علامہ امین شہید کی گجرات میں پروفیسر شبیر حسین اور ان کے ڈرایؤر کی ٹارگٹ کلنگ کی پرزور مذمت

Posted on November 20, 2013 By Majid Khan سٹی نیوز

مجلس وحدت مسلمین کے ڈپٹی سیکرٹری جنرل علامہ محمد امین شہید نے گجرات میں پروفیسر شبیر حسین اور ان کے ڈرایؤر کی ٹارگٹ کلنگ کی پرزور مذمت کرتے ہوئے حکومت کو متنبہ کیا ہے کہ وہ شرپسند اور فرقہ پرست ٹولے کو کنٹرول کرے جو ملک بھر میں فرقہ واریت کی آگ کو بھڑکانے پر تلے ہوئے ہیں۔ گذشتہ روز ہنگو اور کوہاٹ میں انہیں شرپسندوں نے سیکیورٹی فورسز سمیت معصوم انسانوں کا قتل کیا اور دکانوں کو آگ لگائی جس کے باعث کروڑوں روپے کی املاک جل کر خاکستر ہوگئی۔ انہوں نے کہا کہ اگر حکومت نے امن وامان کی بگڑتی ہوئی صورتحال کا فی الفورنوٹس نہ لیا تو ملک بھر میں ایسی آگ بھڑک اٹھے گی جسے بجھانہ کسی کے بھی بس میں نہیں رہے گا۔

ان خیالات کا اظہار انہوں نے کہ راولپنڈی میں شرپسندوں کی طرف سے جلائی گئیں امام بارگاہوں کا دروہ کے موقع پر گفتگو کرتے ہوئے کیا۔ ان کا کہنا تھا کہ علمائے کرام وطن عزیز کو فرقہ پرستی کی آگ سے نکالنا چاہتے ہیں لیکن ایک مخصوص فرقہ پرست ٹولہ اس کوشش کو ہر ممکن طور پر ناکام بنانا چاہتا ہے، یہی وجہ ہے کہ ملک کے کئی علاقوں میں صورتحال اب بھی کشیدہ ہے۔ ان کا کہنا تھا کہ حکومت فی الفور اس صورتحال کا نوٹس لے۔ علامہ امین شہیدی کا کہنا تھا کہ جمعہ کے روز یوم نوسہ رسول منایا جائیگا اور امن دشمنوں کے خلاف ملک گیر احتجاجی مظاہرے کیے جائیں گے۔

by Majid Khan

Nasir Mehmood - Chief Editor at GeoURDU.com