علامہ ناصر عباس جعفری کی بنوں میں 20 سے زائد سیکیورٹی فورسز کے اہلکاروں کو نشانہ بنانے کی شدید مذمت

Posted on January 20, 2014 By Majid Khan سٹی نیوز

مجلس وحدت مسلمین کے سربراہ علامہ ناصر عباس جعفری نے بنوں میں 20 سے زائد سیکیورٹی فورسز کے اہلکاروں کو نشانہ بنانے کی شدید مذمت کی ہے اور کہا ہے کہ دہشتگردوں کیطرف سے سیکیورٹی فورسز کے دستے پر حملے نے ایک بار پھر ثابت کر دیا ہے کہ وطن دشمن عناصر کیخلاف سوائے فوجی آپرشن کے کوئی دوسرا حل موجود نہیں، جو لوگ مذاکرات کا مسلسل راگ الاپ رہے ہیں وہ قوم کو بتائیں کہ آخر کب تک ہم لاشیں اٹھاتے رہیں گے۔

افسوس ہے ان سیاسی و مذہبی رہنماؤں پر جو ہر واقعہ کے بات مذاکرات مذاکرات کرتے دکھائی تو دیتے ہیں لیکن طالبان کے اس عمل کی مذمت تک نہیں کرتے۔ دہشتگرد اس وطن کے خلاف متفق ہو چکے ہیں لیکن قومی رہنماوں کی سوچ تقسیم ہے۔

آخر کب ان رہنماؤں کو ہوش آئے گا؟، کبھی ان دہشتگردوں کے ہاتھوں معصوم صحافی نشانہ بن رہے ہیں تو کبھی سیکیورٹی فورسز کے جوان شہید ہو رہے ہیں، جن درندہ صفت لوگوں سے مساجد اور مقدس مقامات محفوظ نہیں ان سے مذاکرات کی باتیں ہر باوفا شہری کی سمجھ سے بالااتر ہیں، پوری قوم مطالبہ کرتی ہے کہ حکومت فی الفور نام نہاد طالبان کے خلاف آپریشن کا اعلان کرے۔

by Majid Khan

Nasir Mehmood - Chief Editor at GeoURDU.com