آل کراچی سعید عالم انوٹیشن فٹ بال ٹورنامنٹ کا فائنل نونہال مجاہد نے اپنے نام کر لیا
Posted on November 23, 2013 By Majid Khan کراچی
کراچی : آل کراچی سعید عالم انوٹیشن فٹ بال ٹورنامنٹ کا فائنل نونہال مجاہد فٹ بال کلب نے اپنے نام کرلیا ،کھیلے گئے فائنل میچ میں نونہال مجاہد فٹ بال کلب نے مد مقابل لکی برادرز کو پنالٹی ککس پر 4-3ساے شکست دی ۔کھیل کے دوران دونوںٹیموں نے نہایت عمدہ اور شاندار کھیل کا مظاہرہ کرتے ہوئے ایک دوسرے کے گول پوسٹ پر بھر پور حملے کئے لیکن دوران کھیل دونوں ٹیمیں کوئی بھی گول کرنے میں ناکام رہیں شائقین فٹ بال نے نوجوان کھلاڑیوں کی شاندار کھیل پر بھر پور داد دی کھیل کے دوران میچ برابر رہنے کے بعد ریفری کے فیصلے کے مطابق پنالٹی ککس پر فیصلہ ہوا جس میں نونہال مجاہد نے 4گول اسکور کئے جبکہ لکی برادرز 3گول اسکور کرنے میں کامیاب رہے۔
اس طرح فائنل میچ 4-3سے نونہال مجاہد نے جیت لیا میچ کے اختتام پر تقسیم انعامات کا انعقاد کیا گیا جس میں مہمان خصوصی جنرل سیکریٹری مسلم برادرز سلیم شیروانی نے ڈسٹرکٹ فٹ بال ایسوسی ایشن ڈسٹر کٹ ایسٹ کے سیکریٹری عبید اللہ کے ہمراہ فائنل کی فاتح نونہال مجاہد اور رنراَپ لکی برادرز کے کپتانوں کو ٹرافی پیش کی اس موقع پر اجمل خٹک ،قمر یار خان،محمد سلام،محمد یونس ،مولانا ظہیر اور عبدالشکور کے علاوہ فٹ بال ست وابستہ شخصیات نے شرکت کی ٹورنامنٹ کے فائنل میچ میں ریفری کے فرائض نور الحق نے انجام دیئے جبکہ میچ کمشنر مولانا عبداللہ تھے۔
by Majid Khan
Nasir Mehmood - Chief Editor at GeoURDU.com
کراچی: حوالات سے فرار ہونے والے 2 ملزم پولیس مقابلے میں ہلاک
