کراچی (اسپورٹس رپورٹر) ینگ عثمان آباد فٹ بال اسٹیڈیم لیاری میں جاری آل سندھ بلوچستان محمد یونس میموریل فٹ بال ٹورنامنٹ میں مزید دو میچوں کے فیصلے ہوگئے ۔پہلے میچ میں ینگ اسلام لیاری نے مد مقابل لسبیلہ اسپورٹس کو 3-1سے شکست دیدی فاتح ٹیم کی جانب سے شفیع محمد نے دو جبکہ عبدالعزیز نے ایک گول اسکور کئے لسبیلہ اسپورٹس نے گول کرنے کے کئی مواقع ضائع کئے ،لسبیلہ اسپورٹس کا واحد گول امام بخش نے کیا۔
کھیلے گئے دوسر ے میچ میں شاہ فیصل اسپورٹس نے ایک سخت مقابلے کے بعد مضبوط حریف با بر اسپورٹس کو 2-0سے زیر کرکے اگلے مرحلے کے لئے کوالیفائی کرلیا شاہ فیصل اسپورٹس کی جانب سے عبدالرحیم اور نعمان نے ایک ایک گول اسکور کیا غلط نشانہ بازی کے باعث با بر اسپورٹس کے کھلاڑی کوئی گول اسکور نہ کرسکے ان میچوں میں ریفری کے فرائض نیشنل ریفری عبدالرئوف بلوچ ،ارسلان ،کامران اور حیدر علی نے سپروائز کیا جبکہ میچ کمشنر کے فرائض انور خان نیازی اور محمد شاہد اور میڈیا کوارڈینٹر شیر افضل انجام دیئے۔
آل پاکستان این بی پی فٹ بال ٹورنامنٹ کے لیگ میچز میں مزید دو میچوں کا فیصلہ ہو گیا
بھمبر کی خبریں 04/03/2015
