لاہور (اصل میڈیا ڈیسک) لاہور کی سیشن عدالت نے گلوکار علی ظفر کے خلاف سوشل میڈیا پر مہم چلانے کے کیس میں گلوکارہ میشا شفیع کی مستقل حاضری معافی کی درخواست مسترد کر دی۔
لاہور کی سیشن عدالت نے اپنے تحریری فیصلے میں لکھا کہ جوڈیشل مجسٹریٹ کاگلوکارہ میشا شفیع کی طلبی اور ضمانتی مچلکے جمع کرانے کا حکم درست ہے۔
عدالتی حکم میں کہا گیا ہےکہ میشا شفیع آج تک ٹرائل عدالت میں پیش نہیں ہوئیں، نہ ہی انہوں نے گواہان کے بیانات جمع کرائے، انہیں حاضری سے استثنیٰ کی درخواست دینے سے پہلے عدالت میں پیش ہونا چاہیے تھا۔
عدالت نے کہا کہ جوڈیشل مجسٹریٹ کا حکم قانون کے مطابق ہے، اس میں کوئی سقم نہیں۔
عدالت نے ٹرائل کورٹ کے ضمانتی مچلکے جمع کرانے کے حکم کے خلاف اپیل بھی خارج کردی۔
میشا شفیع نےجوڈیشل مجسٹریٹ کا فیصلہ سیشن عدالت میں چیلنج کر رکھا تھا۔
پاکستان اور انگلینڈ کی ملتوی سیریز کی بحالی کے امکانات روشن
مزار اقبال پر گارڈز کی تبدیلی کی پروقار تقریب
