آل سندھ انور خان میموریل فٹ بال ٹورنامنٹ لسبیلہ اسٹوڈینٹس نے کلمت ویلفیئر کو شکست دیکر اگلے رائونڈ کے لئے کولیفائی کرلیا
Posted on March 8, 2013 By Geo Urdu کراچی
کراچی (اسپورٹس رپورٹر)آل سندھ انور خان میموریل فٹ بال ٹورنامنٹ کے تحت شاہ فیصل ٹائون فٹ بال اسٹیڈیم میں کھیلے گئے ٹورنامنٹ کے ایک اہم میچ میں لسبیلہ اسٹوڈینٹس نے سخت اور دلچسپ مقابلے کے بعد شاندار کھیل کا مظاہرہ کرتے ہوئے ٹورنامنٹ کی مضبوط ٹیم کلمت ویلفیئر سینٹر ملیر کو 2-1سے شکست دیکر اگلے مرحلے کے لئے کولیفائی کرلیا ۔
کھیل کے پہلے ہاف میں فاتح ٹیم کو 2-0سے برتری حاصل تھی کھیل کے ابتداء ہی میں لسبیلہ اسٹوڈینٹس کی ٹیم کی جانب سے جبران اور انٹرنیشنل فٹ بال کھلاڑی ذین بھٹو نے شاندا ر گول اسکور جبکہ میچ کے دوسرے ہاف میں کلمت ویلفیئر سینٹر نے کھیل میں قدر بہتری لاتے ہوئے مقابلہ 2-1کردیا جو کہ ممتاز فاروڈ اختر فیض کے گول کی بدولت حاصل ہوا بھر پور کوشش کے باوجود کلمت ویلفیئر سینٹر مزید گول اسکور کرنے میں کامیاب نہ ہوسکی۔
میچ کے اختتام پر دونوں ٹیم کا مہمان خصوصی ناتھا خان گوٹھ کے سابق کونسلر ڈاکٹر امیر نواز سے تعار ف کرایا گیا اس موقع پر ٹورنامنٹ سیکریٹری محمد پرویز قاسو ،نائب صدر اُسامہ اسپورٹس فرید گل ،سنیئر کھلاڑی اُسامہ اسپورٹس سیف اللہ خان ،کوچ گل حسن اور دیگر فٹ بال سے وابستہ شخصیات بھی موجود تھیں ۔
آل سندھ انور خان میموریل فٹ بال ٹورنامنٹ کے اہم میچ کی فاتح ٹیم لسبیلہ اسٹوڈینٹس کی ٹیم کا مہمان خصوصی سابق کونسلر ڈاکٹر امیر نواز کے ہمراہ گروپ فوٹو
