امریکا : مائیکرو بلاگنگ ویب سائٹ ٹوئٹر نے صارفین کی تصدیق کے حوالے سے بھیجی جانے والی درخواستوں کو مسترد کرنے پر وضاحتی بیان جاری کیا ہے۔
ٹوئٹر نے اپنے اکاؤنٹ سے جاری بیان میں کہا کہ ہمیں صارفین کی جانب سے شکایات موصول ہوئی تھیں کہ ہمیں واضح طور پر بتانا چاہیے کہ بلیو ٹک یعنی صارفین کے اکاؤنٹس کی تصدیق کیلئے بھیجی جانے والی درخواستیں کیوں مسترد کی جا رہی ہیں؟
ٹوئٹر کا کہنا ہے کہ فیصلہ کن ای میلز کے تحت آپ کو یہ سمجھنے میں مزید آسانی ہوجائے گی کہ آپ کی درخواستیں کیوں ہمارے معیار پر پورا نہیں اتر رہیں، انہیں دیکھ کر آپ 30 دن بعد دوبارہ اپلائی کر سکتے ہیں۔
ایپ کے پراڈکٹ مینیجر بی بائرن کا کہنا ہے کہ کچھ ای میل لوگوں کیلئے کنفیوژن پیدا کرنے والی تھیں تاہم تصدیق کیلئے ای میلز کے ذریعے بہتر معلومات فراہم کرنا ہماری کمپنی کی اولین ترجیح ہے۔
خیال رہے کہ ٹوئٹر نے صارفین کیلئے تصدیق کے عمل کا آغاز رواں سال مئی سے دوبارہ کر دیا تھا۔ اس سے قبل نومبر2017 میں صارفین کی تصدیق کے سلسلے کو کڑی تنقید کے باعث بند کیا گیا تھا۔
حکام نے واضح کیا تھا کہ تصدیق کے لیے اکاؤنٹ ہولڈر کی پروفائل پکچر اور درست ای میل ایڈریس یا فون نمبر درکار ہو گا۔
حکام کا کہنا تھا کہ ضروری معلومات کے ساتھ اکاؤنٹ کی تصدیق کے لیے یہ شرط بھی رکھی گئی ہے کہ صارف اکاؤنٹ پر 6 ماہ کے دوران فعال رہا ہو۔
واٹس ایپ پر خود کو بلاک کیے جانے کا کیسے پتا کیا جائے؟
روزانہ کافی کا ایک کپ کورونا وائرس سے بچا سکتا ہے، تحقیق
