کراچی (جیوڈیسک) اپنی مزاحیہ اداکاری سے دلوں کو گد گدانے والے لیجنڈ اداکار لہری کو ہم سے جدا ہوئے ایک سال بیت گیا۔ قہقہوں کے سفیر لہری کا اصل نام سفیراللہ تھا۔ انہوں نے اپنے کیرئیر کا آغاز 1956 میں فلم انوکھی سے کیا اور پھر 80 کی دہائی تک اپنی اداکاری سے ہنسی کا طوفان برپا کرتے رہے۔
مزاحیہ اداکاری کو نئی جہتیں دینے والے لہری نے اپنے کیرئیر میں لاجواب اداکاری سے کئی فلموں کو سپرہٹ بنایا۔ لہری نے فلمی دنیا میں جب قدم رکھا تو کئی کامیڈین شہرت کی بلندیوں پر تھے لیکن لہری نے اپنی جاندار اداکاری سے الگ مقام بنایا۔ چار دہائیوں سے زائد عرصہ تک سلور سکرین پر قہقہے اور مسکراہٹیں بکھیرنے والے لہری بے شک ہم سے ہمیشہ کے لئے ناطہ توڑ گئے مگر ان کی ظرافت کی لہریں ان کے پرستاروں کو گدگداتی رہیں گی۔
فلم گرینڈ مستی ریلیز سے ایک دن پہلے پابندی کی زد میں
سانولا ہونا کوئی بری بات نہیں، نندیتا داس
