کابل (جیوڈیسک) افغانستان میں خود کش کار بم دھماکے اور طالبان کے حملے میں 3پولیس اہلکار اور 4 افغان فوجی ہلاک ہو گئے ننگر ہار کے صوبائی ترجمان سعید احمدنے بتایا کہ غنی خیل کے علاقہ میں بارود سے بھری کا ر کو پولیس کے قافلے کے قریب دھماکے سے اڑا دیا گیا۔
دھماکے میں 3 پولیس اہلکار ہلاک اور دو زخمی ہو گئے دو سری جانب چشتی شریف کے علاقہ میں طالبان نے فوجی چوکی پر حملہ کر دیا، دو طرفہ فائرنگ سے 4افغان فوجی ہلاک ہو گئے ،فوجی تر جمان کے مطابق حملے میں 10 طالبان بھی مارے گئے۔
ادھر گزشتہ چو بیس گھنٹوں کے دوران افغان نیشنل سکیورٹی فورسز کے آپریشن میں 33 طالبان جنگجو ہلاک اور13 زخمی ہو گئے۔ادھر ہرات میں طالبان نے چار مغوی پولیس اہلکار وں کو رہا کر دیا۔ ضلعی پولیس چیف شیر آقا الکوزئی کاکہنا ہے کہ پولیس اہلکاروں کو گزشتہ ہفتے ضلع اوبے میں ایک چیک پوسٹ پر حملے کے دوران اغواء کیا گیا تھا۔
ہندوستانی ریاست میں جانوروں کی قربانی پر پابندی عائد
چین : بارشیں، لینڈ سلائیڈنگ 8 افراد ہلاک، 24 لاپتہ
