ممبئی (جیوڈیسک) بالی ووڈ اداکارہ و ماڈل ایولین شرما نے ریائلٹی ٹی وی شو بگ باس کے آٹھویں سیزن میں کام کرنے کی آفر ٹھکرا دی۔
بلاک بسٹر فلم یہ جوانی ہے دیوانی ، یاریاں سمیت درجنوں فلموں اور اشتہاروں میں کام کرنے والی جرمن نژاد اداکارہ کا کہنا تھا کہ وہ ایک متحرک قسم کی لڑکی ہیں جو ایک وقت میں کئی کام کررہی ہوتی ہیں۔
اسلئے انکے لیے یہ ممکن نہیں ہے کہ وہ ایک گھر میں کئی روز تک بند ہو کر رہ سکیں۔ ایولین شرما نے کہا کہ وہ جلد ہی اپنی نئی فلم کی شوٹنگ کا آغاز کرنے جارہی ہیں۔
اسلئے بھی انکے لیے بگ باس آٹھ میں کام کرنا ممکن نہیں۔ دوسری جانب بعض ذرائع کا یہ بھی کہنا ہے کہ ایولین شرما نے معاوضے کم ہونے کی وجہ سے کام کرنے سے انکار کیا جبکہ ایولین اس بات کو تسلیم نہیں کرتیں۔
تھری ڈی اینیمیٹڈ فلم”دی بک آف لائف”کا نیا ٹریلر
بپاشا باسو نے ہدایتکار ساجد خان کی فلموں میں کام سے توبہ کر لی
