کروڑ لعل عیسن ( نامہ نگار) انتظامیہ کی جانبداری من پسندی اور سیاسی دبائو کے باعث امن پسند شہریوں کو امن کمیٹیوں کے اجلاسوں میں نظر انداز کرنا سراسر زیادتی ہے۔ انجمن تاجران کروڑ اس کی بھر پور مذمت کرتی ہے۔ ان خیالات کا اظہار انجمن تاجران کروڑ کے اجلاس میں صدر طارق محمود پہاڑ ، سینئر نائب صدر حاجی فاروق زرگر ، انتظار حسین قریشی ، ملک قیصر عباس ، فنانس سیکریٹری ایاز خان نیازی ، سیکریٹری اطلاعات امجد علی مستری ، جوائنٹ سیکریٹری سید نفیس شاہ و دیگر نے کیا۔ انہوں نے کہا کہ انجمن تاجران کے عہدیدار یہاں پر امن و امان کی صورتحال کو بہتر کرنے کیلئے ہمیشہ انتظامیہ کے ساتھ تعاون کیا لیکن افسوس کہ ضلعی و تحصیل انتظامیہ امن پسند شہریوں کو من پسندی اور سیاسی دبائو کے باعث امن کمیٹیوں کے اجلاسوں میں نظر انداز کر رہی ہے۔ حالانکہ نظر اندز کیئے جانے والے افراد کے نام امن کمیٹیوں کی فہرستوں میں شامل اور موجود ہیں۔ انہوں نے اجلاس میں انتظامیہ کی جانبداری پر بھر پور افسوس کا اظہار کیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ کروڑ لعل عیسن ( نامہ نگار) محرم الحرام میں شہدائے کربلا کو پرسہ دینے کے سلسلہ جاری۔ کروڑ لعل عیسن ، فتح پور ، راجن شاہ ، جھرکل ، عباس نگر اور بستی لاشاری سمیت درجنوں مقامات پر مجالس عزاء منعقد کی جارہی ہیں۔ جبکہ آج کروڑ لعل عیسن میں امام بارگاہ حسینیہ سے ذولجناح کا جلوس نکالا جائے گا۔ امام بارگاہ حسینیہ میں ایم پی اے عبدالمجید خان نیازی کی جانب سے معروف ذاکر سید نجم الحسن ، اور امام بارگار باب رضاء میں سابق تحصیل ناظم سردار سجاد احمد خان سیہڑ کی جانب سے معروف ذاکر عطاء حسین رانگڑ ذکر شہدائے کربلا کی مجالس پڑھ رہے ہیں۔ جہاں پر سینکڑوں عزاداروں جمع غفیر ہوتا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) راجن شاہ امام بارگاہ کے بانی غلام عباس اور سنشاد علی کے خلاف لائوڈ سپیکر چلانے پر لائوڈ سپیکر ایکٹ کے تحت تھانہ کروڑ میں مقدمہ درج کر لیا گیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) مخالفت پر ایک شخص نے گھوڑی پر سوار شخص کی گھوڑی میں موٹرسائیکل دے مارا۔ جس سے گھوڑی سوار عمر دراز ولد کریم داد کھوکھر نیچے گر کر بیہوش ہو گیا۔ اور اس کی 5 لاکھ روپے کی گھوڑی کی ٹانگ ٹوٹ گئی۔ پولیس نے طارق ولد نور محمد ماچھی کے خلاف مقدمہ درج کر لیا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) ڈسٹرکٹ منیجر ٹیوٹا کا گورنمنٹ ووکیشنل ٹرینگ انسٹی ٹیوٹ برائے خواتین کروڑ کا معائنہ۔ اس دوران انہوں نے تمام کورسز کا ریکارڈ چیک کیا اور ادارہ میں طالبات کی کلاسز کا جائزہ کیا۔ بعد ازاں انہوں نے ادارہ میں اپنے دست مبارک سے پودا لگایا اور پرنسپل کالج کی کارکردگی کو سراہا۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) نادرا آفس میں عوام کے ساتھ ملازمین کا ناروا رویہ کے خلاف احتجاج۔ تفصیل کے مطابق کروڑ اور گردونوح کے درجنوں شہریوں کو نادرا آفس میں شناختی کارڈ اور بے فارم بنوانے کیلئے شدید دشواری کا سامنا کرنا پڑتا ہے۔ اور آفس میں موجود اہلکار انتہائی بد اخلاقی سے پیش آتے ہیں۔ علاوہ ازیں 7 میں سے 2 کائونٹر خالی پڑے رہتے ہیں۔ جس کی وجہ سے رش بڑھ جاتا ہے۔ اور دور دراز سے آئے ہوئے لوگوں کو گھنٹوں انتظار کرنا پڑتا ہے۔ کروڑ لعل عیسن کے عوامی ، سماجی اور شہری حلقوں نے اعلیٰ حکام سے نوٹس لینے کا مطالبہ کیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) تحریک انصاف بلدیاتی الیکشن میں کلین سوئپ کرے گی۔ ان خیالات کا اظہار تحصیل صدر رانا محمد عثمان نے اپنے ایک بیان میں کیا۔ انہوں نے کہا کہ لاہور NA-122 کے الیکشن میں حکومت کو اپنی پوزیشن نظر آگئی ہے۔ تحریک انصاف پورے پنجاب خصوصاً تحصیل کروڑ میں حکومت کو شکست فاش دے گی۔ انہوں نے مزید کہا کہ حکومت نے ماسوائے دھوکہ دہی کے عوام کو کوئی ریلیف نہیں دیا ہے۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔ ۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔۔
کروڑ لعل عیسن ( نامہ نگار) محکمہ ہائی وے اور ٹی ایم اے کی ملی بھگت سے لاکھو روپے خرچ کر کے مین روڈ پر بنایا گیا ڈیوائڈر گزشہ روز ایکسویٹر لگا کر توڑ دیا گیا۔ اور میٹریل بھی اٹھا کر لے گئے۔شہریوں نے لاکھوں روپے کا سرکاری میٹریل چوری کرنے والوں کے خلاف کے خلاف مقدمہ درج کرنے کا مطالبہ کیا ہے۔ ڈیوائڈر سے ون وے کا ماحول بن گیا تھا اور ساتھ ہی پودوں کے لگانے سے شہر کی خوبصورتی میں اضافہ ہو گیا تھا۔ لیکن ایک شخص کے اشارے پر سابق صوبائی وزیر نے اپنے ہی ہاتھ سے بنایا ہوا ڈیوائڈر تڑوا دیا۔ تفصیل کے مطابق سابق صوبائی وزیر ملک احمد علی اولکھ نے 2013 میں مین روڈ پر کے درمیان میں ڈیوائڈر دیوار تعمیر کروائی جس پر لاکھوں روپے خرچ کیئے گئے۔ ڈیوائڈر کے درمیان میں خوبصورتی کیلئے پودے اور پھول بھی لگائے گئے۔ جن کو ٹی ایم اے کروڑ اور ایم پی اے حاجی عبدالمجید خان نیازی اپنی ذاتی ٹنکی سے پانی لگاتے رہے۔ ڈیوائڈر اور ئس کے بیچ میں لگے پھول دار پودوں کی وجہ سے شہر کی خوبصورتی میں اضافہ ہو گیا تھا لیکن سابق صوبائی وزیر نے ایک شخص کے کہنے پر یو ٹرن لیا اور اپنی ہی جانب سے بنایا گیا ڈیوائڈر چنڈی موڑ تا بصرہ موڑ گزشتہ روز اکیسویٹر سے تڑوا دیا گیا۔ شہریوں نے ڈیوائڈر وال توڑنے اور سامان چوری کرنے کے خلاف مقدمہ درج کرنے کا مطالبہ کیا ہے۔
جماعت اسلامی معاشرے کے اندر خدمت کا عنوان بن چکی ہے، اسامہ رضی
ملکہ کی خبریں 20/10/2015
