارہ شروع کرے گا۔ واضح رہے کہ ابوظبی ٹیسٹ کے تیسرے دن آسٹریلوی ٹیم 261 رنز بناکر آوٹ ہوگئی تھی۔
309 رنز کی برتری کے باوجود کپتان مصباح نے آسٹریلیا کو فالوآن نہیں کرایا۔ سابق کپتان محمد یوسف کا کہنا ہے کہ پاکستان ٹیم آسٹریلیا کے خلاف بہترین پوزیشن پر ہے ، آسٹریلیا کے لئے اب میچ جیتنا تو دور بچانا مشکل ہوگیا آسٹریلیا کے جیتنے کا کوئی چانس نہیں۔
پاکستان ٹیم آسٹر یلیا کو 450 سے 500 رنز کا ہدف دے گی۔ جبکہ پاکستان کرکٹ ٹیم کے بیٹنگ کوچ گرانٹ فلاور کا کہنا ہے کہ پاکستان ٹیم چوتھے دن کھانے کے وقفے تک بیٹنگ کرکے آسٹریلیا کو بڑا ہدف دے گی، فالوآن اس لئے نہیں کرایا کہ آسٹریلیا کو جیتنے کا کوئی موقع نہیں دینا چاہتے تھے۔
ابوظہبی ٹیسٹ، آسٹریلوی ٹیم 261 رنز بنا کر فالو آن کا شکار
آسٹریلیا کا حشر دیکھ کر نیوزی لینڈ کو اپنی فکر پڑ گئی
