کراچی (اسپورٹس رپورٹر) پاکستان اسپورٹس ویلفیئر ایسوسی ایشن کے زیر اہتمام کراچی سائیکلنگ ایسوسی ایشن کے اشتراک سے منعقد پہلا آل کراچی راشد صدیقی سائیکل ریس ضلع ملیر کے سائیکلسٹ حق نواز نے مقررہ سفر ایک گھنٹہ 24 منٹ 3 سیکنڈ میں مکمل کرکے اپنے نام کرلیا ۔جبکہ ضلع سائوتھ کے نعیم احمد نے دوسری پوزیشن اور ضلع کورنگی کے ابو بکر نے تیسری پوزیشن حاصل کی ۔سائیکل ریس کا آغاز ریلوے اسٹیڈیم آئی آئی چند ریگر روڈ سے ہوا جو 52کلو میٹر پر محیط تھا ریس میں شہر کراچی کے 6 ڈسٹرکٹس کے 42 سائیکلسٹ نے حصہ لیا۔
سائیکل ریس کا افتتاح نیشنل بنک سی بی آر ڈویژن کے سربراہ اویس اسد خان نے کہاکہ اس موقع پر سیکریٹری سندھ اولمپکس ایسوسی ایشن احمد علی راجپوت ،لیاری کے نو منتخب یوسی چیئر مین حبیب حسین بلوچ، سائیکل ریس کے چیف آرگنائزر حاجی غلام محمد خان ،عظمت اللہ خان ،اصغر بلوچ ،با ران بلوچ اور حاجی عبدلجلیل بھی موجود تھے اس موقع پر خطاب کرتے ہوئے مہمان خصوصی نیشنل بنک سی ایس آر ڈویژن کے سربراہ اویس اسد خان نے کہا کہ نیشنل بنک تعلیم کیساتھ صحت مند سرگرمیوں کے فروغ میں اپنا ہر ممکن کردار ادا کرتا رہیگا کھیل کے ہر شعبے کی ترقی اور اس کے فروغ کے لئے نیشنل بنک کی جانب سے اقدامات جاری ہیں اور انشا اللہ اسپورٹس آرگنائزرز اور کھلاڑیوں کے باہمی تعاون کے ذریعے شہر میں صحت مند سرگرمیوں کو پروان چڑھا کر قیام امن اور مثالی معاشرہ قائم کرینگے۔
انہوں نے سائیکل ریس کے انعقاد کو ایک احسن قدم قرار دیتے ہوئے پاکستان سپورٹس ویلفیئر ایسوسی ایشن اور کراچی سائیکلنگ ایسوسی ایشن کو یقین دلا یا کہ آئندہ سائیکل ریس کا انعقاد سندھ سطح پر کیا جائیگا اس موقع پر سائیکل ریس کے چیف آرگنائزر حاجی غلام محمد خان نے سائیکل ریس کے کامیاب انعقاد پر تمام سائیکلسٹ خصوصی تعاون اور انتظامات پر ٹریفک پولیس اور ایدھی ویلفیئر سے اظہار تشکر کیا۔
پہلا آل کراچی سید نواب شاہ میموریل فٹ بال ٹورنامنٹ اے ون اسٹار ،ینگ گرین ،ہزارہ محمڈن ،گلشن اسپورٹس کی کامیابی
مہیشوری برادری کی جانب سے گاوں ماٹی ڈکن مین تین روزہ سالانہ میلے کا انعقاد
