کراچی (اسپورٹس رپورٹر ) ناصر اسپورٹس فٹ بال کلب کورنگی کے زیر اہتمام پہلا آل کراچی ناصر اسپورٹس انوی ٹیشن فٹ بال ٹورنامنٹ کے افتتاحی میچ میں گلشن اتحاد نے نہایت عمدہ کھیل کی بدولت مضبوط ٹیم مسلم برادرز کو یکطرفہ مقابلے کے بعد 3-0 سے ڈھیر کرکے افتتاحی میچ اپنے نام کرلیا فاتح ٹیم کی جانب سے ابراہیم نے دو جبکہ عنایت نے ایک گول اسکور کیا ٹورنامنٹ کے افتتاحی کے موقع پر ٹورنامنٹ آرگنائزنگ کمیٹی نے شاندار افتتاحی تقریب کا انعقاد کیا جس میں مہمان خصوصی ڈسٹرکٹ فٹ با ل ایسوسی ایشن ڈسٹرکٹ ایسٹ کے نائب صدر سید عثمان شاہ نے فٹ بال کو کک لگا کر ایونٹ کا افتتاح کیا
اس موقع پر شاندار ایونٹ کے انعقاد پر ٹورنامنٹ آرگنائزنگ کمیٹی کو مبارکباد پیش کرتے ہوئے انہیں اپنی جانب سے مکمل تعاون کا یقین دلا یا اس موقع پر سنیئر نائب صدر DFA ایسٹ محمد رحیم ،ٹورنامنٹ سیکریٹری رائو فاروق ،کریم بخش چانڈیو ،ممبر ایسٹ عمران قریشی ،ایچ ایم حنیف ،با بو فیروز ،نیشنل فائٹر کے کوچ فدا حسین ناز ،برما محمڈن کے محمد اسلام ،ٹورنامنٹ کے جوئانٹ سیکریٹری محمد جمیل ،میڈیا کوارڈینٹر شیر افضل ،سیکریٹری جانباز اسپورٹس امیر حاتم ،کورنگی گرین کے بشیر بھائی ،قیوم لاسی و دیگر فٹ بال سے وابستہ اہم شخصیات موجود تھیں ٹورنامنٹ کے افتتاحی میچ کو ریفری اقبال چوہدری ،کامران سنیئر اور کامران جونیئر نے سپروائز کیا جبکہ میچ کمشنر اور میڈیا کوارڈینٹر کے فرائض محمد جمیل اور شیر افضل نے انجام دیئے۔
