ممبئی(جیوڈیسک)این جی ٹیاپنی پہلی فلم تیرے بن لادن کی کامیابی کے بعد شہرت کی بلندیوں پر پہنچنے والے پاکستانی پاپ گلوکار،ماڈل و اداکار علی ظفر کی تیسری بالی ووڈ فلم چشمِ بدور کے ٹریلر کے بعد ٹائٹل ٹریک ارلی مارننگ(Early Morning)کی ویڈیو بھی جاری کردی گئی ہے۔ ارلی مارننگ کے بولوں پر مبنی اس گانے کو معروف گلوکار سونونگم اور خود علی ظفر کی آوازوں میں ریکارڈ کیا گیا ہے۔
جس میں علی ظفر اپنی ہیروئن کے ساتھ خوابوں کی دنیا کی سیر کرتے نظر آرہے ہیں۔ 1981 کی مشہور کامیڈی فلم چشمِ بدور کے ریمیک کی ہدایتکاری کامیڈی فلموں کے نامور ہدایتکار ڈیوڈ دھاون نے دی ہے جس میں علی ظفر کے ساتھ سدھارتھ، دیوندو شرما، رشی کپور اور تاپسی پنو اہم کردار ادا کررہے ہیں جبکہ جوہی چالہ اور انوپم کھیر بحیثیت مہمان اداکار جلوہ گر ہوں گے۔
گوا میں فلمائی گئی اس فلم کی کہانی تین دوستوں کے گرد گھومتی ہے جو بیک وقت ایک ہی لڑکی کی توجہ اپنی جانب مبذول کروانے کی کوششوں میں مگن نظر آرہے ہیں۔ ویاکوم موشن پکچرز کی پروڈیوس کردہ اس فلم کا میوزک معروف موسیقار جوڑی ساجد واجد نے ترتیب دیا ہے جو رواں سال 5اپریل کو سینما گھروں کی زینت بنائی جائے گی۔
بپاشا باسو کی ہارر فلم آتما کے پہلے گانےآجا نندیا کی وڈیوریلیز
پیرس فیشن ویک : زیب و زینت والے پیراہن کے لشکارے
