آل لسبیلہ کراچی شہید نفیس یادگاری فٹ بال ٹورنامنٹ کوارٹر فائنل میں فتح کے بعد لیاقت شاہ میموریل اکیڈمی اور اللہ باد یونین سیمی فائنل میں پہنچ گئیں

Posted on October 10, 2013 By Majid Khan کراچی

کراچی : ڈسٹرکٹ فٹ بال ایسوسی ایشن لسبیلہ کے تعاون سے جاری آل کراچی لسبیلہ کراچی شہید حیات نفیس یاد گاری فٹ بال ٹورنامنٹ میں دو کوارٹر فائنل کے فیصلے ہوگئے ٹورنامنٹ کے چیف آرگنائزر خدا بخش بلوچ کے مطابق کھیلے گئے دو کوارٹر فائنل میچ میں لیاقت شاہ میموریل اکیڈمی نے اپنے مد مقابل مضبوط حریف بلوچ الیون لیاری کو 1-1گول سے برابری کے بعد پنالٹی ککس پر 4-3سے شکست دیکر سیمی فائنل تک رسائی حاصل کرلی میچ کے دوران دونوں ٹیموں کے مابین نہایت سخت مقابلی رہا اور دونوں ٹیمیں صرف ایک ایک گول کرنے میں کامیابی ہوسکیں،ٹورنامنٹ میں کھیلے گئے دوسرے کوارٹر فائنل میں اللہ باد یونین حب نے اُتھل سٹی حب کو بھی پنالٹی شوٹ پر 3-1سے زیر کر کے سیمی فائنل کھیلنے کا اعزاز حاصل کرلیا کھیل کے دوران مقابلہ کسی گول کے برابری پر ختم ہوا کوشش کے باوجود کوئی بھی ٹیم گیند جال کے سپرد کرنے میں کامیاب نہ ہوسکیں۔

ٹورنامنٹ میں کھیلے گئے ان میچوں میں ریفری کے فرائض نیشنل فٹ بال ریفری قربان ،شہزاد ،پرنس دلمراد،زاہد عشاق اور نذیر رضا نے جبکہ میچ کمشنر کے فرائض محمد حسین نے انجام دیئے۔

by Majid Khan

Nasir Mehmood - Chief Editor at GeoURDU.com