پیرس (جیوڈیسک) ملازمتوں کے قوانین میں اصلاحات پر فرانسیسی دارالحکومت پیرس کی سڑکیں میدان جنگ بن گئیں ، پرتشدد مظاہروں میں انتیس پولیس اہلکاروں سمیت 40 افراد زخمی ہوئے ہیں ۔
ملازمتوں کے قوانین میں اصلاحات کے خلاف ہونے والے پُر تشدد مظاہرے میں کئی گاڑیوں کو آگ لگائی گئی اور دکانوں کے شیشے توڑ ڈالے گئے ۔ پولیس اور مظاہرین کے درمیان شدید جھڑپیں بھی ہوئی جس میں انتیس پولیس اہلکاروں سمیت 40 افراد زخمی ہوئے ہیں ۔
پولیس نے مظاہرین کو منتشر کرنے کے لیے پانی اور آنسو گیس کا استعمال کیا جبکہ اٹھاون مظاہرین کو گرفتار بھی کیا ہے ۔ مزدور اور طلباء تنظیموں نے ملک بھر میں مظاہروں کی کال دی ہے ۔ ملازمین کی ہڑتال کی وجہ سے پیرس میں ایفل ٹاور سیاحوں کے لیے بند ہے جبکہ ٹرانسپورٹ کا نظام بری طرح متاثر ہوا ہے ۔
افغانستان نے طورخم بارڈر پر گیٹ کی تنصیب سے متعلق پاکستان سے معاہدے کی تردید کردی
پاک افغان سرحدی کشیدگی کم کرنے کیلئے دونوں ممالک کے حکام پر زور دے رہے ہیں، امریکا
