کراچی (اسپورٹس رپورٹر) رحیم محمڈن اور ہزارہ محمڈن کے زیر اہتمام شاہ فیصل کالونی فٹ بال اسٹیڈیم میں جاری آل کراچی ہارون شہید یادگاری فٹ بال ٹورنامنٹ میں میز بان کلب ہزارہ محمڈن نے مد مقابل الکاتیار کلب کو 1-0سے شکست دے کر پری کوارٹر فائنل میں جگہ مستحکم کرلی کھیل کے پہلے ہاف کے دوران دونوں ٹیموں نے شاندار کھیل کا مظاہرہ کرتے ہوئے ایک دوسرے کے گول پوسٹ پر تابڑ توڑ حملے کی مگر کسی ٹیم نے بھی کامیابی حاصل نہ کرسکی جبکہ دوسرے ہاف میں ہزارہ محمڈن کے عادل نے میچ کا فیصلہ کن گول کرکے ہزارہ محمڈن کی جیت میں اہم کردار ادا کیا میچ کے اختتام پر مہمان خصوصی سابق انسپکٹر FIAسعید صدیقی سے دونوں ٹیموں کے کھلاڑیوں کا تعارف کرایا گیا اس موقع پر ٹورنامنٹ آرگنائزنگ کمیٹی کے ممبران موجود تھے ٹورنامنٹ میں کھیلے گئے
دیگر میچوں میں ینگ تغلق لیاری نے محمد عبید کے گول کی بدولت چنیسر بلو کو 1-0سے زیر کردیا ،جبکہ ماری پور بلوچ نے بھی مضبوط حریف آل برادرز ملیر کو 1-0سے شکست دیدی ماری پور کا واحد گول کامران نے کھیل کے دوسرے ہاف میں کیا کوشش کے باوجود آل برادرز کوئیگول اسکور کرنے میں ناکام رہی ان میچوں میں ریفری کے فرائض عبدالکریم ،محمد رضوان ،طاہر قادری ،فرید خان میر افضل اور پرویز نے انجام دیء جبکہ میچ کمشنر کوچ محمد اقبال اور میڈیا کوارڈینٹر شیر افضل تھے ۔
